YOHANI 11

1 2 Po umunthu yumo izina Lazaro akalwa. Akafumanga mu Betaniya mukaya ka Mariya nu Malita uwamwabo wache. Akaba we Mariya akamupazya amafuta u mwene sona akamupuputa mu vinama ni sisi lyache yo u muyemba wache u Lazaro yo akalwala. 3 4 Po abayemba bache bakatuma kwa Yeso, bakati, " mwene, linga , yo umughanite alwalite." Bo u Yeso imva ivi, akati ubulwale ubu ntebwabufwe, loli bwabuchindamu bwa Chala, ukuti u mwana wa Chala achindikiwemo. 5 6 7 Po uYeso akamughana u Marita sona nuwa mwabo sona Lazaro. Pobo ivwa akuti u Lazaro alwalite , u Yes akikala amasiku mabili amanyabo pa malo gho akaba. Po penda ichi , akanena kuba manyili," twenda tubuke sona ku Yudeya." 8 9 Abamanyili bakati kukwache, "mumanyisi, lululu aba Yuda bakayezya ukuma namabwe uwe , po ukubuka sona kulanyene?" U Yeso akabamula, " ka mute ama ama awazi tweluvu agha bwelu ubwalidzuwa pi tsiku? nanthi umunthu yumo akwenda pamusanya, atakwipunula, chifukwa akulinga ubwelu ubwa pachinsu icha pansi. 10 11 Nangabuli, nanthi ukwenda pa busiku, ukwiza ukwipunula chifukwa ubwelu nabumo mumwache". Akanena ivinthu ivi , sona bopenda ngati vino, akanena kukwabo, umu mumanyani witu u Lazalo aghonite utulo , loli une nabuka pakuti, une ninga muzibusya yuyo mutulo." 12 13 14 Abamanyili pobakati kukwache, " mwene, nanthi aghonite utulo, inthi azibuke. U Yeso akanenanga izya bufwe bwache loli abene bakunong'onanga ukuti akanenanga izya tulo utwakutuzya.Po u Yeso akanena ku kwabo pabwelu, " u Lazalo afwile. 15 16 Une ghobokile ,chifukwa chinu po une nthabako pakuti umwe munsubalile. Twende tubuke ku kwache."Thomasi , yo bakamwitizyanga Didimasi, akati abamanyili abanyabo, " twende poka nuswe pakuti tuye tufwile poka nu Yeso." 17 18 19 20 Bo Yeso iza akagha ukuti u Lazalo akabikiwa kale mwipumpha pa matsiku folo.Po u Betaniya akaba kupipi nu Yerusalemu ukwakwana amastadiya fifitini ubutali. Abanji aba Yuda bakiza kwa Malita nu Maliya, pa kubakola inyobe pazya muyemba wabo. Bo Malita , bo ivwa ukuti u Yeso akwiza , akabuka ukuti akomane nawe , loli u Maliya akikala mu nyumba 21 22 23 U Malita po akati kwa Yeso, " mwene, nanthi ukabanga kuno , umuyemba wane nge atakafwa. Nilelo bwaka, une zimenye ukuti chonsi cho walenga ufuma kwa Chala, aliza akupe.U Y eso akanena akati kukwache, " umuyemba wako alinyamuka sona. 24 25 26 U Malita akati kukwache, une zimenye ukuti alinyamuka sona pankuzuka kwa pisiku lyabumalilo."U Yeso akanena kukwache, une nechizyuka sona ne wabumi, yo kusubalila mumwane , napo angafwa, akwiza pakuba bumi. Sona wensi yo akwikala sona akusubalila mwa une te akafwe. Mukusubalila ichi?" 27 28 29 Akanena kukwache, " iiii , mwene, une nkhusubalila ukuti we kilisiti , umwana wa Chala, yo akwiza muchinsu chapansi." Bo anena ivi, akabuka sona akamwititizya uwamwabo u Maliya kubufisamu. Akati, " umumanyisi alikuno sona akwitizya uwe." Bo ivwa ivi , akanyamuka mumwanya mwalubilo nu kubuka kukwache. 30 31 32 Bo u Yeso achili atafikite mukaya loli bo achili ali pabuyo bo u Malita akomana nawe. Bo aba Yuda , bo bali nawe mu nyumba sona bo bakamukolanga inyobe, bakumulinga u Malaiya anyamuka mwalubilo sona afuma kunzi, bakamukonkha, bakinong'onanga ukuti abuka kwipumpha pakulia kulanyene. Bo u Maliya afika pabuyo popakaba u Yeso sona amulinga, akaba pansi , mu vinama vyache sona akanena akati kukwache, " mwene, nanthi ukabanga kuno , umuyemba wanenge atakafwa." 33 34 35 Bo u Yeso amulinga akulila, sona aba Yuda bo bakiza nawe bope bakulila, akaba nichitima chikamukola sona akayimba hee. Akati, " popi po mumughonekite yuyo? " bo kati ku kwache, " mwene, zakuno ulinge. U Yeso akalila 36 37 Po aba Yuda bakati, " linga mo amughanile u Lazalo!" Loli bamo mwa babo bakati, " nte munthu yula yo akamwighula amaso umufwamaso yula, abanga akuti umunthu uyu atakafwe? 38 39 40 Po u Yeso akaba nichitima hee akabuka kwi pumpha . Likaba likupile likupikile , sona kukaba ichibwina baghonekite papo ibwe.U Yeso akati , " fumyapo ibwe " u Malita , umuyemba wa Lazalo, we akafwa, akati kwa Yeso , " Mwene, pakabalilo aka umubili wanda pakununkha pakuti akafwa amasiku folo ghendapo." U Yeso akati kukwache , " ka une nthakanena ukuti, nanthi ukasubalila, ngewalinga ubuchindamu bwa Chala?" 41 42 Po bakafumyapo ibwe u Yeso akinula amso ghache sona akati, " Tata, une nkhukusalifya uwe pakuti uwe ukunivwa une.Une nkamanya pakuti, akabalilo konsi ukunivwa, loli pakuti chifukwa cha libumba lyolizungulile pakati nkhanena ichi, pakuti bansubile ukuti banthuma une." 43 44 Bo anena ichi, akakola hee na mazwi amakulu " Lazalo fuma!" Umunthu umufwe akafuma, ivinama vyache ninyobe zyache vikapinyiwa imyenda, sona nakumaso kukapinyiwa imyenda . U Yeso akati ku kwabo , " musatule sona muleke abuke." 45 46 Po abayuda abainji bo bakiza kwa Maliya nukulinga vyo u Yeso akabomba, bakamusubalila mumwache. Loli bamo mumwabo bakabuka kuba Falisayi sona bakababuzya ivinthu vyo u Yeso akabomba. 47 48 Po aba puti aba songo na faba Falisayi bakabunganya na ba songo poka sona bakanena. " ka tungati choni? umunthu yuno akubomba ivimanyisyo ivinji. Nanthi tuti tumuleke mwene ngati buno nyene, bonsi bakwiza pakumusabilila yuyo, Aba ku Roma bakwiza kwiza sona batupoke vyonsi ubuyo sona nichisu chitu." 49 50 Nanga buli , umunthu yumo mumwabo, Kayafa , yo akaba we songo wa Puti umwaka ghulanyene, akati kubwabo, " Mutamanya nachimo. Mutakumanya awe ukuti chingaba chiza ukuti umunthu weka afwile abanthu abinji pakulusya ukuti bonsi muchisu bamale. 51 52 53 Po ichi atakanena ukufuma kukwache. Loli pakaba wesongo wa baputi umwaka ghulanyene akalotela ukuti u Yeso ize afwile aba luko lwache. Sona ntechisu chache chene pakuti nabana ba Chala bosatite babungane poka ngati ali weka. Pakufuma isiku lila bakunong'onanga izila iyakumubukila u Yeso kubufwe. 54 55 Pakufuma aponyene u Yeso atakendanga pabwelu naba Yuda, loli akafumako kula akaya ku chikaya kupipi ninkholongo nukuya kuchikaya cho bakatingi Efulayimu uku koko akikala nabamanyili bache. Po ulusekelo lwapaska ulwaba Yuda lwapalamila sona abinji bakabuka ukukwela ku Jerusalemu ukufuma muchikaya bobatabukite kulusekelo lwapaska ukuti biswefye bene. 56 57 Bkamulonda u Yeso , sona bakanenga beka nu munyabo bo bimilile mu Tempeli" mukwinong'ona chi? pakuti nte ize ku lusekelo?" Aba songo babaputi naba Puti bakati ululaghilo nanthi yumo angamanya ko u Yeso angaba anganena umwakuti bamukole.