¹ Akatondo sana pawanda wakutalika wakwe sabata, yizile pankhungwe, ukuleta utununtchile tuno yasenginye. ² Yazanyile iwe likunkhulwike ukufuma pankhungwe. ³ Yinjile umukasi, kweni yatazanyile umwili wakwe mwene Yesu. ⁴ Chachitike ukuti, lino yavulungune nachino, papokwene, ayanthu yayili yimilile pali woliwo munkhanzu zyakumekuka . ⁵ Pano ayanachi yazuzile ninthete nukufukama ninkhope zyawo pansi, yatile kuyanachi, '' Ichani chino mukulonda uwawumi payafwe? ⁶ Asi pano, kweni ati azuswa! Kumbukini muno wavwanjile kuli mwemwe pano wachili ali mu Galileya , ⁷ watile umwana wa munthu akwenela apelwe kuyononyi nukupamanthilwa pachichingane, nga paanda wakwe chitatu azyuke nupya .'' ⁸ Ayanachi yizwike amazwi yakwe ⁹ nga yawelile ukufuma kunkhungwe nukuyanena vwonsi vino kuli yalya ikumi lyonga nawenga nga nawonsi . ¹⁰ Nomba Mary Magdalene, Joanna, Mary mama wakwe James, nayanachi yawuze nawoliwo yizile yavwanga vino kuya positoli. ¹¹ Kweni vino yavwanganga vwalolike ngati visi nintchito kuya positole, nga yatawasuwile ayanachi yalya . ¹² Peteli wanyamwike nukutuchila ukwilalo, nga, nukwimilila nukulola mukasi, waweni imyenda yonga . Peteli apano wafumile ukuta kung'anda yakwe, wazungukanga pali chino chachitikwe. ¹³ Lolini, yayili yakwe woliwo yapitanga uwanda wuwokwene ukuya kumuzi wumwi wuno wukayamwa Emmaus, wuno wali ukutali amayadi amakumi yasano nalyonga ukufuma ku Yelusalemu. ¹⁴ Yavwanzyananga wonga pavinthu vwonsi vino vwachitike . ¹⁵ Chizile chaya ukuti , lino yakuvwanzyanya nukuwuzichisyana amawuzyo, Yesu umwenecho wapalamile nga wapisile nawo. ¹⁶ Kweni aminso yawo yatamulolanga . ¹⁷ Yesu wavwanzile kuli woliwo ,''Ichani chino mwe yayili mukuvwanga pano mukupita ?'' Yimilile palya kwene yakuloileka ayachitima . ¹⁸ Wenga wakwe woliwo, wino wali a Cleopas, wamwaswike ,'' Wuzge awewe wenga umu Yelusalem wino atakumanya vino vyachitika kuku amanda yano?'' ¹⁹ Yesu watili kuli woliwo,'' Ivinthuchi?'' Yamwaswike , '' Ivinthu ivyakuyana ya Yesu umunazarini, wino wali intchimi, wino wali umulungamane muvwakuwombwa vwakwe nga napizwi lyakwe Leza nga nayanthu wonsi , ²⁰ nga namuno umukalamba wamapepo nayakoleleli yitu yamutwazile ukuti akomwe nukumupamanthila pachichingane. ²¹ Kweni twalindililanga ukuti ali wino apususye Israel. Umolimo, chuze ichani, uwanda wakwe chitatu nomba muno vwonsi ivinthu vino vwachitike . ²² Kweni nupya , ayanachi yamwi yano twali nawo ponga yatuzungwisye , pano yali pilalo akatondo sana. ²³ Lino yatazana umwili wakwe , yizile , nukuvwanga nupya ukuti yaweni ivizungwani vya yangelo yano yavyanzile ukuti uwawumi. ²⁴ Awonsi yamwi yano yali naswe yayile ukwilalo, nga yazanyile ngati muno atanachi yalya yavwanjile . Kweni yatamuweni .'' ²⁵ Yesu watili kuli woliwo , ''O mweyapuwa nga mwakoma imyenzyo pakusuwila muli vyonsi vino intchimizikuvwanga ! ²⁶ Wuzye chite chili chisuma ukuti Khilisitu achule umulandu wakwe vino, nga nukwinjila muwuchindame wakwe .?'' ²⁷ Apano ukutalika kuli Moses nga namuyantchimi wonsi, Yesu wilwile vyonsi kuli woliwo ivyakukwanfya weliwe mumawaliko. ²⁸ Lino yakupalamila kumuzi kuno yayanga , Yesu wapisile ngati akuya apayali sana. ²⁹ Kweni yamulemile , nukuvwanga ukuti,'' Yikalini naswe, muno kwekwaya amanguzi nga nukuti umusanya wasila kali .'' Apano Yesu wikazile nawo. ³⁰ Chizile chaya ukuti , lino wikala pansi nawo ukuti yalye, wasensile umukate, nukuwulota, nukuwumonyola , wawapile . ³¹ Ngapano aminso yawo yayulike , nga yizile yamumanya, nga wizile wawaponga nokumulola nupya . ³² Yavwanzyinye wenga namuze,'' Wuzge imyenzo yitu yite yikutetema , pano wavwanganga kuli sweswe umunzila , pano wayulanga amawatiko yano yali umwibuku lyawumi?'' ³³ Yanyamwike papokwene, nukupyanila ku Yelusalemu. Yazanyile yalya ikumi lyonga naenga yakongine yanano yali nawo ponga , ³⁴ nga yatile ,'' Ichendi Mwene akatwike , nga alolike kuli Simon.'' ³⁵ Ngayavwanzile nivinthu vino vwachitike umunzile , nga namuno Yesu wayilanjizizge kuli woliwo pano wamonyolanga umukate . ³⁶ Lino yakuvwanga vino, Yesu umwenechi wimilile pakasi pawo, nga watile kuli woliwo,'' Umutende wuye namwe.'' ³⁷ Kweni yatetime sana nupya yali ninthete, nga yaweni ngati yalola ichizguka . ³⁸ Yesu watili kuli woliwo, ''Ichani chino mukuchula ? Ichani chino muli namawuzgo umumyenzo yinu? ³⁹ Lolini amakasa yane namakuli yane, anene nene kwene. Ndemini nukulolechesya . Muno ichizguka chitaya numwili namafupa , ngati mukulolela ne indinavwo.'' ⁴⁰ Lino wavwanga chino, wawalanjizge amakasa yakwe namakulu yakwe . ⁴¹ Napokwene yatasuwile umulandu walukundo, nga yazungwike . Yesu watili kuli woliwo ,'' Muni nichakulya chimwi?'' ⁴² Yamupile akamonyolwa kanswi iyeleke, ⁴³ nga wayisenzile nukulya paminso yawo . ⁴⁴ Watile kuli woliwo,'' Pano nali namwe , nawawuzizge ukuti vyonsi vino vyalembwa mumalango yakwe Moses nga nintchimi nganamunjimbo vifwile vikwaniliswe.'' ⁴⁵ Apano wawayuzile amelengwi yawo , ukuti yanguvwichisya vino vyalembwa umwibuku lawumi, ⁴⁶ Watili kuliwoliwo,''Chawatikwa , ukuti Khilisitu afwile achule nga nukuzguka ukufuma kuyafwe pawanda wakwe chitatu. ⁴⁷ Ukulapa nukutetela kwa wononyi kufwile kukosolwe umwizina lyakwe ukunsi zgonsi, ukutalichila ku Yelusalem. ⁴⁸ Mweyakaboni yavinthu vino. ⁴⁹ Lolini, nkhuwapela vino Tata walayizge. Kweni yikalini mukwende mphaka pano mwazwala amaka ukufuma kupela .'' ⁵⁰ Apano pasile nawo mphaka papipi na Bethany. Wanyamwisye amakasa yakwe nukuwalota . ⁵¹ Chizile chachitika ukuti , lino akuwalota, wawasile nga wanyamwilwe ukuya kupela . ⁵² Ngayamupefile nukupyanila ku Yelusalemu nulusechelo ulukalamba . ⁵³ Yizile yikala umung''anda yamapepo , ukumupepa Leza.