Genesis 19

Genesis 19:9

Unsa man ang tubag sa mga tawo sa tanyag ni Lot?

Gisultihan sa mga tawo si Lot nga mopalayo sa pultahan sa dihang hapit na maguba ang pultahan.

Genesis 19:14

Unsa man ang tubag sa mga umagad ni Lot sa dihang gisuginlan sila ni Lot nga magdali ug mobiya sa Sodoma kay kini pagalaglagon na sa Dios?

Naghunahuna ang mga umagad ni Lot nga nagtiaw-tiaw si Lot.

Genesis 19:16

Bisan tuod naglangay-langay si Lot, nganong gidala man si Lot ug ang iyang pamilya sa mga anghel pinaagi sa pagguyod kanila pagawas sa siyudad?

Gipahimotang sila pagawas sa siyudad tungod sa pagkamaluluy-on ni Yahweh kanila.

Genesis 19:26

Unsay gibuhat sa asawa ni Lot ug unsay nahitabo kaniya?

Ang asawa ni Lot milingi ug nahimo siyang asin nga haligi.

Genesis 19:30

Asa man mibalhin si Lot ug ngano?

Si Lot mibalhin sa mga bukid kay nahadlok siya nga mopuyo sa Zoar.

Genesis 19:31

Unsa man ang gilaraw sa mga anak nga babaye ni Lot nga nalambigit ang ilang amahan?

Naglaraw ang mga anak nga babaye ni Lot sa paghubog sa ilang amahan ug unya nakigdulog sila kaniya aron makabaton sila ug mga anak.