¹ Limwi lya mangiroyi e anja-ni-obire aa kaa kwesi a mankwana e enja-ni-obire ni lya kezya kwangu no kundita ye, ''Kezye, mbondi kusunde e nkoto yo mushayi o mukemtu ozyo akere ha menji a mangi. ² Ozyu kaba shaintika neye a banfumu be fasi naba ba zyakite mwi fasi niba dakwa ke waine yo kushaintika kwakwe. ³ Paho engiroyi nilya ndihinda ko muzya kuya muharaupa, mi mumo ninda kavona o mukentu kakere ha chivatana choku suvira echi chi vwikitwe ka mazina a kanyanso mi kachina mitwi ye anja-niyo- vire na manaka ekumi. ⁴ O mukentu ka zyavere zo mivira wa mavuna noku suvira, hape ka kevera - kevra mu gauda, mavuwe o vutokwa nomu perera. Ka kwesilili e nkomoki ye gauda mu- anja, eyi kai zywire e zintu zi nyansahara ne zibbirara zo kushaintika kwakwe. ⁵ Ha chifateho chakwe kaha ñoretwa ezina lyoku zikazika: ''Babirona o munene, nyina wa vashayi nezi zinyansahara ze fasi.'' ⁶ Ninda vona ye o mukentu ka koretwa a maroha ava vazumina na maroha ava niva fwira Jesu. Aha ninda muvona ninda komokwa hawa. ⁷ Kono engiroyi mpaho sheli ndita ye, ''Chinji aho ndi komoketwe? Mbondi ku torokere echo chitewa cho mukentu ne chivatana echi a paramite, echi china e mitwi ye anja-niyo- vire na manaka ekumi. ⁸ Echivatana echi novoni, nkuka cina hanu cha kuazya kono nanga nica kezya kuzwa mwirambo lya hanshi. Nga naciye ku kufwililira. Ava vazyakite mwifasi vashi mazina aa kali nia ñoliwa mwivuka yo vuharo kuzwa aha hakuvumbwa kwe fasi nivara komokwa shake niva vone ecivatana kakuli nkuka cina, hanu ca kuazya, mi kame necirava ko. ⁹ Ezi zi shaka e ngana zo butali! Emitwi ye anja-ni-yobire nga marundu e anja-ni-obire aa kere hawo o mukentu. ¹⁰ Hape kwina a banfumu be amja-ni-bobire. Be anja shiba naa wa, yenke ndeye na ho, zyumwi ashini kuba ko, kono shake nabe ko, a botere o kukara enakoana bulyo. ¹¹ E cibatana eci ka cina ko, mi hanu ca kuazya, ndu nfumu we anja-ni-botatwe. Ngwa ba bo be anja-ni-bobire hape sha ya ku kufwililira. ¹² A manaka e kumi no boni mba nfumu be kumi aba ba shini o kuwana o mubuso, kono aba mbabo ni ba wane o buyendesi bo bunfumu ke nako yonke ne cibatana. ¹³ Bena o mulero onke mi in ba ra tambika a manta abo no buyendesi bwabo ku cibatana. ¹⁴ Nibara cita endwa yo kurwisa nguana, mi nguana nara ba wora kakuli ndo mubusi wa babusi no nfumu wa banfumu. Mi eye nara kara ni bakwe aba na kuwa, na ba na li sharwira, na bacilili bakwe ba sepahara. ¹⁵ Engiroyi paho sheli ndita ye, ''A menji aa no boni,aha karanga kashaigwe, mbatu, macaba, nduzekete ne ndimi. ¹⁶ E cibatana na manaka e kumi no boni ni ba ra zimba kashaigwe. Ni ba ra musiya mu matongo no ku mu reka e cintenentene, ni ba ra lya enyama yakwe noku mu sumika ko mulilo. ¹⁷ Kakuli ndi Nyambe na bika owu murero mu myozyo ya bo ye ku bumbilizwa eci a rerete ko kuzumina o kuha manta ne mpuso yabo ku cibatana, mbata mazwyi a Nyambe shi a na bumbilizwa. ¹⁸ O mukentu no boni ngo muleneñi o munene owu wu busa hawiru lya banfumu be fasi.