chaputala 10
1
U Yesu akitizya poka abamanyili bache thwelovu bala nukubapa ubulaghili ubwakufumizya imizimu imibibi nukupozya ubulwale bonsi ubwakulekana lekana.
2
Amazina agha batumwa thwelovu bala gho agha: uwabwandilo we Simoni (yo akitiziwanga ukuti Petulo), nu munyabo Andileya, nu Yakobo umwana wa Zebediya, nu Yohani uwamwabo;
3
U Filipu, nu Batulumeyo; u Tomasi, u Mateyo yo akaba musonkhezya musonkho, u Yakobo umwana wa Alufeyo, nu Tadeyo;
4
Nu Simoni uwa ku Ziloti nu Yudasi sikaliyoti, yo akamubika u Yesu munyobe zya balwani
5
U Yesu akabatuma abatuma abatumiwa thwelovu bala nukubabuzya ukuti, ''mutakabuke kumalo ko abakunzi bakwikala, pamo mutwaya tonsi utwa mu Samaliya.
6
Loli mubuke pakasi paba iZilayeli, bo bayanite bwaka ni ng'onzi zyo zisobelite;
7
Po mukubuka mulumbilile nukuti, 'ubumwene bulipapipi.
8
Pozya abalwale, zyusya abafwe, swefya aba mambombo, nukufumya imizimu imibibi. Mwapokela umwa mbula kulipila, po umwe mupe umwambula kulipila.
9
Mutakanyamulepo kwali u golide, isiliva pamo ukopala munyambi zinu.
10
Mutakanyamule ichikwama pabulendo bwinu, pamo inkhomo yakwendela, pamo isapato pamo ilaya ilya pambali, pakuti uwambombo abaghile pakupokela vyo akusobelwa.
11
''Nanthi mwafika mukaya, mumulonde umunthu yo isenganizye pakupokela abalendo, mwikale nawe mupaka mukwiza ukufumapo.
12
Po mukwinjila munyumba, mumulamuke.
13
Nanthi abanthu aba munyumba yila babapokela akiza, ukubalamuka kwinu ukwa mutende kube nabo, loli nanthi batabapokela akiza munyokele numutende winu.
14
Nanthi abanthu bamo munyumba pamo mukaya batabapokela akiza pamo pakubivwisya fumapo pamalo ghala nukukung'untha ulufumbi kumatamba ghinu.
15
Naloli nkhubabuzya ukuti, nkhwiza ukubapelela ichisa abanthu ba musodomu na mugomola ukuchila abanthu aba mukaya kala po nkhubalonga.
16
''Linga kuno, nkhubatuma umwe ngati zyong'onzi pakasi pa tumphumphi, po mube mwebachevu ngati njoka sona mube bololo ngati nkhunda.
17
Muchebe na banthu! pakuti bakwiza ukubakola nukubabika pamaso gha balongi, sona nukubasyempha mu nyumba zya kwiputilamo.
18
Pachifukwa chane bakwiza pakubasitaka pamaso gha balongi nabamwene na abanthu aba kunzi, ukuti mumbikile ubukaboni.
19
Pala babasitaka mutakapasye ukuti, ka nkwiza pakuna ichoni, pakuti vyo ukwiza ukunena vikwiza ukupeghiwa pa kabalilo kalanyene.
20
Pakuti tewewe ukwiza ukunena, loli muzimu wa tata ghogho ghukuzukunenanga mumalo mwa uwe.
21
Abanthu bakwiza pakubabika abanyabo ukuti babakome, nu tata kumwana. Abana bakwiza pakusambukila aba papi babo ukuti bakomiwe.
22
Mukwiza pakubengiwa numunthu wensi chifukwa chizina lyane. Loli umunthu wensi yo ajimba mupaka pabumalilo, akwiza pakupokiwa.
23
Nanthi bakubavwima mukaya akakulu kano, samalila kubunji, naloli nkhubabuzya ukuti, temukamalizye utwaya utukulu tonsi utwa ba Izilayeli bo mwana wamunthu atizite.
24
''Umumanyili atewa pamwanya ukulusya umumanyisi wache umuzya pamwanya pa mulongi.
25
Umumanyili atabaghile pakuyana nu mumanyisi wache, umuzya ngati we mulongozi wache. Nanthi bitizya umulongozi uwa nyumba Belezebule, kokuti abanthu aba munyumba bakwiza pakwitiziwa nizina ilibibi.
26
Po mutaboghope, pakuti ichinthu chonsi cho chivwinkiwe chikwiza ukuvwinkhuka sona ichinthu cho chifisiwe chikwiza ukumanyikwa.
27
Vyo nkhubabuzya kuchisi, munene pamusanya sona zyo mwivwa pa zyo nkhuteketa, mukwiza pakufumusya pa chulu.
28
Mutakoghope abanthu bo bakukoma umubili, loli batangakoma umuzimu. Nkhani-nkhani mumoghope umwene yo anga nangamia vyonsi umubili nu muzimu nu moto.
29
Ka utwa titi tibili tutangaghuliziwa na kasalabazya akanandi? Loli nakamo akatiti ko kuwa pasi ukusita utata ukuzimanya.
30
Loli, lyope isisi ilya kumutu kwinu libelengiwe.
31
Mutakoghope. Mwe bapamwanya nkhani ukuchila utwa titi utwinji.
32
''Umunthu wensi yo akunitika pamaso gha banthu, nune bwaka nkhwiza pakumwitika pa maso agha tata uwa kumwanya.
33
Loli yo akunkhana pamaso gha banthu, nune bwaka nkhwiza ukumukana pa maso gha tata yo ali kumwanya.
34
''Mutakinong'one ukuti nkhiza paku bika umutende pa chisu cha pasi. Nthakiza pakubika umutende, loli we panga.
35
Nkhiza pakubika ubulwani pakasi pa mulumendo nu wise, sona umulindu nu nyina, sona umulasagha nu nyinavyala.
36
Abalwani aba munthu bakwiza pakuba banthu aba munyumba yache.
37
Umunthu wensi yo amughanite uwise pamo unyina ukuchila une tewa kwenelela papane; yo aghanite umwana wache umulumendo pamo umulindu pakuchila une tewa kwenelela papane.
38
Wensi yo atakunyamula imphinjika nukunkhonkha tewa kwenelela pamaso pane.
39
Yo akulonda ubumi akwiza ukubuluza. Loli yo akubuluza ubumi mwizina lyane akwiza ukubwagha.
40
''Wensi yo akupokela akiza akumpokela une, sona yo akumphokela une akupokela sona yo akanthuma.
41
Wensi yo akupokela umughonela mwizina lya mughonela akwiza pakupokela ichabupi ukufuma ku mughonela, sona wensi yo akumupokela u munthu umugholosu mwizina lya munthu umugholosi akwiza ukupokela ichabupi ukufuma ku mugholosu.
42
Wensi yo akumupa ukomeji uwa minzi amatalale yumo mwizina lya mumanyili nkhubasimikizyila ukuti, munzila yonsi te akapotwe ichabupi.