2 تِمہٟ آیہِ ہفتِکہ گوڈنِکہ دوہ واریاہ سُلہِ آفتاب نیرتھیٟ قبرِ پیتھ ۔ 3 تہٟ پانہٟ آسہٟ ونان زِ سانہِ موکھہٟ کُس تُلہٟ قبرہندِ گلہِ پیٹھ کنیٟ تُھود ؟
4 یوتھیٟ تمن نظر پیہِ تہٟ کنیٟ وُچھٟکیٟ ڈالتھ تکیازِ سُو ٲس واریاہ بڑٔ۔ 5 تہ قبراندر گژِھتھ وُچھ تمو اکھ جوان سفید جامہٟ لٲگِتھ دٔچھنہِ طرفہٟ بِہتھ تہِ تمہٟ گیہِ سیٹھاحیران ۔
6 تیمیٟ وُن تِمن تُوہی کیازِ چھِیو حیران سپدان ،کیا توہؠ چُھواعیسیٰ ناصریس ژھانڑان یُوس مصلوب اُوس گومُت ۔ سُہ وُتھ زنٟدہ ۔سُہ چُھنہٟ یتہِ ۔وچھِیویہ چھے سُوجاۓ یتہِ سُہ تمو تھومُت اُوس ۔
7 مگر توہی گژھیو ونیو تمسندِین شاگردن بیہِ پطرسس زِسُہ گژِھ تُوہہ بُرونہہ گِلیلِ ۔توُہی وچھِوُون سُہ تتِی۔ یتھٟ کنیٟ تیمیٟ توُہہ ونمُت اُوسُو 8 تہٟ قبر منز نیرتھ ژجہِ تِمہٟ تکیازِ لرزہٟ تہٟ ہٲبتھ اُوس تِمن بُیوٹھمُت بیہِ وُننہ تمو کانسے کینہٟ تکیازِ تِمہٟ آسہٟ کھوژ مژہ 9 ییلہِ عیسیٰ ہفتکہِ گوڈنکہِ دوہ سُلہِ زندٟہ وُتھ تہٟ گوڈہٟ وُچھ سُہ مریم مگدینی یَن ؠمِس نشہٟ تؠمیٟ ستھ بدرُوح أسیٟ کڑَِمتیٟ۔
10 تؠمہِ دِژ گژِتھ یہ خبر تمٔسِندؠن سأتِھیَن یِم ماتَم أسیٟ کران تہٟ بیِہ أسیٟ ودان۔
11 تہٟ تِمُو کُورنہٟ یہ بُوزِتھ یقین زِ سُہ چُھ زندٟہ تہٟ تؠمیٔ وُچھ سُہ۔ 12 اَمہِ پتہ وُچھ دُویمہِ صُورِ ژ منز تمو منزہٟ دویُو ییلہِ تِم گامس کُن پیدل ٲسیٟ گژھان۔
13 تمو تہِ ونیٟ یہ خبر لوکن مگر تمو کورنہٟ تمن پیٹھ تہِ یقین کؠنہٟ ۔ 14 پتہٟ وُچھ سُہ تمو کہو تہِ ییلہِ تِم کھِین کھینہِ بِہتھ ٲسیٟ تہٟ تیمیٟ کُور تِمن تہنزِ بے اعتقادِی تہٟ سخت دِلی پیٹھ زبردست رُوٗب،تکیازِ یمو سُہ زندہٟ وتھنہٟ پتہ وُچھمُت اُوس تہٟ یمواُوسنٕہ تُہندِس پؠٹھ یقین کُورمُت ۔
15 پتہٟ وُن تیمیٟ تِمن زِ توہیٟ کریو تمام دنیاہس منز گژھتھ سارنیٟ خلقن بروُنہہ کنہِ انجیل ہنز مُنادی ۔
16 یُوس ایمان انہِ تہٟ بپتسمہ نیہِ سُہ لبِہ۰نجات تہٟ یُوس نہٟ ایمان انہِ سُہ ییہِ مجرم قرار دِنہٟ۔ 17 بیہ سپدان ایمان انن والین درمیان یِم معجزہٟ ۔تِم کڑَن میٲنہِ ناوہٟ ساتیٟ بدروحن ۔
18 نیہِ نیہِ زبانیٟ منز کرن کتھٟ ۔سُرفن تُلن بیہِ اگر کانہہ ہلاک کرن وول چیز چین تہٟ کاہنی نقصان واتیکھنہٟ۔ تِم تھاون بیمارن پیٹھ اتھٟ تہٟ تِم گژھن ٹھیک ۔ 19 غرض خداوند عیسیٰ مسیح آوٗ تمن ساتیٟ کلامہٟ کرنہِ پتہٟ آسمانس پیٹھ کھالنہٟ تہٟ بُیوٹھ خدایس دچھنہِ کنہِ ۔
20 پتہِ کرٔ تمو نیرتھ ہرجایہ مُنادی تہٟ خداوند روٗد تمن ساتیٟ کٲم کران تہٟ روٗد کلامس تمو معجزن ہندِوسیلہِ ساتیٟ یِم ساتیٟ ساتیٟ سپدان ٲسیٟ ثابت کران آمین ۔