¹ Nomba uwanda wa pa Mulungu watili wapita, lino kwatalika ukucha ukuyila ukuwanda wa kutalika uwa Mulungu, Maliya Magadalena na Maliya umuze yizile pa kulola ilalo. ² Lolini, kwalinji ichizumanzi ichikalambane, pa kwika kwa mungeli wa Mwene ukufuma ukupela, wizile nukukunkhulusya iwe, nu kwikala apapela. ³ Imilolechele yakwe yali ngati a kalumba, ni chizwalo chakwe ichitiswe ngati a susuwe. ⁴ Ya malonda yalemilwe ni nthete nu kuya ngati ayanthu ayafwe. ⁵ Umungeli wa wavwanzizye ayanachi nukuti,kuliwoliwo '''Mutatina , pakuti imanyile ukuti mukulonda Yesu, wuno wasamikwe. ⁶ Asimwenemo muno, kwene azyusile, ngati na muno wavwanjile, Izini mulole amalo yano umwene walazile. ⁷ Pitanji zuwa nu kuyanena aya londezi yakwe, ''Azyusile ku yafwe. Lolini, akuwakolelela pa kuya ku Galileya. Mulaya mukamulole kulyakwene .' Lolini, naminena.'' ⁸ Zuwazuwa ayanachi yafumile ku malalo ni nthete nu kukunda ukukulu, nukutuka pakuyanenela ayalondezi yakwe. ⁹ Lolini, Yesu wawakomenkhinye nu kuti, ''Tulamuke!'' Ayanachi yizile, ayapona umumakulu yakwe nu kumupepa. ¹⁰ Apano Yesu watili kuli woliwo, ''Mutatina . Yanjini munene ayakundwe yane ya kikale uku Galileya. Yaliya yandole kulyakwene. ¹¹ Nonba pano ayanachi yayanga, Lolini, yamalonda yamwi yayile umumusumba nu kunena ya simapepo yakalamba ivinthu vyonsi vino vyachitike. ¹² Lino ya simapepo yatili ya yakomenkhana na ya kalamba nu kuvwanzyana ilyasi na woliwo , yapile amakopala ayavule ku ya silikali. ¹³ Nukuwanenela, '' Vwangini kuli yawuze, ayalondezi yakwe Yesu yizile uwusiku nu kwiya umwili wakwe pano twali ukuti tukaswikwe. ¹⁴ Nanthi ilyasi li lingayifika inkhombe, tuliza tuyiteke imyenzo nukupumya inthwitwi kuli mwemwe.'' ¹⁵ Apano ayasilikali yatozile amakopala nu kuwomba ukuyana na vino yawalondwelile. Ululumbi lu lwakuzile ku wa yuda nu kupitilila mphaka ni lelo. ¹⁶ Kwene ayalondezi ikumi na wenga yayile uku Galileya, ku mwamba kuno Yesu wawalanjilire. ¹⁷ Yatili yamulola, yamupefile, kwene yamwi yakayikile. ¹⁸ Yesu wizile kuli woliwo nukuvwanga kuli woliwo watili, '''Insambu zyonsi zipilwe kuli nene umwiyulu na munsi ya pansi. ¹⁹ Achino yanjini mukapange ayalondezi umunsi zyonsi. Mukawawatizge umwizina lyakwe Tata ni lya mwana ni lya mupasi Uwutisye. ²⁰ Mukawasambilizye ukuvwila ivinthu vyonsi vino nawalamula mwemwe. Lolini, inchili indi namwe insita yonsi, mphaka pawumalilo wa nkhwatwa.