¹ Nomba mumanda yalya , chizila chaya ukuti Kayesala Augustus watumile inthumi ukuti kalembela achiyikwe kuyanthu wonsi yano yakwikala umunsi . ² Wino wali akalembela wakutalika ukuwombwa pano Quirinius wali umukalamba waku Syria. ³ Apano wensi wayile kumwawo ukuti akalembesye . ⁴ Yosefe nawe wayile ukufuma ku Galilee, ukufuma kumusumba wakwe Nazaleti, ukuya ku Yudeya, ukuya kumusumba wakwe David , wino wukayamwa Betilehemu, umulandu wali uwamung''anda nuluko lwakwe David. ⁵ Wayile kulya pakulembesya ponga na Mary, wino yuvwine nawe inthwalwa nga wali nuwula . ⁶ Nomba chizile chaya ukuti lino yali kuku, insita yizile ukuti apape umwana . ⁷ Wapafile umwana umonsi , katote wakwe , wamuvunzile mumyenda iyitali nga wamuyisile kuno yakasengwila ichakulya cha ng'mbe, umulandu patali uwuyo wakuti yikale mung'anda yawenyi. ⁸ Kwali yakachema kumusumba wulya yano yachemanga yakapoli yano yikalanga mumphanga , ukulola ing'onzi zyawo uwusiku . ⁹ Umungelo wakwe Mwene walolike kuli woliwo , nga nuwukalamba wakwe Mwene waswefile ukuwaliwilizga , nga yazuzile ninthete sana. ¹⁰ Apano umungelo wavwanzile kuli woliwo, '' Mutatina , umulanfdu nkhuleta izwi ilisuma lino lilaleta ulusechelo ulukalamba kuyanthu wonsi. ¹¹ Ilelo umupususyi wapapwa kuli mwemwe mumusumba wakwe David! A Khilisitu Mwene! ¹² Chino ichilanjizgo chino chilapelwa kuli mwemwe : Mulizana umwana yamuvunzile mumyenda alazile nuno yakasengwilamo ivyakulya vwa ng'ombe.'' ¹³ Papokwene palinji ponga nayangeli iwumba ukufuma kupela , yakumulumbula Leza nukuvwanga, ¹⁴ '' Uwuchindame wuye kuli Leza uwakwiyulu, nga kuye umutende pansi yapansi kuyanthu wino akakunda nawe.'' ¹⁵ Chizile chaya ukuti pano ayangeli yafumile ukufuma pali woliwo ukuya kupela, , yakachema yang'onzi yavwanzyanyanga , ''Nomba tuyini tuye ku Betilehemu tukalole ichinthu chino chachitwa , chino Mwene watumanyisya.'' ¹⁶ Yutuchile kuku nga yamuzanyile Mary, Yosefe nga numwana , wino walazile muno yakasengula ivyakulya vwang'ombe. ¹⁷ Lino yamulola , yizile yamanyisya nyino chavwanzilwe kuli woliwo ivya mwana . ¹⁸ Wonsi yano yuvwile chino yazungwike pali chino chavwanzilwe kuli mwoliwo nayangeli . ¹⁹ Kweni Mary welenganyanga pavinthu vyonsi vino wuvwile, wavisengwile mumwenzo wakwe. ²⁰ Yakachema yawelile, yakumulumbula nukumukwezya Leza pali chonsi chino yuvwile nukulola , nga muno vyavwanzilwe kuli woliwo. ²¹ LIno uwumalilo wawanga wakwe chisano nayatatu , lino yamulembulula , yamwamile Yesu, izina lino yamupile ayangelo lino atani ayikale muchipapilo . ²² Lino amanda yano yalondwanga ukuti yaswepe yapita , ukukonkha ilamulo lyakwe Moses, yizile nawe mwitempeli mu Yelusalemu ukuti yamulanjizge Mwene . ²³ Muno chawalikwa mumalamulo yakwe Mwene, '' Umonsi wensi wino wayula ichipapilo alisolwa ukuti aye umuchindame kuli Mwene.'' ²⁴ Apano yayisile imphutile ukukonkha vino vyavwanzilwe umwilamulo lyakwe Mwene , '' utwana twankhunda twili.'' ²⁵ Lolechesyini, kwali umunthu mu Yelusalemu wino izina lyakwe wali a Simiyoni, nga umunthu wino wali umulungamane nuwakuyipa. Walindililanga wino angawamyalazya aya Isilayeli nga numupasi umutiswe wali pali weliwe . ²⁶ Chizile chamanyikwa kuli weliwe mumupasi umutiswe ukuti atalitela alole infwa pano atani alole Khilisitu wakwe Mwene . ²⁷ Ukukolelelwa numupasi, Simiyoni wizile mwitempheli. Lino ayakwasi yamuleta umwana Yesu, ukuti yawombe kuli weliwe ukulingana numwata wilamulo, ²⁸ wamusenzile mumakasa yakwe nukumutumphula Leza, ngawanzile ukuti , ²⁹ '' Nomba muwazumulizge ayantchito yakwe yapite mumjutende, Mwene , ukuyana nizwi lyinu. ³⁰ Muno aminso yane yalola ukupususya kwako, ³¹ kuno usenginye paminso yawanthu wonsi: ³² Ulukozyo lwakuwumbula kuyakunzi nuwuchindame wawanthu yako ayaisililayeli.'' ³³ Tata wakwe na mama wakwe yazungwike pali vino vyavwangangwa vyakwe weliwe. ³⁵ Simiyini wawalosile nga wavwanzile kuli Mary mama wakwe, ''Lolechesyini, umwana wino wasolwa kukupona nukuzyuka kwayanthu ayavule mu isilayeli nga nichilanjizyo chi no chikukanwa- ³⁴ nga nichimayi chililasa umwenzo- ukuti amelengwi yamyenzo yawavule yingamanyikwa. '' ³⁶ Inchimi iyanachi wino wamwanga Anna walinji papa. Wali umwana wakwe Fanuwelo ukufuma kuluko lyakwe Asha. Wali umukote. Wikaziole numulume wakwe imyaka yisano nayili ukufuma pano wali a mwali , ³⁷ nga wali umufwilwe kumyaka amazimbi yasano nayatatu na yinayi. Atasilepo itempeli kweni wawombanga uwambula ukulya na mapepo , uwusiku numusanya. ³⁸ Pansita yilya kwene wizile kupipi kuli woliwo nukutalika ukusalifya kuli Leza , nga wavwanganga vya mwana wakwe kuli wensi wino walindililanga ukupusuka kwakwe Yelusalemu. ³⁹ Lino yamala vyonsi yalondwanga ukuti yawombe ngati umwilamulo lyakwe Leza, yawelile ku Galilee, kumusumba wawo uwa Nazaleti. ⁴⁰ Umwana wakuzile nga wali namaka, lino amano yakuvula , nga ninkhumbu yakwe Leza yali nawe. ⁴¹ Yayisi yayanga ku Yelusalemu umwaka wuliwonsi kuli pasaka. ⁴² Lino waya nimyaka ikumi lyonga nayili , yayile kapya kumwata wawo wakwe pasaka. ⁴³ Lino yikala papa amanda wonsi ayakulya, yatalike ukuwela kung'anda . Kweni umulumendo Yesu wasyazile kunsizi mu Yelusalemu nga ayakwasi yakwe yatachimanyile. ⁴⁴ Yelenginye ukuti ali niwumba lino lyapitanga nawe ponga , nga yapisile uwulendo wamanda yamwi. Nga apano yatalike ukumulonda muyakamu namuwawuze. ⁴⁵ Lino yatamuzana, yawelile ku Yelusalemu, nukutalika ukumulonda kuku. ⁴⁶ Lino papita amanda yatatu yizile yamuzana mwitempheli, ayikazile pakasi payasambilkizi, akuwuvwichisya nu wuzya amawuzyo. ⁴⁷ Wonsi yano yamuvwanga yazungwike pakuvwichisya kwakwe nukwasuka. ⁴⁸ Lino yamulola , yazungwike. Mama wakwe wavwanzile kuli weliwe, '' Mwana, ichani chino wawomba vikwene kuli sweswe munzila yino? Lola, tata wako nanene twetukukulonda sana wewe.'' ⁴⁹ Watili kuli woliwo, '' Ichani chino mwemukundondela ? Mutamanyile ukuti nklhulonda ukuti imbombe intchito yakwe tata? ⁵⁰ Kweni yatuvwichisye chino wasulanga mumazwi yalya. ⁵¹ Apano wawelile nawo ukung'anda ku Nazaleti nga wawuvwilanga. Mama wakwe wasengwile ivinthu vyonsi mumenzo wakwe. ⁵² Kweni Yesu wapitilizganga ukukula mumano nakumwili, nga wapitilile ukumukundfa Leza nayanthu .