¹ Kukabako umunthu yumo izina lyache Ananiya, nu Safila umukazi, akaghuzya ukatundu wache munandi, ² sona akasengulako zimo indalama zyo akawuzya kale (umukazi wache wepe akazimanya), sona akasendako nukunyamula akaya abapa abatumiwa muvinama. ³ Loli u Peteli akati, ''Ananiya choni cho usatana izwile mu moyo wako ukuti upusike umuzimu ughuswepu sona panyosya ichigaba chimo icha malo. ⁴ Bochasyala ukwambula kughuzya kaa chitakasyala chinu, sona bo chaghuziwa chitakaba mumaka ghinu? Kaa ukinong'ona bulibuli ichi mumoyo wako? Tekoti wamupusika umunthu awe loli wamupusika uchala." ⁵ Pakwivwa amazwi agha, u Ananiya akawa pansi akafuta akabumalilo po ubogha bukabakola bonsi bobakivwa. ⁶ Abanyamata bakiza bamuvungilila bakamunyamusya, pokamunyamula ukuya pakumusila . ⁷ Bopenda ama ola ghatatu, umukazi wache akiza, atakamanya chochapangiwa. ⁸ Upeteli akati kukwache, ''mbuzya momukaghuzizya amalo.'' akanena akati, ''tukaghuzya pamutengo ughunye.'' ⁹ Po u Peteli akamubuzya ukuti, ''chifukwa buli mwivwanite pakughuyezya umuzimu wa chala? linga, amatamba ghabanyamata bobasila umulume wako ghali pamulyango, inthi wakufumizye kunzi nuwe.'' ¹⁰ Aponyene akawa pansi muvinama akafuta akabumalilo. Po abanyamata bakiza ukwinjila, bakagha afwile, po bakamunyamula bakafuma nawe nuya pamusila. Pambali pa mulume wache. ¹¹ Ubogha ubukulu bukabakola aba chalichi na bonsi bo bakivwa ivinthu vino ¹² Ivimanyisyo ivinji sona nivyaswighisya vikachitika nabakutumiwa mukasi mubanthu. Pobonsi wakabungana munthanda mwa Solomoni. ¹³ Loli nayumo yo akaba namaka aghakongona nabo; pope bwaka, bakivwa ukwikwezya kwa banthu. ¹⁴ Pope sona abasubaliwa bakongelela kwa chala, bakongelela abanalume na banakazi, ¹⁵ pobakati banyamula abalwale munzila pobakabaghoneka pa vitala na pa vimipando po nanti u Peteli azukwendenga, umu zyezye wache wize wubawile bamo. ¹⁶ Pobakiza poka nabanthu abafuma mu chikaya icha Jelusalemu, bakiza nabalwale na bobakaba ni mphepo imbibi, sona bakapola ¹⁷ Loli umuputi usongo akimilila, na bonsi bokaba nabo (mukabukatila kaba Sadukayi); pobakizula na kabini ¹⁸ pobakabakola panyobe paya kuba Positoli, bakabasenda nuya pababika mu jele lya wensi. ¹⁹ Mukabalilo kabusiku umungelo wachala akighula imilyango ya jele nukubafumya, sona akati, ²⁰ '''Bukani, muye muchalichi muye munene kubanthu amazwi ghonsi aghabumi.'' ²¹ Bwo bivwa ivi, bakingila muchalichi bakatuzya numanyisya. Loli umuputi usongo akiza, poka nabo akaba nabo, pobakiza babungana, naba songo babanthu ba mu izilayeli, po bakatuma kuba mujelele pati bize nabapositoli. ²² Loli abasongo bambombo bobakabuka batakabaghamo mujele, po bakanyokela nuya pababuzya movibelile, ²³ ''Twaghite u mulyango wa jele wighalile abalingilili bimilile papo pamulyango loli botukwighula tutamwaghitemo nayumo mukasi.'' ²⁴ Nomba bo umulongozi wa chalichi nu mulumbilili usongo bivwa amazwi, bakaswigha hee nachochikabawila bakati chochoni chichitika. ²⁵ Po umunthu yumo akiza nukubabuzya, ''umunthu yumo yo mukamubika mujele imilile mu chalichi ukumanyisya abanthu. ²⁶ Umulongozi akabuka naba bwana, bakabanyosya sona, kwambula kulimbana nabo, bakoghopa ukuti bangabuma na mabwe. ²⁷ Bobiza nabo, bakabimika tasi bo abasongo batizite. Abasongo ba chalichi bakabalalusya, ²⁸ tukanena ''tukabalamula umwe nululaghilo ukuti mutakamanyise sona mwizina lino inga po mwizuzya ubumanyisi bwinu mu Jelusalemu numanyisya kwinu sona munyonywa patupa u daba wa munthu uyu uswe. ²⁹ Loli u Peteli nabamanyili abanyabo bakamula, ''tukwenela pamwivwa uchala palusya abanthu. ³⁰ U Chala wa batata akamuzusya uyeso yo umwe mukamukoma numupayika pachikomo. ³¹ U Chala amwinusizye mumwanya ni nyobe yache iya ndyelo pati abe mulongozi sona awe mupoki,pati aba Izilayeli bapinduke sona ba hobokeliwekumbibi. ³² Uswe swe bakaboni bavino, poka nu mu zimu umu swepu gho uchala aba pile bo ba ku mwivwa.'' ³³ Bo abalongozi abinji bivwa ichi, bakakalipa bakalonda pabakoma aba Positoli. ³⁴ Umu manya malango yumo Izinalyache Gabiliyeli,umu manya ndaghilo yo bakamupala bonsi abanthu ,bakimilila mkabukatila sona bakabalamula abapositoli ukuti basende baye kudzi pa kabalilo akanandi ³⁵ Po akanena kukwabo, mwe banthu baku Izilayeli, mchebe nacho mulonda pabapangila abanthu aba. ³⁶ Kale mumasiku ghamo, Teyuda yo akinena pati munthu umuchindikiwa, abanthu 400 bakamukonkha. Loli bakakoma bonsi, bobakamukonkha bakamusamala, po bonsi bala bakasatana po akasyala bwaka. ³⁷ Pisinda pa munthu uyu, Yuda wamu Galileya akabuka pakabalilo ko abanthu bakalembesya, wepe abanthu abinji bakamukonkha. Wepe bakamukoma, pobonsi bo bakamwivwila bakasatana. ³⁸ lonsi nkhunena kukwako,fumapo pa wanthu pano sona ubaleke wene, a maplani ghano gha wanthu nanthi vyovyo wakwinonghona nuku bomba nyinonghono bwaka izya banthu,bakwiza pakupotwa. ³⁹ Loli nanthi chafumila kwa chala,temuwapoteha;inti mwaghe mulimbana bwaka nu chala. po wakawa deba. ⁴⁰ Powakawitizya aba positoli nuwinjizya mukasi muwasongo po wakabuma nubalamila pati mutakize munene lumo mwizina ilya yesu,wakanena pobuka. ⁴¹ Wakafuma muchilundilo chabanthu nuku hoboka papo wakagha ukuti chizapo pakusamukila mwizina lya Yesu. ⁴² Isikunisiku,mumatemphelinamunyumba ninyumba,baka pitilila pamanyisya na pakupalazya ama kani aghiza pati u Yesu we Mesiya