¹ Kini alang sa kagawasan si Cristo naghimo kanatong gawasnon. Busa barog nga malig-on, ayaw palingla pag-usab ilalom sa yugo sa pagkaulipon. ² Tan-awa, ako, si Pablo, mosulti kaninyo nga kung kamo mahimong tinuli, si Cristo dili makabenepisyo kaninyo sa bisan unsa nga pamaagi. ³ Usab ako magpamatuod sa matag usa ka tawo nga tinuli nga siya mahimong kinahanglan nga motuman sa kinatibuk-an nga balaod. ⁴ Kamo gilain gikan kang Cristo, kamong tanan nga gipakamatarong pinaagi sa balaod; dili na kamo makasinati sa grasya. ⁵ Kay pinaagi sa Espiritu, pinaagi sa pagtuo, kita mahinamon nga naghulat sa paglaum sa pagkamatarong. ⁶ Diha kang Cristo Jesus ni tinuli o dili tinuli nagpasabot nga bisan unsa, pagtuo lamang ang nagbuhat pinaagi sa gugma . ⁷ Midagan kamo ug maayo. Kinsa ang mipahunong kaninyo gikan sa pagtuman sa kamatuoran? ⁸ Kini nga pagdani dili gikan kaniya nga mitawag kaninyo. ⁹ Ang gamay nga igpapatubo nakaapekto sa tibuok minasa. ¹⁰ Aduna akoy pagsalig sa Ginoo nga dili kamo maghunahuna sa bisan unsang pamaagi. Siya nga mipalibog kaninyo magdala sa iyang kaugalingong silot, bisan kinsa siya. ¹¹ Mga igsoon, kung ako pabilin nga nagsangyaw sa pagkatinuli, nganong gilutos man gihapon ako? Niana nga bahin ang mga babag sa krus nakuha na. ¹² Nagtinguha ako nga kadtong nagpahisalaag kaninyo, magkapon sa ilang mga kaugalingon! ¹³ Kay kamo gitawag ngadto sa kagawasan, mga igsoon. Ayaw lang gamita ang inyong kagawasan sa kahigayonan alang sa tawhanong kinaiya; hinuon pinaagi sa gugma mag-alagad sa matag usa. ¹⁴ Kay ang tibuok balaod natuman sa usa ka kasugoan: "Kinahanglan higugmaon ninyo ang inyong silingan sama sa inyong kaugalingon." ¹⁵ Apan kung inyong paakon ug tukbon ang matag usa, pagbantay nga dili kamo maguba sa usag usa. ¹⁶ Ako magasulti, lakaw pinaagi sa Espiritu, ug dili ninyo tumanon ang tinguha sa unod. ¹⁷ Kay ang tinguha sa tawhanong kinaiya batok sa Espiritu, ug ang tinguha sa Espiritu batok sa tawhanong kinaiya. Kay kini sukwahi sa matag usa, aron dili ninyo mabuhat ang mga butang nga inyong gitinguha nga buhaton. ¹⁸ Apan kung ang Espiritu magapanguna kaninyo, dili na kamo ilalom sa balaod. ¹⁹ Karon ang mga buhat sa unod makita. makighilawason, dili putli, pagkadaotan, ²⁰ pagsimbag diosdios, pagpamarang, pagdinumtanay, panagbingkil, pangabugho, kapungot, iya-iyahay, sinupakay, pagkabahinbahin, ²¹ kasina, paghuboghubog, kagubot, ug uban pang mga butang nga sama niini. Ako nagpahimangno kaninyo, sama sa akong pagpahimangno kaniadto, nga kadtong nagbuhat sa mga butang dili makapanunod sa gingharian sa Dios. ²² Apan ang bunga sa Espiritu mao ang gugma, kalipay, kalinaw, pagpaubos, pagkamaluluy-on, pagkamaayo, pagtuo, ²³ pagkabuotan, ug mapinungganon sa kaugalingon; batok sa maong mga butang walay balaod. ²⁴ Kadtong mga nahisakop kang Cristo Jesus gilansang sa krus ang tawhanong kinaiya uban sa pagbati ug mga tinguha. ²⁵ Kung kita magpuyo pinaagi sa Espiritu, molakaw usab kita pinaagi sa Espiritu. ²⁶ Dili kita mahimong magmagarbuhon, maghagit sa matag-usa, o masina sa matag usa.