2 پتہٕ سپدِیٕ تیتیاہ لوکھ جمع زِ دروازس نِش تِہ روزنہٕ جاۓتہٕ سُہ اوس تمن کلام بوزناوان 3 تہ لوکھ آۓ ژورن نفرن آتھِ تُلتھِ اکھ فالجہ لد ہیتھ تس نِش ۔
4 مگر ییلہ ہجومکہِ وجہ ساتی تمس نزدیک ہیکنہٕ یِتھ تہٕ کھولوکھ تَتنس پَش تہٕ ترووکھ الوُنت سُہ چار پاۓ ہیتھ یتھ پیٹھ فالجہ لد لرٔ ترا یِتھ اُوس ۔ 5 عیسیٰ ہن وُن تمن لوکن ہند ایمان وُچِھتھ فالجہ لدس ''۔گو بریا '' چانیٕ گناہ گے معاف۔
6 مگر تتہٕ ؠم علماء ٲسیٕ بِہتھ ، تِم لگیٕ پننؠن دلن منز سُو چنہِ ۔
7 یہ کیاز چھُ یتھٕ کنیٕ ونان ، کفُر چھُ بکان ، خدایس ورٲے کُس ہیکہِ گناہ معاف کرِتھ۔ 8 تہٕ فطراً لوگ رُوح ساتی وننِہ زِ تم کیا چھِ پننین دِلن منز سُو چان تہٕ وُ ننکھ ۔ توہی کیازِ چھُو پننین دِلن منز ؠمہٕ کتھہٕ سوچان؟
9 سہل کیا چُھ ، فالجہ لدس یہ ونُن زِ چانی گناہ گے معاف ،یا یہ ونُن زِ وَ تھ تہٕ پننیٕ چار پٲۓ تُل تہٕ نیر ؟ 10 مگر امہِ موجوب زِ توہی زانیو زِ ابِن آدمس چُھ ز مینہِ پؠٹھ گناہ معاف کرنک اختیار ۔ تیمیٕ وُن تس فالجہ لدس ۔
11 بُو چھسے ژے ونان وتھ تُل پنِن چار پاۓ تہٕ گژ گھرہ۔
12 تہٕ سُہ وُتھ فوراً پنٕن چار پاۓ تلتھ دراوٚ نیبر تمن بُرونہہ کینیٕ ۔ حلانکہ تِم ساری گے حیران تہٕ لگیٕ خدایہ سنزٔ تمجید کرِتھ وننہِ زِ اَسہِ اُوسنہ یتھ کنیٕ زاہنہ وچھمُت۔ 13 پتہٕ گو سُہ نیبر جھیل بٹِھس پیٹھ ۔ تہٕ سوری ہجوم آوٚ تس نِش تہٕ سُہ لوگ تمن تعلیم دنہِ۔
14 ییلہٕ سہُ گژھان اُوس ،تہٕ تیمیٕ وُچھ حلفایٔ سُند نیچُو لآوِس گزروانس پیٹھ ۔تہٕ تمس ونُن ، مؠے پتہٕ پتہٕ پکھ ادہٕ سُہ وُوتھ تہ د راوٚ تس پتہٕ پتہٕ ۔ 15 سپُد یہ زِ سُہ بیُوٹھ تمسندِ گھرہٕ کھین کھینہ تہٕ واریا گزر رٹن والیٕ تہٕ گنہگار بیٹھؠٕ عیسیٰ ہس تہٕ تمسنٕدین شاگردن ستیٕ کِھین کھینہِ ، تکیازِ تم ٲسیٕ واریاہ تہٕ ٲسیٕ تمِس پتہٕ پتہٕ آمتیٕ۔
16 فریسیو تہٕ فقیہو وُن سُہ گنہگار ن تہٕ گزررٹن ولین ساتیٕ کھین کھیوان وُچھیتھ تمسدِین شاگردن ، یہ ہا چھُ گزررٹن ولین تہٕ گنہگارن ساتیٕ کھین کھیوان ۔ 17 عیسیٰ ہن وُن یہِ بوزِتھ تمن ۔ صحت مندن چھینہ حکیم سنٔز ضرورت بلکہ چھے بیمارن۔ بو آسنہٕ نیکو کارن بلکہ آس بُو گنہگارن ناد دِنہ باپت۔ 18 تہٕ یُوحنا سنُد یٕ شاگرد تہٕ فریسی آسیٕ روزدار۔ تمو وُن تس نِش یِتھ زِ یوحنا سنٔدیٕ شاگرد تہٕ فریسین ہنٔدیٕ شاگرد چھُ روزہٕ تھاوان ۔ مگر چانیٕ شاگرد کیازِ چھینہٕ روزہٕ تھاوان ۔
19 عیسیٰ ہَن ووٚن تمن کیا سالرٕ ہیکنا توتام روزہٕ تھٲیِتھ یوتام تِمن ساتیٕ مہراز چھُ؟ یوتام تِمن سٲتؠ مہراز چُھ تِم ہیکن نہٕ روزہٕ تھٲیِتھ۔ 20 مگر تِم دُوہ یِن زِ مہراز ییہِ تمِن نِش جُدا کرنہٕ تؠمہٕ ساتہٕ تھاون تِم رُوزہٕ ۔
21 نیِہ کپرچ دجیٕ چُھنہ کنہہ لاگان پرانِس پلوس ۔ تہٕ سو دجٔ چھے تَتھ پلَوس بیہ ہَن یعنی نیہِ ساتیٕ پھٹِہ پرُون بیہ تہٕ زیادٕہ ۔ 22 تہٕ دچھہِ رس چُھنہٕ کانہہ تھاوان پُرانین مشکَن منز نتہٕ پھٹن مشکے دچھ رسہٕ ساتیٕ تہٕ دچھِ رس تہٕ مشکہٕ گژھن دونوے ضایعہ بلکہٕ چھُ یوان نو دچھہِ رس نیین مشکنیٕ منز تھاونہٕ ۔ 23 پتہ سپُد یہِ زِ سُہ اُوس سبتکہٕ دوہ کھہو منزی پکان ، تہٕ تمسند یو شاگردو لاگی وتہِ پکان ہیلیٕ ژٹنیٕ۔
24 فریسیو وُن تِمن ، وُچھ یم کیازِ چھِ سبتکہِ دوہٕ سُو کٲم کران یوسنہٕ جٲیزٔ چھے۔ تؠمیٕ وُن تِمن ، کیا تُوہہِ چُھونا پورمت زِ داوُدن کیا کور ییلہ تِمن تہٕ 25 تمسند ین سا تھین ضرورت پییہ تہٕ تم ٲی فاقٔے ۔
26 سہُ کیازِ گو ابیاّتر زیٹھ کاہن سندین دوہن منز خدایہ سندسِ گھرس منز تہٕ کھِییَن نیا زچہِ ژُو چہِ ؠم نہٕ کاہنو ورٲ ۓ کا نسے کھؠنہِ جایٔز آسہٕ ۔ بؠہ دِژَن پنین سٲتھِین تہِ۔ 27 تہٕ تیمیٕ وُن تمن ، سبت بنیو انسان سنٔدِ خاطرہٕ نہٕ کہ انسان سبتٕکہ خاطرہٕ ۔
28 توۓ چُھ ابن آدم سبتک تہِ مالِک۔