¹ Nomba umonsi wumwi izina lyakwe Ananiya , na Safilla umuchi wakwe , wakazizye katundu wumwi; ² Wasileko amakopala yamwi pali yano wakazizye ( umuchi nawe wachimanyile ), nu kulrta yamwi pali yalya apano wa yatesile umumatamba ya wapositoli . ³ Kweni Peteli watili, ''Ananiya, ngichani chino satana wazuzya umwenzo wako pa kuyipa uwufi ku Mupasi Uwutiswe nu kufisako yamwi pa mutengo wuno wakazya amasyo? ⁴ Lino chali insichikazye, wuzye chitali ichako wenga, apano lino chatili chakazya, wuzye chitali umumaka yako? Weni ichani ichakuti ayike intchito yi mumwenzo wako? Utayipa ku yanthu, kweni kuli Leza.'' ⁵ Pakuvwa amazwi ya, Ananiya waponyile pansi nu kufuta akawumalilo ninthete izikulu zizile pali wonsi yano ya chuvwanga. ⁶ Ayalumendo yamunyamwile mupela, apano yamunyamulile kunzi nu kumuzika. ⁷ Lino papita limwi ama ola yatatu, umuchi wizile ayinjila, ukwawula ukumanya chino chachitika. ⁸ Peteli watili kuli weliwe, ''Unene nanthi mukazizye amasyo pamutengo wu .'' Watili , '' Lii, pali wu.'' ⁹ Apano Peteli watili kuliweliwe, ''Ichani chino muzumilizizye ponga pakuwuyezya Umuzimu wa mfumu Leza? Lola, amatamba ya yanthu yano yazisile umulume wako yali pamulyango, apano yamakunyamwila panzi. ¹⁰ Pansita yiyokwene waponyile pansi umumatamba yakwe nukufuta akawulilo. Ayalumendo yalile nyinjila, yazanyile afwile, nukumunyamulila kunzi nukumuzika papipi numulume wakwe. ¹¹ Inthete izikulu zizile pang''anda yakwe Leza yonsi napala wonsi yano yuvwile ivinthu vi. ¹² Ivimanyilo ivivule ni vizungusyo vyawombwanga ukuwanthu ukupitila mu makosa ya wa Positoli ,Yalinji wonsi ponga umwipembo ilyakwe Solomoni. ¹³ Kweni patalinji nanthi wumwi pa ya kusyala uwakuyipa pa kusanzikhana nawo; nanthiwuli, ayanthu yawakwezizye ¹⁴ Napokwerne yakapepa yisuwilo vonjezyekanga ku Mwene Leza, ayavule awonsi na yanachi. ¹⁵ Ukwakuti yanyamwilanga nayalwale umutunzila nukuwalalika pa vitala na pa machila, ukuti nanthi Peteli wapalamila, ichizungwani chakwe chingaponela pali wumwi wa woliwo. ¹⁶ Yizile ayaya nakupya apalipamwi ayanthu ayavule ukufuma mu misumba yakuzinguluka Yelusalemu, ukuleta ayalwale nayano yalemilwe ni mizimu iyiipe, nawonsi yapozile. ¹⁷ Kweni simapepo mukalamba wakatwike, na wonsi yalya yano yali nawe (yali ayamwi ya Saduki), yazuzilwe nuwuzuwa. ¹⁸ Apanoyawanyefile amakasa ya wa Positoli, nukuwayika umung'anda ya minyololo yako wonsi. ¹⁹ Kweni insita ya wusiku umungeli wa Mwene wayuzile ivisasa nukuwafumya, nukuti, ²⁰ ''Yanjini ,mwimilile umung'anda yamapepo nukuvwanga ukuyanthu amazwi wonsi ayawumi wu.'' ²¹ Yalile yuvwa vii, yinjile umu ng'anda yamapepo iwa kumacho nukusambilizya. Kweni simapepo mukalamba wizile, na yalya yano yali nawe, nukwama akawungwe kawakalambakalamba, wonsi aya kalamba ya yanthu ya Izilayeli, nukuwatuma kun ng'anda ya minyololo ukuyaleta ayaPositoli. ²² Kweni imipuka(officers) yino yayile yitawazanyile umung'anda ya minyololo, apano yawelile nukuzavwanga, ²³ ''Twazana ing'anda ya minyololo iyimange na ya malonda yimilile pa mulyango, kweni lino twayula, tutazanyile nanthi wumwi. ²⁴ Nomba lino uwakukolelela ing'anda yamapepo na ya simapepo yakalamba yatili yuvwa amazwi ya, yazungwike sana ukuyana nawoliwo kuli chino chimaloleka. ²⁵ Apano wumwi wizile nukuwanena, '''Ayanthu yano mwawasunzile umung'anda yminyololo yimilile umung'anda yamapepo nu kusambilizya ayanthu.'' ²⁶ Apano uwakukolelela wayile ni mipuka, nu kuwawezya ukwawula ukuwachichilizya, pakuti yatinanga ukuti yangawafwantha na mawe. ²⁷ Yatili yawaleta, yawasile pa kawungwe.Simapepo mukalamba wawakolowozizye. ²⁸ Ukuti, '' Twawalamwile ni lamulo ilyakuti mutasambilizya umwizina li, nomba muzuzile Yelusalemu nu wusambilizi winu nukukumbwa ukuleta uwazi wa munthu wino pali sweswe.'' ²⁹ Kweni Peteli na ya Positoli yaswike, Tufwile ukuvwila Leza ukuchila ayanthu. ³⁰ Leza wakwe ya tata wamuzusizye Yesu, wino mwamukomile pa pa kumusamika apa chimuti. ³¹ Leza wamukwezya ukwikasa ilyakwe iyako ndilo ukuya i Mfumu na Katula, nukupa ukulapa kuli Izilayeli, nu kulapa kwa luyembu. ³² Swe ya kamboni ya vinthu vi na Umuzimu uwutiswe, wuno Leza wapela ku yakumuvwila.'' ³³ Lino aya Kawungwe yuvwa vi, yososile nukulonda ukukoma aya Positoli. ³⁴ Kweni umu Falisi izina Gamaliyeli, umusambilizi wa masunde wuno wachindikwanga ku yanthu wonsi, wimilile mu kawungwe nu kulamula aya Positoli uku wafumya panzi pa kansita kanono. ³⁵ Apano watili kuli woliwo, ''Yanthu ya Izilayeli, muyichenjelele pali vino mukupanzya ukuwawomba ayanthu ya. ³⁶ Pakuti lino amanda ya yatani yafike, Thewuda wakatwike nu kuyiyika ukuti awumwi, ni mphendwa ya yanthu, aya kuyana imyanda yine(400), yayisanzizye. Wakomilwe, na wonsi yano yamuvwilanga weliwe ya satine nukusyala apasile. ³⁷ Lino pafuma wi, Yudasi wa Galile wakatwike mu manda yakwe Sensala nu kusipa ayanthu yamwi yamukonkhe. Nawe kwene wononike, nawonsi yano yamuvwilanga ya satine. ³⁸ Nomba nkhuti kuli mwemwe, fuminiko kuyanthu ya wasyini wonga, nanthi ipanzyo ni intchito iya kufuma ku yanthu imamongoka. ³⁹ Kweni nanthi iyakwe Leza, mutalakwanisya pa kuwamongola; mungize muyizane ukuti mukulwa na Leza.'' Ya pepesilwe. ⁴⁰ Apano yawamile aya Positoli umukasi nu kuwuma nu kuwalamula nokuvwanga umwizina lyakwe Yesu, yawalesile yapita. ⁴¹ Yafumilepo pamanso ya kaliwungwe yakuseche ukuti yalingine ukuchula pa mulandu wa Zina. ⁴² Apano nomba pa wanda wonsi, umung'anda ya mapepo nu kufuma ing'anda ni ng'anda, kwali ukupitilizya ukusambilizya nu kutanda ilande ilisuma ukuti Yesu a Kilisitu.