Genesis 27

Genesis 27:1

Sa natigulang na si Isaac, unsa man ang dili na niya mabuhat?

Sa pagkatigulang na niya, dili na siya makakita.

Genesis 27:3

Unsa man ang gihangyo ni Isaac nga pagabuhaton ni Esau, ug ngano?

Mihangyo si Isaac kang Esau nga mangayam ug magluto sa pagkaon nga iyang paborito, aron nga makakaon siya niini ug mapanalanginan niya si Esau.

Genesis 27:8

Unsa man ang giplano ni Rebeca sa pagdalit ug pagkaon ni Isaac, ug ngano?

Gisultihan ni Rebeca si Jacob nga mokuha ug duha ka kanding ug magluto siya sa putahi nga paborito ni Isaac, aron madala kini ni Jacob ngadto kang Isaac ug madawat ang panalangin.

Genesis 27:11

Mahitungod sa unsa man nga kabalaka ni Jacob sa pagdala ug pagkaon ngadto kang Isaac?

Nabalaka si Jacob kay si Esau balhibuon man nga tawo ug siya hamis, ug basin pagahikapon siya ni Isaac ug masayran nga gilingla niya siya ug tungluhon siya.

Genesis 27:15

Giunsa man pagsulbad ni Rebeca ang problema sa pagkabalhibuon ni Esau ug si Jacob hamis man nga tawo?

Gipasul-oban ni Rebeca si Jacob ug sinina ni Esau ug gibutangan niya ug balhibo sa kanding ang iyang mga bukton ug liog.

Genesis 27:20

Sa dihang nangutana si Isaac, giunsa man pagsulti ni Jacob nga dali lamang kaayo siya?

Miingon si Jacob nga si Yahweh, ang Dios ni Isaac, ang nagdala sa inayam ngadto kaniya.

Genesis 27:22

Tungod kay dili siya sigurado, unsa man ang gibuhat ni Isaac aron mailhan kung kinsa ang naghatag kaniya ug pagkaon?

Gihikap ni Isaac si Jacob sa iyang mga bukton ug nabati niya ang mga balahibo sa panit sa kanding.

Genesis 27:24

Unsa man ang gisulti ni Jacob sa dihang nangutana si Isaac, "Ikaw ba gayod ang akong anak nga si Esau"?

Miingon si Jacob, "Ako".

Genesis 27:26

Sa kaulahian unsa man ang nakaagni kang Isaac nga ang nagdala sa pagkaon mao si Esau?

Sa dihang miduol na si Jacob kang Isaac aron mohalok kaniya, nasimhotan ni Isaac ang baho sa sinina ni Esau.

Genesis 27:28

Unsa man nga mga panalangin nga gihatag ni Isaac kang Jacob?

Gipanalanginan ni Isaac si Jacob sa abundansiya kaayo nga pagkaon, pagdumala sa tibuok nasod ug sa iyang igsoon, pagatungluhon kadtong motunglo kaniya, ug panalanginan kadtong magpanalangin kaniya.

Genesis 27:29

Unsa man nga mga panalangin ang gihatag ni Isaac kang Jacob?

Gipanalanginan ni Isaac si Jacob sa abundansiya nga pagkaon, pagdumala sa tibuok nasod ug sa iyang igsoon, pagatungluhon kadtong motunglo kaniya, ug panalanginan kadtong nagpanalangin kaniya.

Kinsa man ang giingon ni Isaac nga bout moyukbo ngadto kang Jacob?

Miingon si Isaac nga ang mga nasod moyukbo ngadto kang Jacob ug ang mga anak nga lalaki sa iyang inahan motahod usab kaniya.

Genesis 27:30

Unsa man ang gibuhat ni Esau sa pagbiya ni Jacob sa tolda ni Isaac?

Miabot si Esau gikan sa pagpangayam, giandam ang pagkaon, ug gidala niya kini ngadto kang Isaac.

Genesis 27:34

Unsa man ang gisulti ni Isaac sa dihang mihangyo si Esau alang sa iyang panalangin?

Miingon si Isaac nga malinglahong gikuha ni Jacob ang panalangin ni Esau.

Genesis 27:36

Unsa man ang duha ka paagi nga nakaingon si Esau nga gilimbongan siya ni Jacob?

Nakaingon si Esau nga gilimbongan siya ni Jacob sa iyang katungod isip kamagulangan ug sa iyang panalangin.

Genesis 27:39

Unsa man nga "panalangin" ang gihatag ni Isaac kang Esau?

Miingon si Isaac kang Esau nga mopuyo ngadto sa layo gikan sa tabunok nga yuta, nga mag-alagad siya sa iyang igsoon, apan makigbatok kaniya ug makalingkawas siya sa yugo ni Jacob.

Genesis 27:41

Unsa man ang bahad ni Esau human sa kamatayon ni Isaac?

Nakahukom si Esau nga patyon niya si Jacob human sa kamatayon ni Isaac.

Genesis 27:43

Unsa man ang gibuhat ni Rebeca pagkadungog niya sa bahad ni Esau?

Gipalayas ni Rebeca si Jacob ngadto kang Laban, nga iyang igsoong lalaki, sa Haran.