¹ Petulo nu Yohani bakabuka pakwiputa mutepeli, bakaya pakwiputa pa nayini okoloko. ² Umunthu yoakalemala ukufuma mulwanda lwa mama wache bakamunyamulanga pakuya nawe pamulyango wa tepeli. Bobakatingi pabwiza. Bakamubikanga isiku lyosi palanyene ukuti alengenge kubanthu bobakuya ku tepeli. ³ Bo amulinga upeteli nu Yohani bakuya pakwingila mu tepeli akabalalusya nukwamba inyode ukuti bamupe vimo. ⁴ Upeteli, akamulingasya hee, nu Yohani, "Tulinge kuno." ⁵ umunthu umulemale yula akabalingisya, ukuti inthi wamupe vimo. ⁶ Loli upetulo akati, usiliva nu golide tutenawe, Loli chondinacho, Chointhikhupe. Mwizina ilya Yesu uwamunazaleti, endanga." ⁷ Bakamusenda pakumukola inyobe indyelo, Upetulo akamunyamusya nakalinga ivinama nivimphevu vya munthu yula vikaba namaka. ⁸ Umwakugontha, umunthu umulemalezu akimilila akanda pa kwenda, akingila poka nu Petulo nu Yohani mu tepeli, akendanga, akagonthanga nukumupala Uchala. ⁹ Abanthu bonsi bakamulinga bo akugontha sona akumupala Uchala. ¹⁰ Bakazimanya ukuti wemunthu yoakalenganga pakwamba inyobe banthu pamulyango uwiza uwatepeli bakaswigha nukuchenuka pa vyo vikaombiwa papache. ¹¹ Boakumukula u Upetulo nu Yohani, abanthu bonsi bakasamalira kukwabo muchipinda cho bakatingi Solomoni. ¹² Bo upetulo bo azilinga izi, akabamula abanthu akati, mwebanalume ba muiziliyeli umwe , mukuswigha chi? Choni cho mukutulingisya hee uswe, ngati twamubomba ukuti ande pakwenda chifukwa chamaka pamo chifulkwa chatwachala. ¹³ Uchala wa Abulahamu, nu Chala wa Ayizeki, nu Chala wa Jakobo, Uchala Batata, wakamutuvya umubombi wabo Uyesu. Weyuyo akatupa sona tukamukana pa maso pa Pilatopo akalondanga ukumusatula. ¹⁴ Mukamukana umuswepu sona ubunthu umwiza, loli mukakalonda yo akukoma abanthu akuti yobamusatule. ¹⁵ Mukakoma umwenecho wabumi, yuyo Uchala akazusya kubufwe sona tukusimukizya zino. ¹⁶ Palufula lwawitiko mwizina lyane, izina lyache likamugomba ukuti abe wemwanalume, youkumulinga sona umumenye, Alinamalka ulwitiko ukwendela mwa Yesu lololwamjupozya pamaso papinu mwessi umwe. ¹⁷ Polelo mwabamwitu, izimenye ukuti mukaombela ukusita kumanya mobakabombela abalongozi binu. ¹⁸ Loli ivinthu vyo Uchala akanena pamulomo kubaaghonela bonsi, ukuti ukukilisitu inthi akatamiwe, ilelo akwanilisya. ¹⁹ Po mupunduke sona mung'anamuke ukuti imbibi zinu zifume. ²⁰ Tukwiza utubalilo utwakukaabilamo amaka ukufuma kwa Chala, ukuti angamutuma ukilisiti yo akasaliwa ukuba winu, Uyesu. ²¹ Weyuyo ichinamwene chakumwanya chikuya ukumupokelera paka pakabalilo kako ivinthu vyosi vikukuya pakuyana, ukuyana navyo Uchala akanena akabalilo akakale pamilo ya baghonela abaswepu. ²² Naloli umozesi akanena, "umwene Uchala inthi akamukwezye umughonela ngati une ukufuma mumwinu mwabamwitu. ²³ Inthimukivwe vyosi vyo inthiakababuzye. Inthikaboneke ukuti umunthu wesi yo atakivwa kwa mughonela uyo inthibakamunanganye pamaso pa banthu. ²⁴ Naloli abaghonela bosi ukufuma pa samuweli nabobakiza lyo usamuweli afumapo, bakanena nukufumisya amasiku, agha. ²⁵ Umwe mwebana babaghonela sona abalufingo lo Uchala akapangana nabaaghusokulu ngatai akamubuzya u Abulahamu, "Mulunyungu lwako inkhulilo yonsi iyachisu chapansi inthikasayiwe. ²⁶ Bo Uchala abanyamusya ababombi bache akabatuma kukwako ulwabwandilo kukwako ukuti usayiwe pakubapindula mwebosi ukufuma kububibi."