¹ Mpaho shendi tonda mi ndoku vona e Nguana a zyimene he rundu lya Sione. Mi kena nivoli 144 000 ava kava ñoretwa ha zifateho zavo ezina lyakwe ne zina libeshi. ² Kame ndoku shuwa ezywi lizwa kwiwiru shina kuchuumina kwa menji a vuva hape shina mulinga onvura wa rengi hawa. O murumo ninda shuwa shina ngwa magitaya a ombiwa kwavena vana kua ombanga. ³ Kava zyimba o ruzyimbo oruya havuso vo ruvona naha vuso bwe zivumbwantu zone ezi zihara niha vuso bwa vakuru. Kwaazya ozyu awora ku zyiyazyiya oro ruzyimbo mbwita voli 144 000 ava niva zyakwirwa kuzwa mwifasi. ⁴ Ava mbavo kali nivaki zyonauraka vakentu, kakuli nivaki vavarera kuchena kuzo vushahi. Mbavo vachilira o Nguana konshe oko aya. Niva wurwa kuzwa mukati ka vantu vonshe noka hewa nivali mitamuno kwa Nyambe nikwa Nguana. ⁵ Kwaazya kayama nika waniwa mutunwa twavo; kava nyansahali. ⁶ Ndoku vona engiroyi limwinya neli wurukite hakati ke mbimbiwiru, mi kali kwesi embuzi endotu kaimani ku sumwina ava va vahara mwifasi - ku machava, mishovo endimi na vantu. ⁷ Aku shumpura hawa kezywi enene, ''Ye mutiye Nyambe mi mumuhe entuvo. Kakuli enako yo kuatura kwakwe shiyahuli. Mutongame mumu rapere ozyu natenda a mawiru, efasi, ewatene mirapo ya menji. ⁸ Limwinya engiroyi - engiroyi lyavili - nilya chilira kutaye, '''naagwa, naagwa Babirona o munene, ozyo natenda ye vonshe vashi machava vanywe ku waine yo vubbi vo vushayi bwakwe. ⁹ Engiroyi limwinya - lyo vutatu - lyokuva chilira, kezywi li wongoza no kutaye , ''ozyo a tongamanga noku rapera echivatana ne chiswaniso chacho choku vumba, noku tambura e swayo lyakwe ha chifateho kapa ha anja. ¹⁰ Neye kame nara nywa ku waine yo vukali bwa Nyambe, eyi shiya sintirwa mu nkomoki yo kuvenga kwakwe yati xomborwa. O muntu ozyo anywa ko nara kuvazwa ko muliro ne sirufura havuso bwa mangiroyi achena a Nyambe na havuso bwe Nguana. ^{11 12} Mi ovusi bwe shando lyavo vuhangama kuyoku kakumani, mi kwaazya kushwena kwavo masiku kapa a kamwi - kwavo va tongama noku rapera e chivatana ne chiswaniso chacho choku vumba, kapa nenineni ozyu tambura eswayo lye zina lyakwe. Hanu kukumbirwa ava vachenete ava vamamera e mirawo ya Nyambe ne ntumero kwa Jesu.'' ¹³ Mpaho shendi shuwa ezywi lizwa kuwiru litaye, ''ñore ezi: Vena e nfuyauzi a vafuavav fwira ku Nfumu.'' ''Eni, ''kuamba o Muzya, mbuva kashwene ku mitendo yavo, kakuli ezitendantu zavo mbozi vachilire. ¹⁴ Ninda tonda, mi kuko kuvuso bwangu kakwina ezyova lyo kutuva, nozyu kakere ha zyova kafwana shina ndi mwana wo muntu. Kakwesi e husi ye chifumu ye ¹⁵ gauda ku mutwi wakwe ne jekesi enceku muanja lyakwe. Mpaho shekuzwa limwi engiroyi mu tempere noku kuwa kezywi li wongoza kozyu kakere ha zyova ye, hinde e jekesi lyako o shinje, kakuli enako yoku shinja shiyahuli, kakuli orukawu lwe fasi ru vizwite. ¹⁶ Kavulyaho ozyo kakere ha zyova na zunza e jekesi lyakwe hawiru lye fasi, mi efasi lyoku shinjiwa. ¹⁷ Limwi engiroyi nilya zwa mu tempere ya muwiru, nelyo kame kali kwesi e jekesi enceku. ¹⁸ Engiroyi limwinya kame, eli kalina a ngamu ku mulilo, nilya zwa mu arutare noku kuwa kezywi li wongoza ozyo kakwesi e jekzi echeku ye, o hinde e jekesi lyako echeku o shinje ezi jokotoli za cisansa muwa lya chisansa we fasi, kakuli chisansa walyo sha vizwite. ¹⁹ Engiroyi nilya zunza e jekesi lyalyo hawiru lye fasi mi lyoku zyangura chisansa walyo nokumu shonjera mu chikandiro che waine echinene cho buhali bwa Nyambe. ²⁰ Naa kandiwa mu chikandiro che waine kunje yo muleneñi, mi maroha nia era kuzwa mu chikandiro, niya hingiha o kuya muwiru kuhura ha vure bwe mihara yi sungiwanga ku mazyuru e mbizyi zaku vantu, muvure kayili 1,600 sitadia.