¹ Lekini umupasi wonsi wachindika uteki wapapela, pakuti kutaya uteko uno utafuma kuli Leza. Yakateka yano yayakweneko yasolwa na Leza. ² Achino wino akuusambuchila ulya uteko akukana isunde lyakwe Leza, na yalya yano yakuukana yalipochelela upinguzi wawo. ³ Pakuti ya kaleka yasitinya ku milimo isuma, kwene ku milimo iyipe. uzye ukulonda utati uye nintete kuli wino ali pa uteko? Womba chino ichisuma, nukuti ulapochelela amalumbo. ⁴ Pakuti aliya umuomvi wakweleza limbiwe mwemwe pa visuma. Kwene ndimukuwomba chino ichiyipe, mwatina; pakuti asinyamula panga kwawula umulandu. Pakuti umuwuomwi waliwe Leza, akufisya uwukali wakwe Leza pakupanika wino akuwomba ichiyipe. ⁵ Achino mulingine uku wuwvila, asi pamulandu wa wukali waliwe Leza, kwene nupya pa mulandu wa vyakwelenganya vinu. ⁶ Pamulandu wuu namwe mukasonchela umusonko. pakuti yakateka aomvi yakwe Leza, yano yakawomba imilimo yonsi mwakupitilizya. ⁷ Mwabela wonsi vino muli nukuwapela; umusonko kuli yano uwayine, nu kulipila kuli yano ungalipila, tina yano yalingine ukuwatina umuchinji kuno yalingine umuchinji. ⁸ Mutaya ni nkongole kuli wumwi, suka ukutemwana. Pakuti wino akumutemwa umupalamani lyo wafisya isunde. ⁹ Amasunde, '' utachendeka, utakoma, utaiya, utakumbuchila,'' ndi paya isunde lyuze vyonsi vyaya panga muli vii,'' Umutemwe umupalamani wako ndi vino waitemwela wemwenecho.'' ¹⁰ Ulukundo lusimuchitila uyipe umupalamani. Achino, ulukundo aluno lukafisya isunde. ¹¹ Pamulandu wuu, muyimanyile ninsita, pakuti yino ali insita ya kuzyuchila umu tulo. Pano lino ukupusuka kuli papipi ukulusya pano twatandike ukusuwila. ¹² Usiku wapita nukucha kwapalama, tuyini nomba tuyike ukumbali imilimo ya mfinzi nu kuzwala ivyakulwila ivya utiswe. ¹³ Tuyini twapita imipitile yamchinzi, ndi vino apatiswe, tuleke ukumwa mwakusechelela pamwi ukumwesia; nu kuleka ukupita mu uchende pamwi amakumbuchila pamwi ulombwa nu uzuwi. ¹⁴ Kwene mumuvwale Mwene Yesu Christu, muleke ukwelenganya ivyamwili, nukwikusya vino akulonda.