Genesis 25

Genesis 25:1

Unsa may gibuhat ni Abraham human mamatay ang iyang asawa?

Si Abraham nangasawa sa babaye nga ginganlan ug Ketura.

Genesis 25:5

Giunsa man pag-apod-apod ni Abraham ang iyang kabtangan?

Gipanghatagan ni Abraham ug mga gasa ang anak sa iyang puyopuyo, ug gihatag ang tanan niyang gipanag-iyahan ngadto kang Isaac.

Genesis 25:7

Pila man katuig nabuhi si Abraham?

Si Abraham nabuhi sulod sa 175 ka mga katuigan.

Genesis 25:9

Kinsa man ang naglubong kang Abraham?

Si Isaac ug Ismael ang naglubong kang Abraham.

Genesis 25:21

Unsa may gibuhat ni Isaac tungod kay wala pa makabaton ug anak si Rebeca?

Nag-ampo si Isaac kang Yahweh alang sa iyang asawa, ug gitubag ni Yahweh ang iyang pag-ampo, ug nanamkon si Rebeca.

Genesis 25:23

Unsa may gisulti ni Yahweh mahitungod sa duha ka bata nga nagdinut-anay sulod sa tagoangkan ni Rebeca?

Miingon si Yahweh nga adunay duha ka mga nasod sa iyang tagoangkan, ang usa ka tawo mas baskog kaysa sa usa, ug ang kamagulangan mag-alagad sa kamanghoran.

Genesis 25:27

Unsa nga matang sa pagkatawo ni Esau?

Si Esau maabilidad nga mangangayam ug tawo sa uma.

Unsa nga matang sa pagkatawo ni Jacob?

Si Jacob hilumon nga tawo nga kanunay lamang anaa sa mga tolda.

Genesis 25:31

Alang sa unsa man nga balos ang gipangayo ni Jacob alang sa pula nga nilat-an nga gustong kaonon ni Esau tungod kay gigutom kaayo siya?

Gipangayo ni Jacob ang katungod sa kapanganakan ni Esau ingon nga balos alang sa pula nga nilat-an.