¹ Oñole e ngiroi llye nkeleke ya mwa Efese ye: "Anu nga manzwi wo akwatilire e ntungwezi ze anyini- zobire mu anja lyakwe lya malyo no kuyendauranga mukati ka malambi e arya-ni-obire e gauda. ² Ndizyi ezitendantu zako, okuli kataza kwako no ku li goresa kwako. Ndi zyi ye ko nzumizani na bantu a babni, mani ni wa lika aba balikuwa aba apositola kanti kwaazya, no ku ba waha ye mahata. ³ Niwa goresa mozyo noku cupama mu zikababu ke baka lye zina lyangu, mi kalyi niwa kwanga. ⁴ No ku ndina eci ndi nyansa kwako, ni wa reka e shako lyako lya katanzi. ⁵ O likumburuse obure boku niwa hozomoka okuwa. Ozoke no ku tenda e zintu ezo ko tenda katanzi. Ati ko zoki, nendira kezya kwako no kezya kuzwisa e lambi yako mu cibaka cayo. ⁶ Kono eci o tembwa kaco ke cici. O zimbite e zitendantu za banikolai, ezo ndi zimbite neme. ⁷ Ozyo ena amatwi, a shuwe eci wa ta omuya mu makeleke . Kozyu na wore , ne ndi ra enswanelo yo kulya ku cikuni co bulyaho, eci cina mu paradaisi ya Nyambe. ⁸ O ñolele e ngiroi lye nkeleke yamwa Simina ye: "Anu nga manzwi ozyu ari wa matatikiro na mamanikizo, ozyu na afwa mi na boora kuhara hape. ⁹ Ndizyi oku shanda kwako no bunjebwe bwako kono o fumite. Ndizyi otushwahu kwa bo ba likuwa ye majuda kanti kali mbabo , kono mba shi cigugi ca satani . ¹⁰ Wa sha tiyi ke shando eri sho botere okushandiswa. Ndi ku sumwina, Diaburusi na ra bika bamwi benu mu ntorongo o ku mi tatuba, mi ne mu ra shandiswa ka mazyuba e kumi. Mu sepahare , nanga kutwara ku rufu ye, mi ne ndi ra miha enkuwani ye cifumu co buharo. ¹¹ Ozyu ena amatwi a shuwa eci wu amba Omuzya ku makeleke. Ozyu na wore kari na tendwa bubbi ku rufu lwa biri. ¹² Oñolele e ngiroyi lye nkeleke ya mwa Pegamu ye: 'Anu nga mazwyi wo zyu a kwesi o mukware o muceku owu ofunda noku-noku. ¹³ Ndizyi oku ohara, Satani oku ena no rubona lwakwe. Kono ni wa siyara mu niti ku zina lyangu. Kalyi ni wa shambura e ntumero yako kwangu, tara mu mazyuba a antipasi, e paki yangu a sepahara, ozyu na yayiwa mu muleneñi wenu omu a zyakite Satani. ¹⁴ Nanga kube bulyaho, ndi shi na e zicenya ezi ndi ku nyansa kazo. Oshina na bantu aba ba shi ki kwesi ku tunto za balami, ozyo na shonga Balaki oku homonena a bana ba Isilaele ye ba fose ko kulya e zilyo za tendwa e zitabelo ku maswaniso ni ko kutenda zobushahi. ¹⁵ Oshina kame na ba ba shi ki kwesi ku ntuto za banikolai. ¹⁶ Zoke mpaho, ati ko zoki , mbo ndi hwere o kezya kwenu no kezya kuba kwisa ko mukware wa kanwa kangu. ¹⁷ Ozyu ena matwi ashuwe, e ci wu wamba omuzya ku makeleke . Ozyu na wore , ne ndi ra m u ha yimwi ye manna eyi yi zikitwa. Hape ne ndi ra mu ha ebwe lyo ku kutuba aha ha ñoretwa ezina lyakwe eya , eri azyi ozyu na ri tamburi bulyo. ¹⁸ Oñolele e ngiroyi lye nkeleke ya mwa Tiyatira ye: " Anu nga manzwi a mwana Nyambe. Shi mensho afwana mbo mulilo u tumbuka shi matende e citare ca beyi. ¹⁹ Ndizyi e zitendantu zako, e rato ne ntumero yako, e zitendantu zako no ku li goresa kwako , no kuta ye hanu shotenda e zingi kuhita ezi kotenda a katanzi. ²⁰ Nanga kube bulyaho, ndisina eci ndi kunyansa kaco. O rekete zywina o mukentu Jezebele, o zyu a likuwa o mupolofita we cikentu. Ke ntuto zakwe naa hambusiza a bakana bangu mu bufokori bo bushahi no mu kulya e zilyo za tendelwa e zitabero za maswaniso zo kubumba-bumba. ²¹ Ni nda muha e nako yo kuzoka ku bufokori bwakwe, mi kashaki. ²² Shira ne ndi mutimbire ha buro bwe shando, mi nendi ra tenda ye naba ni ba tende zo bushahi neye ni ba shande hawa , mbwita ba na zoki ku mikwa yakwe. ²³ Ne ndi la yaya bane, mi a makeleke onshe ni ara zyiba ye ndime ndi sefa e myozya ne miazyaro, mi ne ndira lifa o muntu no muntu ko kuya ke mitendo yakwe. ²⁴ Hanu se ndi wamba kwenu mwina mwa Tiyatira mwenshe, enwe mwaazya ku li kwesi mwi ntuto za kwe mi mwaazya ku li tutite ezo zitewa ye ze nkunutu za Satani e nene. Kalyi ndi mi kambike umwi omuziyo. ²⁵ Mu kwatise bulyo eci mwina neco mani ne ndi hure. ²⁶ Kozyi na wore no ku tenda eci ndishaka kutwara ku ma manikizo, ne ndi ra muha obuyendesi ha wiru lya macaba. ²⁷ Nara a yendisa ko muramu we nsipi, na ra bwacauha e zibbamausi mbwama mankwama o buma, shina bulyaho ni ndawana obuyendesi kuba Tata. ²⁸ Ne ndi ra muha kame e ntungwezi lya masikusiku( erungwe). ²⁹ Ozyu ena matwi, ashuwe eci wu amba omuzya ku makeleke.