¹ Nupya Yesu avwanga kuli woliwo mu milumbe ati, ² ''uwumwene wa mwiyulu wukoline namwene wino wapekinye ivyakulya vya pa winga wa mwanakwe. ³ Atuma ayawonvi yakwe ukuti yakame yalya yano yamilwe ukuti yize pakulya pawinga wamwana akwe , kweni yatizile. ⁴ Nupya mwene atuma awonvi yauze, watili, 'kawanene yano tuwamile,'' Lola, nendinganya ivyakulya vyane ivyamanuzi. Inkhambaku nu tung'ombe utwine vyati vikomwa , ni vinthu vyonsi ndinganyigze kali . Yizini pakulya ivya pa winga.'' ⁵ Lelo yene yasuzile nu kufumapo, wenga ku chalo chakwe umuze ku vya kuloka vyakwe. ⁶ Yauze yalemile awonvi yakwe mwene, yawachuzizye sana nu kuwakoma. ⁷ Mwene wasosile nu kutuma asilikali yakwe nu kuwonona yano yakomile nukocha umusumba wawo. ⁸ Alino wawanennile awonvi yakwe, ' uwinga wati ufika, kwene yano tuwamile wonsi yatalingine ukwiza. ⁹ Lelo pitini mwakukomenkhana imisewu nu kuwama anthu ayinji ku winga wakulya ndi muno mungawazanila.' ¹⁰ Awonvi yayile ku misewu nu kukonganika wonsi pamwi yano yawazana anthu, wonsi ayipe nasuma. Alino ing'anda ya winga yizula nayeni. ¹¹ Kwene lino mwene walola ayeni, alola umunthu umwi wuno atazwite ivizyalo vya pa winga. ¹² Mwene watili kuli weliwe, 'Mukamu, wizile wuli muno vino usini vizyalo vya winga?' kweni umunthu atalinji nichakuvwanga. ¹³ Mwene anena awonvi yakwe ati, 'munyepini amakasa na makulu nu kumusumbila kuzi ku finzi, kuno amaya akalila nu kusha amino.' ¹⁴ Muno ayanthu ayinji yakayamwa, kweni ayanono yakasolwa.'' ¹⁵ Alino ayafalisai yapisile yavwazyane muno yangamuteyela mu mivwanjile yakwe. ¹⁶ Alino ayatuma ayalondezi yao, ponga nuluko lwakwe Helodi. Ayati kuli Yesu , ''Musambilizgi , tumanyile ukuti wewamolimo , nukuti mukasambilizya inzila yakwe Leza mu wumolimo. Usitina na melengwi awanthu nukuti usilanjizya ukapatulula pa yanthu. ¹⁷ Lelo tunene , uzye ukwelenganya chani? uzye isundwe kusonkha musonkho kuli kayisala pamwi foo?'' ¹⁸ Kwene Yesu wamanyile uyipe wawo nukuti, ''ichani chino mukunjezya , mwe yansomvi? ¹⁹ Ndanjizgini ikopala lya musonkho.'' Alino yalesile ikopala kuli weliwe. ²⁰ Yesu watili kuli woliwo, '' Wuzge imphumi ni zina ilyakwe weni?'' ²¹ Yatili kuli weliwe, '' kayesala .'' Alino Yesu watili kuli woliwo, '' Lelo twalini ivinthu vino ivwakwe Kayesala kuli Kayesala, nga na kuli Leza vino ivwakwe Leza .'' ²² Lino yuvwa vii, yazungwike. Alino yamusile nukupita. ²³ Mu wanda ulya asadduki yamwi, yano yakati kusi ukuzyuka, yizile kuli weliwe. Yamukolowozizye , ²⁴ yatili, ''kasambilizya, Mozesi watili, 'ndi umunthu wafwa, atakweti ayana, umuto wakwe atwale umwanachi wakwe nukukwata ayana ayamjuto yakwe .' ²⁵ Kwali awuze yasanu na yayili ayalumendo . Uwakutandika watwazile nu kufwa. Atakweti ana, wamusile umuchi numukulu wakwe . ²⁶ Alino umuto wakwe wakwe chili awomba vilya kwene, lelo woko chitatu, wonsi avilya kwene mpaka kuli woko yasano na yayili. ²⁷ Lino wonsi yafwa , nu mwanachi kwene afwa . ²⁸ Nomba mu kuzguka, aweni wuno aliya uwakwe pali yasano na yayili? Pa mulandu uwakuti wonsi yamutwazile.'' ^{29 30} Kweni Yesu waswike nukuti kuli woliwo,'' mukuponga pamulandu mutawamanyile amawaliko pamwi amaka yakwe Leza . Lelo mukuzguka musi inthwalwa nanthi yasipwa inthwalwa . Kweni , yali ngati angeli mwiyulu . ^{31 32 33} Kweni ukulingana nukuzguka kuyafwe , musitela muwazge chino chavwangwa na Leza kuli mwemwe , ukuti, ' nene Leza wakwe Abulahamu, Leza wakwe Isaki, na Leza wakwe Yakobe '? Leza sa Leza wayafwe, kweni uwa wumi .'' Lino iwumba lyuvwa chino, yazungwike nichisambilizgo chakwe . ^{34 35 36} Kweni lino Ayafalisi yuvwa ukuti Yesu wawamyalalika ayasadukki, yakongine palipamwi . Wenga pali woliwo , kamanya wa masunde , amukolowozga iwuzgo , pakumwezga weliwe -'' Kasambilizga , isundechi ilikalamba pamasunde wonsi?'' ^{37 38} Yesu watile kuli weliwe, ''' Kunda Mwene Leza wako numwenzyo wonsi, numupasi wako wonsi, nupya namelengwi yako wonsi.' Li ali lisunde ilikalamba kapya ilyakutalika ^{39 40} Nakapya isunde lyakwe chili lili ngati vii-' Kunda umupalamani wako ngati vino wayikunda wemwecho.' Pamasunde yayili ya paseyamila isunde lyonsi nayakasowela.'' ^{41 42} Nomba lino amafalisi yachili yakongine paliponga , Yesu wawakolowozizge iwuzgo. Watili , '' MUkwelenganya chani vyakwe Khilisitu? Wino umwana wakwe aweni?'' Yatile kuli weliwe , '' Umwana wakwe Daveti. '' ^{43 44} Yesu watili kuli woliwo , ''Nga wuli chino Daveti mumupasi akamwama Mwene , ati, Mwene watile kuli mwene wane , '' yikala ukwikasa lyane lyakwe ndilo , mpaka pano nayika ayalwani yako apakulyata penepo'''? ^{45 46} Nanthi Davide wene akamwama Khilisitu, 'Mwene' ngapano umwana wakwe Davedi wuliwuli?''' Patali nanthi wumwi wino wamwaswike nanthi izwi, nga patali nanthi umunthu wino walondanga nukuti angamuwuzichisya kapya amawuzgo ukufuma uwanda wuwu ukuya munkholelo .