¹ Lô-ma quanz tingc nyâuđ phunz buz nzac Đangđ ninyh I-ta-li Stâyz-phangz, Nănh stiz zoz Phao-lô, cloon pitc đomc Stoif-Munh jaoz phunz tauh pengz pyây bux hipđ ayx Ga-li-utv, Nănh cun Hungh tync nyăngz pengz pyây, ² Buz nzac ah saz Đangđ ninyh, Tăng A-za-mitv, Stengv cayx ninyh haiz cangz vungh thêuz-av, A-ri-takc, quê yămz Ti-sa-lô-ni-ca, Ma-sê-đoan stâyz-phangz, nănh lauf lêpc buz Ninyh.” ³ Tah nyâyc noib buz ninyh tauv Si-đôn, Giu-li-utv, hâuđ lênh Phao-lô, Songđ phunz nănh lov Nănh nyăngz Yâuf-pez zeen Zâu Munh, Stăngc bênc Muif hungđ phunz Nănh sămv zuc nongc nyăngz.” ⁴ Buz ninyh Gâyh Si-đôn, Năngx ninyh tauv Zipv-zơ coiđ yâuc pongh nzaox pan pokx planc Phunb đangz. ⁵ Buz clăngv quaix Stătx Si-si-li, Cloon Băm-phi-li coiđ, nzof songđ zapz mi-da, jau nzeetx thuôkc Li-sa.” ⁶ Yămz woa pengz pyây lov tuz ah saz Đangđ, Tăng A-likc-sơn taih, Yâuc cayx ninyh I-ta-li Stâyz-phangz, Nănh songđ phunz buz nzac woax saz Đangđ Ninyh.” ⁷ Buz ninyh nâyx đomc jau đungx noib nzongf, Đangđ ninyh manc nzongf, Ninyh tuz caux Stâuv, Buz nzăngđ ninyh tuz tauv Ni-đu, Six buz ninyh pongh zuc nzaox pan pokx phunb đangz, Buz songđ zav quaix namh-puôngz, Lêpc yangh munh nyăngz coiđ Sany-môn Ninyh.” ⁸ Buz ninyh tuz caux Stâuv nzăngđ tuz gâyh woax nomz coiđ nzof, “Buz nzăngđ zâyf ninyh tauv ah cuyb tync bux hipđ ayx miv-cangz, Stătx La-sa Stengv.” ⁹ Buz ninyh dlêtc săngx huđ đungx nzongf, “Six coong pungx bongh ninyh gôh Yâuc cumh nzav, Yâuc Stătx Yiu-tai Munh njif nhlync nyăngz stêtz, Phao-lô Songđ bux coong, ¹⁰ “Pyeoz lex! Yaz phătc pănh ninyh nâyx hâyđ ya jau seenz cumh nzav nzongf, “Yaz woangb pănh hayh zuc quanyf mengc, Cloon nâyx saz Đangđ cloon nâyx đomc huv.” ¹¹ Six nâyx tauh pengz pyây, Max zeen Phao-lô nyăngz woac, Cungb zeen laix Đangđ quanz, Cloon Đangđ Zâu nyăngz woac.” ¹² Wâyc zuc nâyx nomz coiđ, Max săngh zapz Đangđ quaix tongz dlih noib, woax đomc Munh đungx zâyf oix tiêpv tukc ninyh tymb, Nănh stiz mungc hayh ninyh tuz tauv coiđ Phươngc-woangh zapz Đangđ ănz woa, Phươngc-woangh six ah nomz Stengv Yămz woa yangh munh coiđ cah zâyc, Naih coiđ zav quaix Stayz-nam, Stez-pakx puôngz ninyh.” ¹³ Songx munh phătc nzaox tăng Nam-puôngz sâyb taih, Songx munh songđ laic Stăngz six hayh ninyh tuz, Đangđ nâuh, Songđ jongz tungh ngauz Staox Đangđ taih, Songđ tâuc lêpc yangh Munh nyăngz coiđ ninyh.” ¹⁴ Ninyh max lauh pongh ah tâu nzaox jaz, Munh hipđ ayx nzaox tongz puôngz, Cloon pakx puôngz nzaox, dlunc nzac woa coiđ taih.” ¹⁵ Đangđ zuc nzaox pan longh Sâyb max hayh ninyh tuz, Songđ pungx Đangđ lêpc nzaox, dluyh pyeenz nzaox sâyb quaix laiv tix ninyh bix quaix.” ¹⁶ Nzaox Stunc buz nyăngz Đangđ ninyh atz tauv ah nomz coiđ jeenz, Bux hipđ ayx Cô-lô-đav, Nănh stiz nongc nzuf jab nzăngđ pâuh tuz woax saz Đangđ jeenz staox woa Đangđ lub taih.” ¹⁷ Đănx tuz Đangđ staox taih nzof, Nănh stiz songđ catz Gutc iz pôz nganc woax đomc langđ ayx quengx, Cungb woangb nzaox hayh dlunc ayx Đangđ lunc nzuc. Nănh stiz cumh nzav woangb Đangđ tay hav, Bix hayh jengv Sa-titv Stâyz-Phangz, nib bauz, Songđ pungx Đangđ bongh nzac taih Phunz nzaox sâyđ ninyh.” ¹⁸ Tah nyâyc noib nzaox jaz zâyf năngx nzongf têx, ayx phunz nănh stiz songđ zuc zoz huv quanyf ănz nzac coiđ Ninyh.” ¹⁹ Năngx tauv tah Stamz noib timb, Nănh stiz songđ zuc tongf Stynb zoz yămz woa Đangđ njaf woax đomc tungh zangc quanyf ănz nzac coiđ ninyh nzuf.” ²⁰ Batz noiđ nzof, Nzaox cun ayx cun nzongf, Buz mangc max phătc bah noib Stingz tau lav, Buz songđ max mungc năngx tuz Njâuv.” ²¹ Wâyc zuc tinyh đoih tanyđ max nhlync laiv lungđ lauh nzof, “Phao-lô songđ nyoongz quef stâuđ nănh stiz mungh tongx coong, “pyeoz lex! Six coong nyâuh năngđ mungv yaz max ninyh gâyh yangh-Munh nyăngz coiđ têx, naih dlih pănh max pongh zuc nâyx đomc zâuđ nanc nyăngz dlayc.” ²² Six nâyx zanyf yaz bux nyâuh, “phanv pungx stymz, “Pănh nâyx đomc Munh max naih toix tauh zuc quanyf mengc đêh, Six cungb zuc quanyf nâyx saz Đangđ cungđ lêđ đêh.” ²³ Wâyc zuc cumh bâuz naih ah tauh yaz canyx bongc woax tauh Tênb-Hungh nyăngz Stynz-munh taih cloon yaz yămz Nây.” ²⁴ Stynz-Munh bux coong, “Phao-lô lex! Max nongc cumh nzav đêh, Tênb-Hungh six ênz mâyh ninyh tauv Sê-sa Hungh nyăngz cah Đangc, Nănh coong, “Nănh nyunc Njâuv cloon lêpc mâyh ninyh woax đomc munh nyăngz mengc nex.” ²⁵ Pyeoz toic lex! Pungx Stymz geh! Yaz zeen Tênb-Hungh nyăngz Stynz-Munh coong laix, “Nănh yâuc ayx dlayc năngđ woa nâyx seetb Taih. ²⁶ Pănh nyăngz Đangđ six zuc jengv blaz tix nomz coiđ.” ²⁷ Tauv săpc stâyx noib woax munf, Buz nyăngz Đangđ zuc nzaox sâyb, quynz ninyh, quynz lauf, Yămz woa A-đơh-ria-tikv coiđ.”Đangđ nâuh mungv cayx năngđ six cayx tauv nib nâyx. ²⁸ Nănh stiz pungx langb nzac womz ninyh gaob mangc jađ đôz sax yoomh, Nănh stiz songđ pungx langđ nzac ninyh gaob mangc phătc đôz Nhlic săpc yoomh, Nănh stiz nzêmh côz yongb, zâyf năngx ninyh ah dlapc timb, gaob mangc phătc đôz săpc ngâuf yoomh.” ²⁹ Nănh stiz woangb Đangđ tay jengv njauz poz, Đangđ nâuh songđ quanyf pyâyz nomz tungh ngauz nzac womz ninyh zu tauv Gungh Gwăngz.” ³⁰ Naih ah phanx Đangđ nâuh oix tyuv quengx, Songđ pungx Đangđ jeenz nzac womz ninyh, Jac ayx cayx ta ninyh pungx tungh ngauz nâyx quaix woa đangđ pyây woax lepz Ninyh.” ³¹ Six Phao-lô coong bux pengz pyây coong, “Six coong Đangđ nâuh năngđ max naih mănv yămz nâyx têx, Pănh six max naih mănv tuz Njâuv.” ³² Pengz songđ catz Đangđ jeenz langb seetc tuih bomc nzac womz ninyh.” ³³ Tauv gungh cayx Gwăngz, Phao-lô bux êu songx munh nhlync tix hungđ, Nănh coong, “Tuz săpc stâyx noib nây nzof, nyâuh yâuc stauh tuz max nhlync laiv hungđ.” ³⁴ Yaz bux nyâuh Yâuf pez oix zuc Nhlync tix hungđ zoz jab geh, hănđ six nyâuh Yâuf pez nyăngz pyây Đongz yâuc max buôngh diêtc ah Stynz đêh.” ³⁵ Coong songf Phao-lô zoz nzu taih toongx Songx Munh Sâuf Tênb-Hungh songf, Songđ watz nzu Nhlync. Songx munh numđ nyâuđ Gwoanb têx songđ tinyh đoih Nhlync.” ³⁶ Songx munh numđ nyâuđ Gwoanb têx songđ tinyh đoih Nhlync.” ³⁷ Buz yămz woa Đangđ njaf nyăngz munh naih iz pez jeetb săpc guf lanh Munh.” ³⁸ Nănh stiz nhlync pac songđ quanyf blauh mâyf nzac womz ninyh phunz Đangđ sâub.” ³⁹ Tauv bah noib seetb, woax đomc Đangđ nâuh mangc phătc nib, Six max pâyz tuz toix laiv tix nib tâyc, Nănh phătc naih ah cuyb jau nzeetx, Songđ oix tâuc Đangđ ninyh zac zapz Đangđ ănz woa.” ⁴⁰ Wâyc năngđ nâyx, Nănh stiz songđ catz seetc pang tungh ngauz langb pungh nzac coiđ ninyh, Zay Đangđ zâyh langb quanyf nzuf, Pungx bongh nzac taih phunz nzaox sâyđ lov jau ninyh woa wăngx Synh.” ⁴¹ Ninyh lauh pongh zuc womz gapb, Đangđ tôz jengv woa njauz đuiz, Max hayh tongc tuz, woa Đangđ tây yâuc zuc nzaox lub sâyb lunc nzuf. ⁴² Pengz nyâyh taih hangc đa tayx Stoif-Munh quanyf, Max đanyc nănh stiz hayh jâuh womz tyuv nzuf.” ⁴³ Six pengz pyây Du-li-utv oix njâuh Phao-lô, Songđ max tayx laiv Tauh, Nănh seetb lanyf bux coong, “Toix laiv tauh hayh jâuh womz, bix đanyz nzac womz jâuh seetb wăngz synh ninyh đangc.” ⁴⁴ Six toix laiv tauh max hayh jâuh womz bix zâyh njăngx Săng, Mah six woax đomc Đangđ njăngx pen byâuh, Mungc nâyx hungđ bix zâyh jâuh năngx tuz tauv wăngx synh pengh-oonz.”