Genesis 3

Genesis 3:1

Unsa man ang unang pangutana nga gipangutana sa serpente sa babaye?

Miingon ang serpente o bitin, "Miingon ba ang Dios nga, 'Kinahanglan nga dili kamo mokaon gikan sa bisan unsa nga kahoy sa tanaman'?"

Genesis 3:4

Sa dihang miingon ang babaye nga ang Dios misulti kanila nga sila mamatay kung sila mokaon sa bunga gikan sa kahoy nga anaa sa tungatunga sa tanaman, unsa man ang gisulti sa serpente o bitin?

Ang serpente o bitin miingon, "Dili gayod kamo mamatay".

Genesis 3:7

Unsa man ang nahitabo kanila sa dihang mikaon sila sa bunga?

Sa dihang mikaon sila, naabli ang ilang mga mata ug nasayod sila nga sila hubo.

Genesis 3:12

Si kinsa man ang gisulti sa lalaki nga naghatag kaniya ug bunga sa kahoy?

Ang lalaki misulti nga ang babaye ang naghatag kaniya sa bunga sa kahoy.

Genesis 3:16

Unsa man ang gihatag nga tunglo sa Dios sa babaye sumala sa pagpanganak?

Gihatagan sa Dios ang babaye ug pinilopilo nga kasakit sa pagpanganak.

Genesis 3:17

Unsa man ang gihatag nga tunglo sa Dios sa lalaki sumala sa iyang pagtrabaho?

Gitunglo sa Dios ang yuta aron nga makakuha lamang ug pagkaon ang lalaki kung mohago siya.

Genesis 3:20

Unsa man ang gipangalan sa lalaki ngadto sa babaye, ug ngano?

Gitawag sa lalaki ang babaye ug Eva, tungod kay siya ang inahan sa tanang binuhat.

Genesis 3:22

Nganong gisulti man sa Dios nga kinahanglan dili mokaon si Adan sa kahoy sa kinabuhi?

Miingon ang Dios nga sanglit nasayod na si Adan sa maayo ug daotan kinahanglan nga dili siya makakaon sa kahoy sa kinabuhi, tungod kay sila mabuhi sa kahangtoran.