¹ U Yesu bo iza sona mu kapelenawumu, amasiku manandi bwaka vikivwika ukuti ali kunyumba. ² Abanthu abinji hee bakabungana po ali chochikapangisya ukuti nubuyo busobe po u Yesu akanda ukumanyisya izyu. ³ Po abanthu bamo bakiza kukwache numunthu umulemale; Abanthu folo bakamunyamula. ⁴ Bobakupotwa pakufika papipi nawe, chifukwa cha bwinji bwa banthu bakapangula umusonyonje wo wukaba pamwanya po u Yesu akaba, bobapanga ichidobozi bakisizyapo ichibonde cho umulumendo akawonela. ⁵ Ukulinga ulwitiko lwabo, u Yesu akanena ku mulemale ukuti. '' mwana, imbibi zyako zyahobokeliwa.'' ⁶ Po abasimbi bamo bakikala palanyene, po bakilalusya bene mumyoyo, '' ⁷ U munthu uyu anganena bulibuli munzila iyi? akunangania! wewenu yo angahobokela imbibi loli uchala mwene?'' ⁸ Umwalubilo u Yesu akamanya mu mzimu vyo bakinong'onanga mumyoyo yabo. Akababuzya akati, '' choni cho mukwinong'ona ichi mumyoyo yinu?'' ⁹ chochoni cho chipepe, ukunena kwa mulemale, imbibi zyako zgahobokeliwa! pamo ukunena ukuti, nyamula ichibonde chako, buka ku nyumba yako.'' ¹⁰ Loli pakuti mumanye pakuti umwana wamunthun ali namaka pachisu icha pansi pakuhobokela imbibi, '' akati kwa mulemale,'' '' ¹¹ Nkhunena kukwako, nyamuka nyamula ichibonde chako, buka ku kunyumba yako,'' ¹² Akanyamuka sona lubilolubilo akasenda ichibonde, nukufuma panzi panyumba pabanthu bonsi po bakaswigha sona bakamukwezya uchala, po bakati, '' Tutachibwenipo lumo ngati ichi'' ¹³ Akabuka sona mumbali munyanja, Ichilundilo chikiza kukwache, po akabamanyisyanga. ¹⁴ Bo akwenda, akalinga u Levi umwana wa Afeyasi ikalite pitenti lya basonkha misonkho po akati kukwache, '' Nkhonkha une'' akanyamuka nukumukonkha. ¹⁵ U Yesu akalya ichakulya munyumba ya Levi nabasonkhezya msonkho poka nababombambibi bakalya poka nawe po nabatumiwa, pakuti bakaba bingi sona bakamukonkha. ¹⁶ Bo abasimbi bo bakaba ba falisi, balinga pakuti uyesu alya poka nababomba mbibi, nabasonkhezya msonkho, bakanena kubatumwa bache bakati, '' chifukwa buli cho akulya nabasonkhezya msonkho sona nababomba mbibi?'' ¹⁷ bo u Yesu ivwa ichi akababuzya akati, '' Abanthu bobiza bwaka pa mubili batakulondanga ing'anga bene abanthu bo balwalite bobakulondanga. Nthakiza pakupoka abawolosu loli ababombambibi.'' ¹⁸ Po abamanyili ba Yohani nabafaliyi bakafunga. Abanthu bamo bakiza nukunena ukuti, '' Ngachoni cho abamanyili ba Yohani bakufunga loli abamanyili bako batakufunga?'' ¹⁹ U Yesu akanena nabo, '' Ka abakulingilila ubukwati bangafunga, po umwene bukwati achili ali nabo? pala bachili bali numwenecho bukwati batangafunga. ²⁰ Loli amasiku ghakwiza po umwene bukwati akwiza pakufumako kukwabo sona pamasiku aghonyene po balifunga. ²¹ Nayumo yo akusonela umwenda uwupya pa wukulu ichigamba chingazepuka, ichipya ukufuma ku chikulu po chikuzepuka nkhani. ²² Nayumo yo akubika u vinyo uwa ilero muchipapa icha kale icha vinyo. Uvinyo angapunthisya ichipapa po uvinyo poka nichipapa bo vyanangika. ²³ Pisiku lya sabata u Yesu akendanga mumuwunda wa vilombe ababomba mbombo nabamanyili bache bakanda pa kupanya amakambi ghavilombe. ²⁴ Abafalisi bakati kukwache, '' Linga, ngachoni cho bakubomba vyovikupambana nindaghilo pisiku lya sabata?'' ²⁵ Akanena nabo, '' mubelengite lumo vyo u Davide akabomba bo inzala yimuwilile umwene nabanthu bo bakaba nawe. ²⁶ Mo akabukila munyumba ya chala po u Abiyasala akaba muputi usongo, nukulya ichibama chochikabapo, chochitakaba chakwitikiziwa kwa aliwensi ukuti alye ukupatula umuputi sona akabapa nachimo bo akaba nabo?'' ^{27 28} U Yesu akati, '' usabata akapangiliwa umunthu, noti umunthu chifukwa cha sabata. Polelo umwana wa munthu we mwene na kwa sabata bwaka.