¹ Mi ndo kubona e cibatana ci bomboka muwate. Kacina a manaka e kumi ne mitwi ye anja-ni-yo bire, ne nkuwani ze cifumu ku manaka aco, mi kumutwi no mutwi kaku ñoretwa zina lya kashwahu. ² E cibatana ninda bona cifwana o ngwe, kono kacina a matende mbwe nga bbere na kanwa mbwe ka ndavu. E dirakoni lyo kuha a manta alyo kucibatana no rubona rwa lyo no buyendesi o bukuru. ³ Wumwi we mitwi ye cibatana kau bonahara o kuremana hawa, kono eyo ndema enene niya hozwa. mi e fasi lyonshe nilya komokwa no kucilira e cibatana. ⁴ A bantu niba tongamina e dirakoni kakuli ni lya ha o buyendesi ku cibatana, mi hape bo kutongamina ne cibatana no kubuza ye, ndini a fwana ne cibatana? Ndini awora o ku cirwisa? ⁵ E cibatana nica hewa a kanwa koku amba a mazywi o ku li kumusa no tushwahu no kutenda zo buyendesi bwakwe ke myezi ya makumi-o-ne ni yo bire. ⁶ Naa zyashama o kushwahura nyambe, no kuhubisa ezina lyakwe, ne cibaka oku a zyakite naba ba hara kuwiru. ⁷ Naa hewa a manta o rwisa aba bacenete nokuba wora. Hape naa hewa o buyendisi hawilu lya hangani mushobo, bantu, rulimi ne cicaba. ⁸ Bonshe aba ba zyakite mufasi ni bara tongamina e cibatana bonshe bashi mazina a a kaa ñoretwa mubuka yo buharo ye nguana eyi niya yayiwa kuzwa ha li bumbiwa e fasi. ⁹ Ozyu a kwesi o kutwi, mumu reke a shuwe. Ati kwina ozyu a botere o kumuniwa, naraya ku kumuniwa. ¹⁰ Ati kwina ozyu a botere oka yayiwa ko mukware, ko mukware na yayiwa. Eci ceco cisunda o kugoresa mu buomba no muzuminino ku lubazu lwaba bacenete. ¹¹ Paho ninda bona e cibatana cimwi ne ci zukuka mwi fasi. ka cina a manaka o bire shina nji nguana, kono kaci amba shina ndi dirakoni. ¹² Nica tenda zonshe zo muyendesero we cibatana ce ntanzi, ce ndema enene eyi ni ya hozwa. ¹² Haho ndoku vona chimwinya echibatana cizwa mwifasi. Kakwesi a manaka shina ndi nguana, mi nicha amba shina ndi diragoni. Natenda a manta wonshe ecivatana chapili havuso bwakwe, mi natenda efasi navo vahara mo ye va rapere ecivatana chapili - nozyo shichi tombo ye chihore. ¹³ Mi nica tenda e zisupo zinene zi komona, tara kutenda ye o muliro uzwa kuwiru kezya hanshi mu fasi, a bantu bonshe niba bwene. ¹⁴ Kebaka lya manta aa ni ca hewa o ku tenda e zisupo kutendera e cibatana ce ntanzi, nica homa aba ba zyakite mwi fasi. Co kuba raera o ku bumba e ciswaniso o kukutika e cibatana eci ni ca remekiwa ko mukware mi ni ca hara. ¹⁵ Ni ca hewa a manta o kuha o muzya ku ciswaniso co kubumba ce cibatana ce ntanzi, ye ciwore o kuamba no ku reta ye bonshe aba ba kana o kutongamina no ku rapera e ciswaniso co kubumba ba yayiwe. ¹⁶ Ni ca hambiliza hape hangani muntu, mucenya no munene, o zywa fumite no mukana, o zywa rukuruhite no zyu a munitwa, ye a tambure e swayo ha anja lyakwe lya malyo kapa ha cifateho cakwe. ¹⁷ Ko kuta ye kwaazya sha wora o kuwura kapa o kuwulisa mbwita nena e swayo, eli lili zina lye cibatana kapa e mparo ye zina lyakwe. ¹⁸ Eci ci shaka o kutalifa. Ati nkwena ozyu a vonesesa, a kopanye e mparo ye cibatana, kakuli nji mparoyo muntu. E mparo yakwe ndi 666.