¹ Nomba ukusechela kwa mukate wapalamilanga , wino ukayamwa pasaka. ² Umukalamba wamapepo nayakawalika yavyanzyananga muno yangamukomela Yesu, muno yatinanga ayanthu . ³ Apano chiwa winjile muli Yudasi Isikaliyoti, wino wali wenga wakwe yalya ikumi lyonga nayayili. ⁴ Yudasi wayile kumukalamba wamapepo nayakoleleli nukuvwanzyanya muno angamukanila Yesu kuli woliwo. ⁵ Yakunzile sana nga yazumile ukumupela imphiya . ⁶ Wafumile nukuyalonda insita yino angamutwalila ukufuma umwiwumba . ⁷ Apano uwanda wamukate wakwanyile , pano akana kambelele kafwilwe kasamikwe . ⁸ Apano Yesu watumile Peteli na Yohani, watile, ''Yanji mukatusenganyizge ivyakulya vyapasaka, ukuti tungalya ichakulya .'' ⁹ Yatile kuli weliwe ,'' Akwinye kuno mukulonda tukasenganyizizge vino?'' ¹⁰ Wawaswike, '' Lolini, nanthi mwinjila umumusumba , umonsi wino anyamwile akankholo ka manzi alikomenkhana namwe . Mukonkhini mphaka umunyanda muno akuyayinjila . ¹¹ Apano muti kumwenecho wang'anda,' Umusambilizi akuti kuli wewe,''Wuzge ichipitu chawenyi chilikwi, muno ndililamo pasaka nayalondezi yane ?'' ¹² Aliwalanjizga ichipitu ichisuma sana ichapapela . Musenganizge mumukwene.'' ¹³ Apano yapisile, nga yazanyile vyonsi ngati muno wavwanjile . Apano yasenganyizge ichakulya cha pasaka. ¹⁴ Lino insita yiza , wikazile pansi , wikazile ponga nayapositoli. ¹⁵ Apano watili kuli woliwo,'' Indi nulukundo sana pakulya pasaka namwe pano nthani ntchule. ¹⁶ Muno nkhuti kuli mwemwe , Nthalilya kapya mphaka pano chiza chakwaniliswa mjuwumwene wakwe Leza .'' ¹⁷ Apano Yesu wasenzile ichikombe, Ngalino wasalifya ,watile ,' Sendini chino, nga apano mwankhane mwensi. ¹⁸ Muno nkhuvwanga kuli mwemwe, Nthalinwa kuchikomwa nupya mphaka umwene wakwe Leza wiza.' ¹⁹ Apano wasenzile umukate, apano lino wasalifya , wamonywile , nga wawapile , nukuti,' Wuno umwili wane, wino wapelwa kuli mwemwe, mwawomba chikwene ukui mwankhumbuka .'' ²⁰ Wasenzile nupya ichikombe lino yalya chakulya chamanguzi, nukuti,'' ichikombe chino uluvwano lwane muwazi wane, wino witilwa pali mwemwe. ²¹ Kweni wuvwichisyini sana. Wino wankhanyile nene ali nanene pi tewulo. ²² Muno umwana wa munthu akupita ngati muno vyayela. Kweni umukosi pa munthu wino wakanilwa!'' ²³ Yatalike ukuvwazgana pali wonga ukuti aweni pali woliwo wino angawomba chino. ²⁴ Apano kwali ukupwata pali woliwo ukuti aweni pali woliwo wino wali umukalamba . ²⁵ Wavwanzile kuli woliwo, '' Yamwene ya yakunzi ali yakalamba pali woliwo, nga nayano yali nuwulamulilo pali woliwo yakayamwa yalya yano yakachita ivisumba ukuyanthu yawo. ²⁶ Kweni chitafwile chiye vivikwene namwemwe . Kwe, lekini wino umukalamba pali mwemwe aye ngati umwana , nupya lekini wino uwakulondwa sana pali mwemwe aye ngati awino akawomba . ²⁷ Muno wino umukalamba , wino akayikala pitewulo, nanthi awino akawomba ? Wuzge sawino akayikala pitewulo ? Mbali indi namwe ngati awino akawomba . ²⁸ Kweni mwayano mwaya nane mukunjezga kwane . ²⁹ Nkhuwapa mwemwe umwene, ngati vino tata wanbe wampha umwene, ³⁰ ukuti mulye nga nukumwa pitewulo lyane muwumwene wane, nga mulikala pachilimba ukupiongula imyiko ikumi lyonga nayili. ³¹ '' Simon, Simon , chenjela , Chiwa walenga ukuti aye nawe, ukuti angakusinza ngati atiligu. ³² Kweni nakupepelela sana , ukuti ulusuwilo lwako lutapotwa . Nanthi wawelela nupya ichisila , ukawakomye ayawuzo. '' ³³ Peteli watili kuli woliwo ,'' Mwene, nemo nsenginye kali ukuya namwe kung'anda yaminyololo nanthi ukunfwa.'' ³⁴ Yesu waswike ,'' Nkhukuwuzga , Peteli , mukolwe atamalila ilero, pano utani unkhane katatu ukuti utamanya .'' ³⁵ Apano Yesu watili kuli woliwo ,'' Nanthi nawatuma ukwawula imphiya, ichakulya , nanthi insapato, wuzye mwasowile chimwi?'' Yaswike ,''Nachimwi.'' ³⁶ Apano watili kuli woliwo, '' Kweni nawe, wino ali nimphiya musyini asende , nichakulya . Wino asi nichimayi akazye inkhanzu yakwe nga akale ichimayi chonga . ³⁷ Muno nkhuti kuli mwemwe , chino chawalikwa chakwe nene chifwile chikwaniliswe ,' Yamusenzile ngati umbala isundo.' Muno chino yati chiliwombwa kuli nene chechakwaniliswa.'' ³⁸ Apano yatili ,'' Mwene, Lolini! Tuli nivimayi vili.'' Watili kuli woliwo, '' Vwakwana.'' ³⁹ Yesu wapisile , ngati muno wachitilanga , kumwamba wakwe Olivu, nga nayalondezi yamukonsile . ⁴⁰ Lino yafika , watili kuli woliwo,'' Mwapepa ukuti mutinjila mukwelezwa.'' ⁴¹ Wafumile pali woliwo ukuya apatali panono amayadi amakumi yatatu, wafukime nukupepa , ⁴² watile, '' Tata, nanthi mukulonda , mutazumilizya ukuti ivinthu iviyipe vino viwombwe kuli nene . kweni mutawomba vino nkhulonda, kweni vino mukulonda.'' ⁴³ Apano ayangeli wonsi ukufuma kupela yalolike kuli weliwe, ukumukomya . ⁴⁴ Pano wali ukayele kalya , apano wapefile nkhani , nga itwinsi lyakwe lyizile lyaya ngati uwazi wukuzwa pansi. ⁴⁵ Lino wakatuka ukufuma pakupepa , wizile kuyalondezi yakwe nga wawazanyile yakaswile ⁴⁶ nga wawakolowozizge,'' Ichani chino mukukasula ? Katukini mwapepa, ukuti mutinjila mukwelezwa.'' ⁴⁷ Lino achili akuvwanga , chenjelini , iwumba lyalolike , na Yudas, wenga wakwe ikumi nayayili, awakolelile. Wizile papipi na Yesu ukuti amufyomphe , ⁴⁸ kweni Yesu watili kuli weliwe,'' Yudas, ukumukana umwana wa munthu pakumufyompha?'' ⁴⁹ Lino yalya yano yali papipi na Yesu yalola chino chikuchitwa, yatili, ''Mwene, wuzgwe tumuputule sile nichimayi ?'' ⁵⁰ Apano wenga wakwe woliwo wamuputwile umukalamba wakwe yasimapepo, nga nukuputula ikutwi lyakuli ndilo. ⁵¹ Yesu watili ,'' Kwakwana !'' Wamulemile ikutwi lyakwe , nukumupozga . ⁵² Yesu watili kuli simapepo umukalamba , nakuyakoleleli ya mwitempheli, nga nakuyakalamba yano yizile kuli weliwe,'' Mukwiza ngati mukulonda imwivi, nivimayi nga nundugu? ⁵³ Pano nali namwe uwanda wonsi umwitempheli, mutayikanga ikasa lyinu pali nene. Kweni yino insita yinu, nga nuwulamulili wakufyinzi.'' ⁵⁴ Ukumulema, yamufumizge nukumuleta ku ng'anda yakwe simapepo umukalamba . Kweni Peteli wakonsile munsizi. ⁵⁵ Lino wapemba umoto pakasi pamusumba nga yikazile ponga , Peteli wikazile pakasi pawo . ⁵⁶ Umwanachi wumwi kawomba wamuweni pano wikalanga umulandu wakukozga kwa moto nga wamulolechesyizge nukuti, ''Umunthu wino wali ponga nawe.'' ⁵⁷ Kweni Peteli wamukanyile, wavwanzile watili, '' Mwanachi, nthamumanyile .'' ⁵⁸ Lino papita kasita panono wumwi nawe wamuweni, nga watili , '' We wumwi wakwe woliwo.'' Kweni Peteli watili,'' We monsi, nemo pole.'' ⁵⁹ Lino papita iwola lyonga umonsi wumwi wasimichizge nukuti , ''Ichendi umonsi wino nawe wali nawe, muno umugalileya .'' ⁶⁰ Kweni Peteli watili,'' We monsi, nthamanyile vino ukuvwanga .'' Papokwene, lino akuvwanga , mukolwe walizile. ⁶¹ ukusenuka , Mwene wamulolechesizge Peteli, nga Peteli wizwike izwi lyakwe Mwene, lino wavwanga kuli weliwe, '' Pano mukolwe atani alile katatu ilelo umankhana katatu.'' ⁶² Peteli wafumile panzi nga walizile sana. ⁶³ Apano awonsi yano yamulelelangfa Yesu wamusowike nukumuma sana. ⁶⁴ Yamuzwisile nukumukolowozga , ukuti, '' lota !Aweni wino wakuma ?'' ⁶⁵ Yavwanzile ivinji kuli Yesu, ukumusoweka weliwe . ⁶⁶ Lino kwaya umusanya , ayakalamba yawanthu yakongine ponga , ayakalamba yamapepo nayakawalika . Yamutwazile kuwulonzi nga yatili,'' ⁶⁷ Nanthi we Khilisitu, tuwuzge.'' Kweni watili kuli woliwo, Nanthi nawawuzga, mutamasuwila , ⁶⁸ nga nanthi nawakolowozga , mutamanjasuka . ⁶⁹ Kweni ukufuma nomba ukuya kunkholelo, Umwana wa munthu alikala ukwikasa lyakwe ndilo lyakwe Leza .'' ⁷⁰ Wonsi yatile , '' Fwandi we mwana wakwe Leza ?'' Yesu watile kuli woliwo, '' Mukuvwanga ukuti avino indi.'' ⁷¹ Yatile , '' Ichani chino tukulonda kamboni? Muno sweswe sweyenecho tuvwa ukufuma umumulomo wakwe .''