¹ Ukufuma kumukalamba ukuya kumwanachi umuswe na aanakwe,yano nawakunda muchumi- nukuti asanene nenga, suka nayano wonsi yano yamanya uwuchumi- ² umusango wauchumi wuno wuli nasweswe uliya nasweswe mandapeee. ³ Uluse,uwila numutende,vyandi viye namwe ukufuma kuli Leza tata nakuli Yesu kilisitu, umwana wakwe tata, muuchumi namulukundo. ⁴ Inkhusechela ukulusya pakuti nazana ayanayinu yamwi yanoyakupita muuchumi, ngati muno twapochelela isunde ukufuma kuli tata. ⁵ Nomba inkhukulenga wewe,mwanachi-ngati insikukuwalichila wewe isunde ilipya, kano lino twakwata ukufuma panthandiko.-ukuti twakundana wenga numuze. ⁶ Luu ulukundo , luno twapitila ukuyana namasunde yakwe. Lii isunde, ngati muno muvwilile ukufuma kunthandiko, ukuti amuno mulingine mwapitila. ⁷ Muno ayaufi ayinji yayile munsi,nukuti yatakuzumilizya ukuti Yesu kilisitu wizile kumwili. wikwene uwawufi nuwakukana kilisitu. ⁸ Muilole ukuti mutasumba ivinthu vino twaviomba,kano ukuti mupochelele ivyawila vyonsi. ⁹ Wensi wino akukolela nukuti asikuyamo muvisambilizyo vyakwe kilisitu asina Leza. Wino akuya muvisambilizyo, awino ali na tata numwana. ¹⁰ Nanthi wumwi akwiza kuli mwemwe nukuti atakuleta isambilizyo lii, mutamupochelela nukuti mutamulamuka. ¹¹ Pakuti wino wamulamuka lino wasenda uwuyipe wakwe. ¹² Nkhweti ivivule ivyakuwawalichila mwemwe, kwene inthalondanga ukwawalichila pipepala na inkhi. Lelo nkhulonda ukwiza kulimwemwe nukuvwangapamanso,ukuti isansa zitu zipitilile. ¹³ Ayana yakwe kachi winu umusolwe yakuwalamuka.