¹ Kwali uwanda wonga wuno Yesu wasambizyanga ayanthu mwi tempeli nukukosola ilandwe ilizima yasimapepo ayakalamba na yakawalika ninkhombe kuli weliwe. ² Yavwanzile, ukuti kuli weliwe, ''Tunene amakachi yano ukawombela ivinthu vii, nanthi aweni wino wakupa amaka yaa.'' ³ Waswike nukuwanena ukuti, ''Nani nimawakolowozya iwuzyo, namwe mumanena. ⁴ Uwuwatizyo wakwe Yohani: wali uwakufuma kwiyulu nanthi ukuyanthu?'' ⁵ Yatalike ukusushana wonga, ukuti, ''nditwati, 'wafumile kwiyulu,' amati, 'Nomba ichani chino musimusuwila?' ⁶ Kweni nditwati, 'Wafumile kumunthu,' ayanthu wonsi yamatuma namawe, pakuti yakofilwe imyezo ukuti Yohani wali akasesema.'' ⁷ Apano yaswike ukuti yatamanya kuno wafumile. ⁸ Yesu wawanenyile ati, ''Nani nthamawanena kuno amakachi yano nkhawombela ivinthu vii.'' ⁹ Wawanenyile ayanthu umulumbe wuu, ''Umunthu walimile ichalo cha ngano, wawazime yakalima ya vikomwa, kuya kunsi yuze nukuya zimbako sana. ¹⁰ Pansita yino yuvwine wamutumile umuwomvi wakwe kuli yakalima ya vikomwa, ukuti yakamupe kweneko ivikomwa vya muchalo chilya. Kweni yakalima yavikomwa yamumile, nukumuwezya minwe. ¹¹ Apano watumile nupya umuwomvi muze nawe yayile yamuma, nukumuchuzya, nukumuwezya minwe. ¹² Apano wamutumile nupya wakwe chitatu nawe yamuchisile nukumusumbila ukunzi. ¹³ Apano umwenecho wachalo watili, 'Nimachita chani? Nimatuma umwanane umukundwe. Pamwi yakuya muchindika.' ¹⁴ ''Kweni lino ya kalima ya vikomwa yamulola, yavwanzyinye, yati, 'Wii ali mpyani. Ndini tumukome, ukuti ichalo chiye ichitu.' ¹⁵ Yamusumbile muchalo nukumukoma. Uzye aliwawomba chani umwenecho wachalo? ¹⁶ Aliza awonone yakalima yavikomwa nukuwapela yawuze ichalo.'' Lino yachuvwa, yatili, ''savino chingaya!'' ¹⁷ Kweni Yesu wawalolechisye, nukuvwanga ati, 'Vino vyawalikwa vikapiliwula chani: 'Iwe lino yakazenga yalikanyile lyizile lyaya ilya pakafyototi'? ¹⁸ Wensi wino amapona piwe lilya alafwanthika mutuputulwa, kweni wino chilamuponela alafwanthika.'' ¹⁹ Yakawalika na yasimapepo yakalamba yalondanga ukuti yayike ikasa pali weliwe pansita yilya, muno yamanyile ukuti wavwanga umulumbe wu kuli woliwo. Kweni yatinanga ayanthu. ²⁰ Yamulolechesizye sana, yatumile yamwi yano yalolekanga ngati ayalungamane , ukuti yazane uwononhyi numuvwango wakwe, ukuti yakamutwale kumasunde nakuwulamulili wakwe yakawomba . ²¹ Yamukolowozizye, nukuvwanga , '' Musambilizi, tumanyile vino mukuvwanga nga nukusambilizya ukulungamane, nga musitumwa numunthu nawumwi , kweni mukasambilizya uwuchendi ivya nzila yakwe Leza . ²² Wuzge ichisuma kuli sweswe ukutwala imisinkhop kuli Kayesala, nanthi ha?'' ²³ Kweni Yesu wamanyile intchenga , nga wavwanzile kuli woliwo , ²⁴ '' Ndanjizyini ulupiya. Inkhope yakwe weni nizina lino lili penepo?'' Yavwanzile ukuti , '' Kayesala .'' ²⁵ Wavwanzile kuli woliwo , '' Apano twalini kuli Kayesala ivinthun vino vili ivyakwe Kayesala , nga na kuli Leza vino vili ivyakwe Leza.'' ²⁶ Yaposilwe ukuti yazane uwononyi muli vino wavwanzile pakasi pawanthu , kweni pakwelenganya pali vino waswike , yamyalile. ²⁷ Lino Ayasaduki yiza kuli weliwe , yano yakuti kusi ukuzyuka kapya , ²⁸ yamukolowozizye, ukuti, ''Musambilizi, Mose wawalike kuli sweswe ukuti nanthi umunyina wako wafwa, wino ali numwanachi, wino asi nayana, umonsi asende umuchi wakwe, nga ukuti apape umwana wamuze. ²⁹ Pali ayanyina yasano nayayili nga uwakutandika watwazile umwanachi , ³⁰ nga wafwile uwambula umwana , nawakwe chili chilichimwi. ³¹ Wakwe chitatu wamusenzile , nga ichilichimwi wakwe chisano navili wapisile uwambula mwana , nga nukufwa . ³² Lino papita insita umwanachi nawe wafwile. ³³ Muluzusyo nomba , wuzye aliya umwanachi wakwe weni ? Kuli yalya yasano nayayili nano yali nawe ngati umuchi wawo.'' ³⁴ Yesu watili kuli woliwo, '' Ayana awonsi ayamunsi yino yakatwalka nga yakapelwa muntwala . ³⁵ Kweni yano yakaloleka ukulondwa pansita yiyi ukuti yapochelele ul;uzusyo ukufuma kuyafwe yatalitwala nanthi ukupelwa intwala . ³⁶ Nupya yatange yafwe kapya , muno yayine nayangeli nga ayana yakwe Leza , ukuya swe yana ya luzusyo . ³⁷ Kweni pakuti ayafwe yakuzuswa, nanthi a Mose walanjizge, muwuyo ukuyana nivyamumphanga , nanthi akupunda Mwene Leza wakwe Abraham nga na Leza wakwer Isaki na Leza wakwe Yakobe. ³⁸ Nomba sa Leza wayafwe, kweni uwawapuma , muno wonsi yakayikalila muli weliwe . '' ^{39 40} Yakawalika yamwi yaswike , '' Musambilizi, wasuka ningo .'' Muno yatezizye kapya ukukolowozga amawuzgo yayuze. ⁴¹ Yesu watili kulim woliwo , '' Yakuvwanga wuli ukuti Khilisitu umwana wakwe Davedi? ⁴² Muno Devedi umwenecho akuvwanga ukuti mwi buku lya Masalimo , Mwene wavwanzile kuli Mwene wane , ' Yikala kulindilo lyikasa lyane , ⁴³ mphaka pano nawayika ayalwani yako apakulyata.' ⁴⁴ Achino Devedi akwama Khilisitu 'Mwene' Nga umwana wakwe Devedi wuliwuli?'' ⁴⁵ Mukuwuvwichisya ayanthu wonsi wavwanzile kuyalondezi yakwe, ⁴⁶ '' Chenjelini nawo yakawalika , yano yakunda ukupita nanthi yazwala inkhanzu nga yakunda ukulamumkhana kwapayo mumisankhano nivilimba vyakwe yamwene ivya mu sinagogi nuwyo wakwe yamwene pawuyo wakulya . ⁴⁷ Ngayakawonona ning'anda zino ayalume yafwa, nga pakuyilanjizga yakapepa ipepo ilitali . Ayanthu ngati yano yalapochela ukukanwa ukukalamba . ''