Genesis 15

Genesis 15:1

Unsa man ang pagdasig nga gihatag ni Yahweh kang Abram, sa dihang nagpakita siya kang Abram?

Gidasig ni Yahweh si Abram nga dili mahadlok, ug siya ang taming ni Abram ug ang iyang dakong ganti.

Genesis 15:4

Si kinsa man ang giingon ni Yahweh nga mahimong manununod ni Abram?

Miingon si Yahweh nga ang usa ka tawo nga gikan gayod sa kaugalingong lawas ni Abram maoy mahimo niyang manununod.

Genesis 15:6

Giunsa man pagdawat ni Abram ang saad ni Yahweh, ug unsa man ang gibuhat ni Yahweh?

Mituo si Abram sa saad ni Yahweh, ug giisip siya ni Yahweh nga matarong.

Genesis 15:12

Unsa man ang nahitabo kang Abram sa dihang misalop na ang adlaw?

Unya sa pagsalop sa adlaw, nahinanok pag-ayo si Abram ug ang lalom ug makalilisang nga kangitngit mitabon kaniya.

Genesis 15:14

Pagkahuman sa pagkatulog ni Abram, unsa man ang gisulti ni Yahweh kaniya mahitungod sa mahitabo sa iyang mga kaliwat?

Miingon si Yahweh kang Abram nga maulipon ang iyang mga kaliwat sa yuta nga dili ilaha sulod sa 400 ka katuigan, ug manggula sila inubanan sa daghan nga mga kabtangan.

Unsa man ang giingon ni Yahweh nga mahitabo sa nasod nga nag-ulipon sa mga kaliwat ni Abram?

Miingon si Yahweh nga hukman niya ang maong nasod.

Genesis 15:17

Nianang gabhiona, unsa man ang nahitabo sa mga patay nga lawas sa mga mananap nga giandam ni Abram?

Ang nag-aso ug nagkalayo nga kaang ug ang nagdilaab nga sulo miagi sa tunga sa mga hiniwa nga mga mananap.