¹ Kuli ukuti nomba kusi ukusula kuli yano yali muli Kilisitu Yesu. ² Pano isunde lya mupasi wa wumi muli KIlisitu Yesu liwasapwike ukufuma ukwi sunde lya luyembu nimfwa. ³ Apakuti chino isunde lyaposile uku womba pamulandu wakuti litali na maka ukupila uku mwili, Leza wa wonmvile. Watumile umwanakwe nu wakwe umuchikolanyo cha luyembu lwa mwili ukuti chiye icha wila cha luyembu, kapya wa susizye uluyembu lwa mu mwili. ⁴ Wawomvile chi ukuti vino vikulondya ivisunde ukuti pamwi vingakwanilisika muli sweswe, sweswe sweyano tutakupila ukuyana nu mwili, kwene ukuyana nu mupasi. ⁵ Yano yakwikala ukuyana na nu mwili yakayika amelengwi yawo pa vintu vya kumwili, kwene yano yakwikala ukulingana nu mupasi yakayika amelengwi pa vintu vya mupasi. ⁷ Pano amelengwi ya ku mwili imfwa, kwene amelengwi ya kumupasi u wumi nu mutende. ⁶ Amelengwi ya kumwili ayayipe apamanso yakwe Leza, pakuti chitapelwa kwisunde lyakwe Leza, nukuti chitalingine ukuwomba vivyo. ⁸ Wonsi yano yali uku mwili yatanga yamusechelesye Leza. ⁹ Kwene usi kuvwa ku mwili kweni kuvwa ku mupasi, ndi ichendi umupasi wakwe wikala muli wewe. Kweni ndi wumwi wino atakweti u mupasi wakwe Kilisitu, asi muli weliwe. ¹⁰ Ndi ichakuti Kilisitu ali muli wewe, umwili uwufwe ukukonkana nuluyembu kwene umupasi uwawumi ukulingana nu wulungamane. ¹¹ Ndi umupasi wakwe wino wa katwisye Yesu ukumfwa, wikala muli wewe , wino wakatwisye Kilisitu uku mfwa awino wiyokwene alawapa uwumi uku myili yinu uwambula ukufwa ukupitila umumu pasi wakwe, wuno wuli muli mwemwe ¹² Achino, yakundwe swe yaluyembu kwene asi uku mwili ukukwala ukulingana nu ku mwili. ¹³ Pano ndi mukwikala ukulingana nuku mwili, muli apapipi ukumfwa kwene ndi kumupasi mukukoma ivyakuchitika vya mwili, muliya numwili. ¹⁴ Pano ayinji wonsi yano yakutungululwa nu mupasiwakwe Leza, ya aya mwana Leza. ¹⁵ Mutapochelela umupasi wawuzya ukuti mungayikala muntete nupya kwene mwapochelile umupasi wakupiliwula muli wuno tukalilila ukuti, "Abba, Tata!'' ¹⁶ Umupasi kwene awuno wuli nuwukamboni ponga nupasi wiyu ukuti swe ya mwana Leza. ¹⁷ Ndi swe yana, alikuti naswekwene sweyampyani, ayampyani yakwe Leza. Kupya swe yampyani ponga na Kilisitu, ndi chumu tukachula nawe umwakuli tungatumpulwa ponga nawe. ¹⁸ Pano inkhwelenganya ukuti ivya kuwaya vyapo znsit yino visi namaka apa kukolanya nuwuchindame wuno wulawumbulwa kulisweswe. ¹⁹ Apakuti ukulindilila namaka ukwa vipelwa vikulindilila ukuwumbulwa kwakwe yamwana Leza. ²⁰ Pano ivipelwa vyapezile ukutontela, ukwawula ukulonda kwawo, kwene pamulandu wakwe wino wavipezile, mwisuwilo. ²¹ Ukuti ichilengwi ichenecho chilafuma ukuwuzya chilaya uku kuwola, kupya ukuti chiliyikwa umumutende wa ufumu uwa wana yakwe Leza. ²² Pano tukumanya ukuti ichilengwi chinsi chichili chikalila kapya chkawomba muvyakuwaya pali pamwi nali kwene. ²³ Asachichokwene chitupu, kwene nasweswe kwene, sweysno tuli nivikomwa ivya kutandika ivya mupasi, tukalilila umukasi, pano tukulindilila na maka ukupochelelwa kwitu, ukuzyuka kwa mwili witu. ²⁴ Pano umwisuwilo lii amuno twa pu suchile. Nomba isuwilo lino likuloleka asi isuwilo. Pano wino akasuwila pali chino angalola? ²⁵ Kwene ndi tukusuwila pali vino tulavilola, tukalindilila nu kutekanya. ²⁶ Umunzila iyiliyimwi, umupasi nawokwene ukatwavwilizya umukufoka kwitu. Pano tutamanya muno tungapepela, kwene umupasi woliwo awuno wukatupepela umukuyili zyanya kwitu ukwambula ukulondolola. ²⁷ Wino akulonda mu myenzo wamanya amelengwi ya mupasi, pa mulandu wakuti akawapela umumalo yawantu ayatiswe yakwe Leza ukulingana nu kulonda kwakwe Leza. ²⁸ Tumanyile ukuti yalya yano yamukunda Leza, akawombela ivintu vyonsi apali pamwi nawo ukuti viwazipile , mumalo mwa milimo yakwe ivintu vyonsi ponga pa visuma, kuli yano yamwa ukuyana ni milimo yakwe. ²⁹ Pamulandu wakuti yano wawamanyile nawokwene wawapawile ukuti yaye ngati ichikolanyo icha mwanakwe, ukuti angaya umwana katote apawana wonsi. ³⁰ Yawo wawapawile, ayano nawokwene wawamile . Yano wawamile, ayano nawo wawalungamike. Yano nawo wawalungamike ayano nawo wawatumpwile. ³¹ Apano iuzye tungavwanga chani apavintu vino?Ndichakuti Leza ali naswe, aweni wino akwiminkana naswe? Wino ³² atasunzile umwanakwe nu wakwe kwene wapile weliwe umumalo mwakwe sweswe swensi, nga alapotwa wuli ukuya apali pamwi nawe muwusapuke ukutupa ivintu vyonsi? ³³ Nga aweni wino aliza nu mulandu uwakususya ayasolwe na Leza? Leza ali wino akalungamika. ³⁴ Wuzye aweni wino akasusya? Kilisitu Yesu ali wino wafwile -ukuchila papo. Wino wazyusile- wino ali ukwikasa lyakwe ndilo lyakwe Leza, kupya awino akutupepelela sweswe. ³⁵ Aweni wino alatufumya sweswe ukulukundo lwakwe Kilisitu nintazi, ukuchulika, ukulongwa, inzala, ukuzwaluka, ukusavya, pamwi ichimanyi? ³⁶ Ngati muno vyawalichilwa, ''pa chilambu chino tukukoma uwanda wonsi. Twasenzilwe ngati ng'onzi yikuya pakukomwa.'' ³⁷ Umu vintu vyonsi vii tulusizye yakachinvya ukupitilila muli wino watutemilwe sweswe. ³⁸ Pakuti nuvwichisya nanti ingaya imfwa, uwumi, angelo, uwuteko, ivintu vino vilipo, pamwi ivintu vino vikwiza, pamwi amaka. ³⁹ Pamwi uwutali, pamwi ukuzika, pamwi ichintu chuze ichipelwa, pasi chino chilatuwula ukulukundo lwakwe Leza, luno luli muli Kilisitu Yesu Mwene witu.