¹ Kapa kamuzyi, bakwangu (Cware ndi amba ku bantu abo vazyi o murawo), Mane kutiye o murawo wina maanta hawiru lyavo kuvona vulyo ozyo muntu nahara. ² Ku vakentu abo basheshetwe ashuminine kwa mukwame wakwe ko murawo kuvona vulyo mukwame wakwe nahara, cware mukwame wakwe kuti nafwa, o mukentu shana rukururwa ku murawo wa masheshwa. ³ Cware ati mukwame wakwe nashihara, ati nasheshiwa ku mukwame wungi, sha kuyiwa ye mushayi. Kono ati mukwame wakwe nafwi, o mukentu shana rukururwa ku murawo, kono kashi kuyiwa ye mushayi nanga shana sheshiwa ku zyumwinya mukwame. ⁴ Kavulyaho, bakwangu vangu, nenwe mbomufwe vulyaho ko murawo kokuya ko muvili wa Kiresite. Kokutiye nemu shangane a hantu honke, kozyu navuka kuvafu, o kutiye natu rete eziyango kwa Nyambe. ⁵ Kapa aha katukere mwi nyama, e ntakazo embi, neananunwa ko murawo, kaaseveza mu muvili yetu, kokuta ye tuvike eziyango. ⁶ Cware hanu shetwa rukururwa ku murawo, Ne twafwa kavulyaho katu shumininwe. Kokutaye netu seveze muvuya vo Ruho, mi kali mu mañoro akare. ⁷ Zinji shake tute hape? O murawo owo wini chivi? Kali shake neive vulyaho. Nanga vulyaho, kali nendi nazyivi echivi, nali kali kaili ko murawo. Kali nini ndazyiva oku shilira nali kali murawo, ''washa rakazi.'' ⁸ Cware echibbi necha hinda ecivaka ke mirawo ye kumi mi nokundi retera entakazo zingi kwangu. Kuti kwaazya e mirawo, echivi chifwire. ⁹ Imwinya nako kandihara nekwaazya mirawo, mi aha mirawo ihura, echibbi neco chokuvuka, mi ndokufwa. ¹⁰ Mirawo eyo kai votere kureta o vuharo yoku zoka kuva rufu kwangu. ¹¹ Ecibi necha hinda ecivaka ce mirawo nokundi homa. Kokuya ke mirawo necha ndiyaya. ¹² O murawo u chenete, mi ne mirawo ye kumi ichenete, hape irukite novurotu. ¹³ Echintu eco kacili cirotu sechavi orufu lwangu? Kali nekuve vulyaho. Cware ecivi koti chisundiwe kuva echibi, oka treta o rufu kuzwilira mucintu eci kacili cirotu, okuya ke mirawo echibi cilivonahaze o vuvi bwaco oku manikiza. ¹⁴ Tuzyi kute o murawo cimoya, mi eme ndina mu muvili. Nenda wuliswa mwinshi yo mukana we cibbi. ¹⁵ Kwezi nditenda ndaazya kushuwisise nenja. Kwezi ndishak kutenda, kandizi tendi cware ezi ndi zimbite zezo nditenda. ¹⁶ Cware kuti nendi tenda ezi kandishaki, ndi zumina kuti murawo murotu. ¹⁷ Mi cware kali ndime ndizi tenda, kono eccibi chikere kwangu. ¹⁸ Kakuli ndizyi mwangu, ezo zikere mwi nyama yangu, kuhara zintu zibbi. Mi ku shilira o vurotu kwina kwangu, kono kandi tendi. ¹⁹ O vurotu ovu ndishaka, kandi vutendi, mi ovubi ovu kandishaki okutenda mbovo nditenda. ²⁰ Hanu ati nenda shaka o kutenda ezi kandishaki o kutenda, kali ndime shendi zitenda, mi ecibbi cihara kwangu. ²¹ Cware ndawani o murawo: Ati nendi shaka kutenda vurotu, ovibbi vukere kwangu. ²² Kuti nendi voterwa kuya ke mirawo ya Nyambe ko mozyo wangu. ²³ Kono ndivona kusha fwana ku mirawo ina mu muvili wangu. U rwisa o murawo o muya wina mungana zangu. Nokundi tenda vukana ko murawo we cibbi owo wina mu muvili wangu. ²⁴ Ndili muntu kandihali nenja! Ndini nandi zyakwire mu muvili o rufu? ²⁵ Ndiki tumera kwa Nyambe okuya kwa Jesu Kiresite o Nfumu wetu! O kutiye, Eme ndemwini mbondi mamere murawo wa Nyambe ke ngazyaro zangu. Kavulyaho, ke nyama ndi mamera o murawo we cibbi.