2 یتھ کنی یسعیاہ نبی سنٔزِ کتا بِ منز لیکتھ چُھ، وُچھیو، بوُ چھسو تُوہہ نِش گوڈہٕ پنن پیغمبر سوزان، یُوس تُہندِ خٲطرٕوتھ شہرتھ تھایہ
3 جنگلہ منزٕہ چھے ناد دِنہٕ وٲلی سنٔزآوازیوان زِ خدا وندہٕ سنٔدِ خاطرٕہ کربُو وتھ تیار، تہٕ تمسٔنزٕہ وتہٕ بنایو سیود 4 یُوحنا آوٚ تہٕ جنگلس منز دیوتُن بپتسمہٕ تہٕ گناہن ہنزٔ معافی خاطرہٕ کورُن توبکہِ بپتسمہُک اعلان
5 تہٕ یہُود یہ مُلککیٕ سٲری لوکھ تہٕ یروشلمکیٕ ساری روزن والیٕ دراۓ تہ گے تؠمِس نِش تہٕ پننین گناہن ہُند اقرار کرِتھ نیُوکھ تس نِش بپتسمہ
6 یہِ یوحنا اُوس اُونٹہٕیئرٕکؠ پلو تہٕ چمرُوکمر بند گنڈِتھ رُوذان۔بیہ اُوس سُہ جنگلی ماچھ تہٕ ہالو کھیوان۔ 7 تہ یہِ اعلان اُوس کران۔ زِ مےٕپتہٕ چھُ سُہ شخص ینہٕ ووُل یُوس میانہِ کھوتہٕ تہِ طاقتور چُھ، بُوچھسنہٕ تمسندِ س کھوربانس فِیتہٕ کھولنس لایٔق تہِ
8 مؠےدؠوتمو توہہ آبہ ساتیٕ بپتسمہٕ مگر سُہ دؠُو توہہِ روح القدسہ ساتی بپتسمہٕ 9 تمن دوہن سپُد یتھٕ کنی زِ عیسیٰآوٚگِلیلِ ہندِ ناصرتٕ جاۓ پؠٹھٕ تہٕ نیون یردُن دریا منز یوحناہس نِش بپتِسمہ
10 تہٕ ییلہِ سُہ آبہٕ منزہٕ نبرآوٚ تہٕ فوراً وُچھیٕ تیمی آسمان یلہٕ گژِھتھ پانس پیٹھ رُوح کوترہٕ سنٔد پاٹھٕی یوان
11 تہٕ آسمانہٕ پیٹھٕ آیہِ یہِ آواز" ژۂ چھُٕکھ میون ٹوٹھ فرزند، ژے ، چُھسٔے بُو خُوش 12 تہٕ امہ پتہٕ سُوز سُہ روحُن جنگلس منز
13 تہٕ سُہ آوٚ تَتھ سُنسانجایہ ژتجہن دُوہن تام شیطانہٕ سنٔدِ ذریعہ آزماونہٕ، سُہ رُود جنگلی جانورن ساتیٕٕ تہٕ فرشتہٕ ٲسی تس خدمتکران 14 یوحنا سنٔدٕ گِرفتار سپد نہٕ پتہ آوٚ عیسیٰ گِلیل منز۔تہٕ لوگ خدا ۓ سنٔزِ خوشخبری ہُند اعلان کرنہ
15 تہٕ ونُن زِ وَکھ سپُد پُورہٕ،خداۓ سنٔز پادشٲہی وٲژ نزدیک، توبہ کر ؠو تہٕ خوشخبری پیٹھ انیُو ایمان 16 گِلیلِ ہندِ جھِیلہٕ بٹھیٕ بٹھیٕ گژھان وُچھُ تیمی شمعون تہٕ شمعون سُند بُوئئ اندریاس جھیلس منز زال تراوان، تکیازِ تِم ٲسی گاڈہٕ رٹن والیٕ۔
17 تہٕ عیسیٰ ہن وُن تمن، مؠے پتہٕ پتہٕ ییُو تہٕ بُو بناوَوتوہی انسان رٹن والیٕ۔
18 تہٕ فوراً زال دٲرِتھ ژھٔنِتھ دراۓ تِم تس پتہٕ پتہٕ 19 بیہ ہنادور گژِتھ وُچھیٕ تیمیٕ زبدی سنٔدیٕ نیچِی یعقوب تہٕ ٲمہِ سُند بویٔی یوحنا نایہِ پیٹھ زالن ہنٔز مرمت کران
20 تیمیٕ کور تِمن فوراًپانس نِش آلو ۔تہٕ تِم دراۓ پنُن مول زبدی نایہ پیٹھی مزورن ساتیٕ ترٲوِتھ تس پتہٕ پتہٕ ۔ 21 پتہ سپُد سُہ کفرنحومس منزدٲخل ،تہٕ فوراً لوگ سبتکہٕ دُوہ عبادت خانس منز گژھتِھ تعلیم دِنہ
22 تہٕ لوکھ سپٔد تٕمسنزٔہ تعلیم ساتیٕ حیران تکیازِسُہ اُوسنہٕ تمن علماءہن ہندی پَاٹھٕ کؠہنہ بلکہ اوسُکھ اختیار سان تعیلم دِوان 23 تہٕ فوراً سمکھؠوک تیوتھ نفرا تہندِس عبادت خانس اندر یمِس منزٕ بدرُح اُوس،سُہ وُتھ یہِ ونِتھ تُھود
24 ہے عیسیٰ ناصریا، اَسہِ کیا کام ژے ساتیٕ؟ کیا ژہ آ کھا اَسہِ ہلاک کرنہِ ؟ بُوہا زانتھ ژۂ زِ کُس چھکھ ژۂ ؟ خدایہ سُند قدُوس
25 عیسیٰ ہن وُن تس روٛب کرِتھ'' ژھوپہٕ کرتہٕ ٲمِس منزٔہ نیر نیبر
26 پتہٕ دراوٚ سُہ بدروح تمِس مُرن دِتھ بڈِہ کریکہٕ دوان 27 تہٕ ساری لوکھ گے حیران، تہٕ پانہٕ وانیٕ لگیٕ یہِ بحث کرِتھ وننِہ '' یہٕ کُس چھُ ''یہ ہے چھے نؤ ویٕ تعلیما ۔؟ سُہ ہے چُھ بدرُحس تہِ اختیار سان تعلیم دوان تہٕ تِم چِھ تمسُند حکم مانان
28 تہٕ فوراً پھہلییہ تمسنٔز شہرت گِلیلِ ہندین آس پاس پرؠتھ جایِہ۔ 29 تہٕ فوراً ووُت عبادت خانہٕ منزٔ نیرتھ شمعون تہِ اندریاس سُند گھرٕہ
30 شمعون سنٔز ہش ٲس تَپہٕ ساتیٕ پیتھ ،تہٕ تمیٕ ونیٕ فوراً تمسنز خبر ٲمِس
31 سُہ گو تس نِش تہٕ تُجِن اتھس تھپ کرِتھ تھود تہٕ تس ووُتھ تمے ساتہٕ تَپھ تہٕ تھود وتھِتھ لجی تمٔسنز خدمت 32 شامس آۓآفتاب لُوستِھ لوکھ واریا ہ بیمار ہیتھ تس نِش
33 تہٕ شہرٕ کؠ تمام لوکھ گے دروازس پیٹھ جمع
34 تہٕ تٕمی کرٕیٕ واریاہ ٹھیک ؠِم مختلف بیمارین منزمبتلا ٲسیٕ ۔تہٕ واریا بدروح کڑِن ۔تہٕ بدروحن دِژٔن نہٕ کتھ کرنہٕ ،تکیاز تِم ٲسیٕ اَمِس پہچانان 35 تہٕ صبح پھولنہٕ بُرونٹھی ووُتھ سُہ تہٕ گو اکِس سُنسان جایہ تہٕ تتہِ کورُن دُعا
36 شمعون تہٕ تمسٕند ساتھیٕ گے تس پتہٕ پتہٕ
37 ییلہٕ سمکھیو کھ تہٕ وُنہس،ساری لُوکھ چھی ژے ژھانڈان 38 تیمیٕ ونُکھ ، ولؠو ٲسی گژھو آس پاس کین شہرن منزٔ تاکہ بُو کرہٕ تتہِ اعلان تکیازِ بُو چُھس امےٕخاطرہٕ درامُت
39 تہٕ رُود پورہٕ گلِیلِ منز تہندین عبادت خانن منز گژِھتھ اعلان کران تہٕ بد روحن کڈان 40 تہٕ اکیٕ میندٕی لدن کوُر بُروہنہ کن یِتھ تس زارپارہٕ۔ تہٕ کو ٹھیٕ نمرِتھ وُننس ''اگر ژہ یژھکھ تہٕ مؠے ہکؠکھ پاک صاف کرِتھٕ
41 تمِس آوٚتس پیٹھ آر تہٕ اتھ لٲگِتھ وُنَنس '' بُوچھس یژھان ژہ گژھ پاک صاف
42 تہ فوراً ژول تس میُوند تہٕ سُہ سپُد پاک صاف 43 تہٕ تؠمیٕ کور سُہ ہدایت کرِتھ فوراً رخصت
44 تہٕ وُننس خبدار یوتھنہ کانسہِ کؠنہ وَنکھ ۔ گژھ تہٕ پنُن پان ہاوٚ اِمامن ، تہٕ پنِنہ پاک صاف گژھنکیٕ تِم چیز کرنیاز یِم موسٰہن چھ مقرر کرمتیٕ تاکہ تِہندِ خاطرہٕ آسہِ گواہی 45 مگرنیبر یِتھ لوگ سُہ یہ کتھ سارنیٕ وننہِ ۔ تہٕ یہٕ کتھ کرنٔ تیژا مشہور زِ عیسیٰ ہؠو کنہ پتہ عام پأٹھؠٕ شہرس منز دٲخل سپدِتھ کؠنہہ ۔ بلکہ رُود سُنسان جاین منز تہٕ لوکھ ٲسیٕ ژُو رَو طرفو تمِس نِش ؠوان۔