¹ Mumanda yalya , kwalinji nupya iwumba ilikulu , nga yatalinji nichakulya , Yesu wawamile alondezi yakwe ngawatili kuli woliwo, ² ''ndinichitima sana kwiwumba muno yapitilila ukuya nanene kali pamanda yatatu ngati yasi nichakulya nachimwi. ³ Nanthi nawatuma kumang'anda yawo ukwambula ukulya, Yangazilika umunzila. Yamwi yafumile ukutali.'' ⁴ Ayalondezi yakwe yamwaswike, '' Tungavizana kwi ivibama kumap[oli ku ukuti ayanthu ya yikute?'' ⁵ Wawawuzichisye, '' Muli nivibama vinga?'' Yatile, ''visano na vili( 7)'' . ⁶ Waliwuzizge iwumba ukuti lyikale pansi. Wasenzile ivibama vilya visano navili, wasalifizge , nukuvimonyola. Wawapile ayasambili yakwe ukuti yalipe, nga yalipile iwumba. ⁸ Yalinji nupya nutunswi utunono , ngalino wawasalifizga ,, wawawuzgizge ayalondezi ukti yawapele . ⁷ Yalile nupya yikwite , ngayanyamwile ninvwongonyo, muvitundu visano navili. ⁹ Yalinji ayanthu yakukwana azimbi yanayi. Ngawawafumizge penepo. ¹⁰ Papokwene winjile muwato nayalondezi yakwe , ngayayile mumusumba wakwe Dalmanutha ¹¹ Apano Ayafaliseyi yizile yafuma nukutalika ukukanzinkhana nawe. Yalondanga ukumuteya , ngayamuwuzizge ukuti apange ivizungusyo, ukuti yalole nanthi Leza wamumanya. ¹² Wasinzye sana mumupasi wakwe nukuvwanga, '' ichani chino inkhulo yii yikulonda ichimanyisyo? Ichumi nkhuwanena , pataliya ichimanyisyo ku nkhulo yi.'' ¹³ Ngawawasile, wayile mwiwato nupya, ngawayile kumbalama yuze. ¹⁴ Nomba ayalondezi yilile ukuti yasende ivibama . Yatalinji nichibama nachimwi mwiwato . ¹⁵ Wawasunzile woliwo , nukuvwanga, '' chenjelini nukulolechesya pavyakusanzya vwakwe yafalisayi na vwakwe Herodi.'' ¹⁶ Ayalondezi yelwnginye pali wengawenga , '' Amuno tusi nivibama.'' ¹⁷ Yesu wamanyile chi, ngawatili kuli weliwe, '' Ichani chino mukukwelenganya ivyakuti musi nivibama? Nanomba mutakwelenganya , mutakuvwichisya ? Imyenzi yinu yakoma sana? ¹⁸ Muli naminso , musilola? Muli namakutwi, musiwuvw? ¹⁹ Lino namonyola ivibama visano kuyanthu ............., ivitundu vinga vino vyazuzile nivongonyo zgavibama?'' Yatile kuli woliwo, ikumi navili(12).'' ²⁰ ''Lino namonyola ivibama visano navili kumazimbi yanayi, ivitundu vinga vino vyazuzile nivongonyo?'' Yatile kuli weliwe, '' visano navili .'' ²¹ Watile muchili mutakuvwichisya?'' ²² Yizile pa Betisayida . Ayanthu palya yamuletile nthonkho nukumulenga Yesu ukuti amuleme. ²³ Yesu wamulemile pikasa, nukumufumya mumuzi wulya . Linom wamuswilila muminso nukumuyika ikasa , wamuwuzichisye, '' ukulola chimwi?'' ²⁴ Waweni kupela , nukuti,'' Nkhulola ayanthu yano yali ngati imiti yikupita.'' ²⁵ Wayisile nupya amakasa paminso yakwe , nga numunthu waweni, ukulola kwapyanile, ngawaweni ivinthu vwonsi ningokwene. ²⁶ Yesu wamufumyizge penepo ukuya kumuzi wakwe nukuvwanga , '' Manye winjile mumusumba.'' ²⁷ Yesu wafumile nayalondezi yakwe ukuya mumuzi wakwe Sizaliya Filipi. Munzila wawawuzichisye ayalondezi yakwe ati,'' Ayanthu yakuti neweni?'' ²⁸ Yamwaswike yatili,'' Yohani kawatizga . Yamwi yakuti 'Eliya,' nayamwi,' wumwi wayanthunguluzi.'''' ²⁹ Wawawuzichisyizge,'' Kweni mwe mukuti neweni?'' Peteli watili kuliweliwe ,'' Wekhilisiti. '' ³⁰ Yesu wawasundiyizizge ukuti yatanena nawumwi vyakwe weliwe. ³¹ Watalike ukuwasambilizga ukuti Umwana wa Munthu akwenela ukuchula muvinthu ivinji, nupya alikanwa nayakalamba nayakapepa ayakalamba na yakawalika , nupya alikomwa, ngananthi papita amanda yatatu alizguka . ³² Wavwanzile chi umwakuvwika . Apano Peteli wamusendile pambali nukutalika ukukalipila . ³³ Kweni Yesu wasenwikwe nukulolechesya ayasambili yakwe nukumukalipila Peteli watili,'' yanga kunsizi kwane, Satana! Utakuyika amelengwi yako pa vinthu vyakwe Leza , kweni pa vinthu vya yanthu.'' ³⁴ Alino wamile iwumba nayalondezi yakwe ponga, ngawatile kuliwoliwo,'' Nanthi wumwi akulonda ankhonkhe, akwenela ayikane wenga , asenge ichinganiko chakwe, nukunkhonkha. ³⁵ Muno aliwensi wino akulonda ukupususya uwumi wakwe aliwusumba , nanthi wumwi wasumba uwumi wakwe ichifukwa chakwe nene nganakwizwi lyane aliwupususya . ³⁶ Ichani chino chingamupindwila umunthu ukuti aye ninsi yonsi nusumba uwumi wakwe? ³⁷ Umunthu angakawula chani nuwumi wakwe? ³⁸ Wino ali ninsonyi nanene namazwi yane munkhulo yi iya wumalaya nuluyembu , umwana wamunthu alisonzwa isonyi naweliwe pano aliza muwukalamba wakwe tatawakwe nayangeli yakwe ayatiswe.''