YOHANI 8
1
U Yeso akabuka kuchipili cha Oliva.
2
Pandabindabihe akiza ku Tempeli sona, nabanthu bonsi bakiza, akikala pansi sona akabamanyisya.
3
Abasimbi naba Falisayi, bakiza numwanakazi uyu we akoliwa 'kubuhule' bakamubika panthazi
4
Po bakanena kukwache, " manyisi, umwanakazi uyu akoliwa "kubuhule".
5
Po mululaghilo, u Mozesi akatulamula ukuti tubume namabwe abanthu baluko ulu, mukunenapo ichoni payuyo?"
6
Bakanena ichi ukuti bamutaghe pakuti baghepo chimo ichamulonga, loli u Yeso akimilila pansi nukulemba palufumbi ninsala yache.
7
Bobapulikizya pa mulalusya amalalusyo, akimilila nukunena kukwabo, " yumo mwa umwe yo atanangitepo, abe wabwandilo pakusumba ibwe papache."
8
Akimilila sona pansi nukulemba palufumbi ninsalala yache.
9
Bobivwa ichi, bakafumapo wekaweka, ukwandila abagosi, pabumalilo u Yeso akasyala mwene nu mwanakazi we akaba panthazi.
10
U Yeso akimilila po akanena kukwache "uwe mwanakazi , balikwi bobakukolite? atalipo yumo yo akulongite?"
11
Akati , " nayumoyumo, mwene" u Yeso akati, "Nthakukulonga uwe. Buka sona utakalye unange sona."
12
U Yeso akanena sona kukwabo, akati, " ne bwelu bwa chisu chapasi, we akunkhonkha atalonda muchisi loli aliba nubwelu bwa bumi".
13
Abafalisi bakanena kukwache, " mukusimikizya izya mwebene, ukusimikizya kwinu tekwanaloli."
14
U Yeso akamula nukunena kukwabo, "napo ningasimikizya izyane nemwene, ukusimikizya kwane kwanaloli. Menye konkhafuma nako nkhuya, loli mutamenye konkhafuma nako nkhuya.
15
Mukulonga ukuyana numubili , nthakulonga nayumo.
16
Loli pala nkhulonga, ubulonzi bwane bwanaloli papo nthenemwene, loli indi nu Tata we akanthuma.
17
Naloli sona mundaghilo yinu zisimbiwe pakuti ukusimikizya kwabanthu babili kwanaloli.
18
Nene ne nkhusimikizya izya nemwene, sona nu Tata we akanthuma akusimikizya izya une."
19
bakanena kukwache, " u Tata wako alikwi?" u Yeso akamula, " mutamenye une pamo u Tata wane , pala mukumanya une , nge mumumenye nu Tata bwaka.
20
Akanena amazyu agha ngati mo asimikizya mu Tempeli, sona nayumo akamupinya chifukwa akabalilo kache kakaba katakwanite.
21
Akanena sona kukwabo, " nkhubuka, mulindonda po mulifwa mumbibi zyinu. Konkhuya , mutangizako.
22
Aba Yuda bakati ," inthikome mwene? chochifukwa akunena ukuti , "konkhuya mutangizako?"
23
U Yeso akanena kukwabo , mufumite pansi nfumite kumwanya. Mwebachisu chapansi ichi tenewachisu chapasi ichi.
24
Polelo nkhanena kukwinu ukuti inthimukafwe mumbibi zinu. Penepapo mwasubila pakuti NENE, mulifwa mumbibi zinu.
25
Polelo bakanena kukwache, " wewenu?" u Yeso akanena kukwabo, " cho nenite kukwinu ukufuma pakwanda.
26
Ndinivinthu ivinji ivyakunena nukulonga ivya umwe nangabuli we akanthuma une wabwanaloli sona nivinthu vyonkhivwa kukwache, vyo vinthu ivi vyo nkhunena kuchisu."
27
Batakwivyisya ukuti akanena kukwabo izya Tata.
28
U Yeso akati, " pala mwamukwezya umwana wa munthu, po inthimumanye pakuti NENE, nukuti nthakubomba nachimo khanemwene. Ngati mo u Tata akamanyizya, nkhunena ivinthu ivi.
29
We akanthuma ali nune, sona atandetite nemwene, chifukwa akabalilo konsi nkhubomba zyo zikumuhobosya."
30
Bo u Yeso akunena ivinthu ivi, abanji bakamusubila mumwache.
31
U Yeso akanena kuba Yuda bobakamusubila bala, pala mwasyala mwizwi lyane, po mwebamanyili bane naloli.
32
Po mulimanya ubwanaloli, sona nubwanaloli bulitusatula.
33
Bakamwamula, " swe banyenya ba Abulahamu sona tutalipo swebazya bayumo, unganena bulibuli, mulisatuliwa?"
34
U Yeso akabamula. " Naloli nkhunena kukwinu, wensi we akunanga muzya wa mbibi.
35
Umuzya atakwikala munyumba akabalilo konsi, umwana akwikala akabalilo konsi.
36
Polelo pala umwana abasatula, muzukuba basatuliwa naloli.
37
Menye pakuti mwebanyenya ba Abulahamu, mukulonda pakunkhoma une chifukwa izwi lyane ute namalo mumwinu.
38
Nkhunena chonachilinga nu tata wane, numwe mukubomba chomwivwa ukufuma kwa Tata winu.
39
Bakamula nunena kukwache, " u Tata witu we Abulahamu." u Yesu akanena kukwabo, " Pala mukabanga mwebana ba Abulahamu, ngemukubomba imbombo zya Abulahamu.
40
Loli pano mukulonda pakungogha une, umunthu we ababuzya ubwanaloli bo akivwa kwa Chala. Abulahamu atakabomba ichi.
41
Mutakubomba imbombo zya Tata winu" bakanena kukwache, " Tutakapapiwa mubwamalaya tuli nu Tata weka u Chala."
44
U Yeso akanena kukwabo " pala u Chala akabanga we Tata winu, nge munganite unepakuti nkhafuma kwa Chala po ndipano, pakuti nthizite nemwene, loli akanthuma.
42
Ngachoni choni chomutakwivwisya amazyu ghane?chochifukwa chakuti mutakwivwila amazyu ghane.
43
Mwe ba Tata winu, u Satana, sona mukudokela pakubomba ivinyonywa vya Tata winu. Akaba mughoghi ukwanda pabwandilo sona atakwimilila mubwanaloli chifukwa mute ubwanaloli nabumo mumwache. Pala akunena ubumyasi, akunena vyo abelile chifukwa mumyasi sona we Tata wabumyasi.
45
Loli , chifukwa une une nkhunena ubwanaloli mutakunsubila.
46
Wewenu wa umwe akusmikizya ukuti ne wambibi? pala nkunena ubwanaloli, choni cho mutakunsubila une?
47
We wa Chala akivwa amazyu gha Chala, mutakughivwa chifukwa temwe ba Chala.
48
Abayuda bakamula nukuena kukwache, " Tukunena naloli pakuti we musamaliya sona uli nichimphepo?"
49
U Yeso akamula, " nthenichimphepo, loli kumuchindika u Tata wane, po umwe mutakuchindika une.
50
51
Nthakulonda ubuchindamu bwane, alipo yumo akulonda nukulonga. Naloli nkhunena kukwinu, pala yumo akusunga izwi lyane, atalilinga lumo imfwa."
52
Abayuda bakanena kukwache , " pano potwamanya pakuti uli nichimphepo. U Abulahamu nabaghonela bakafwa, loli mukunena ukuti, " pala yumo asungilila izwi lyane, ataliyezya lumo imfwa.
53
Tewemukulu ukulusya u tata witu u Abulahamu we akafwa, we mukulu? Nabaghonela bope bakafwa ukwibika ngati wewenu?"
54
U Yeso akamula, " pala nkhikwezya nemwene, ukwikwezya kwane kwabwaka, we tata wane we akunkhwezya - we mukunena pakuti we Chala winu.
55
Mutamumenye, loli une mumenye. Pala ninganena pakuti, ' nthamumenye, ' ningaba ngati mwemwe, umumyasi. Nangabuli , mumemenye sona nkhusungilila izwi lyache.
56
U tata winu u Abulahamu akasekelela pakulinga isiku lyane, akalilinga sona akahoboka hee."
57
Aba Yuda bakanena kukwache , " utakwanisizye nimyaka fifite, po umulingite u Abulahamu?"
58
U Yeso akanena kukwabo, " naloliloli, nkhunena kukwinu, bo u Abulahamu atalipo , nkhabapo".
59
Po bakanyamula amabwe ukuti bamume nagho, loli u Yeso akavwama nukufumamo mu Tempeli.