¹ Mpaho ninda bona limwi engiroyi lina a manta neli surumuka hanshi kuzwa kuwiru. Kali zyabere mwi zyoba no mucirayanvura hawiru lyo mutwi walyo, e cifateho calyo shina ndi zyuba, mi a mawuru alyo shina misumo ya beyi mu muliro. ² Kali kwatilire e bukaana, eyi kayi kambi ha anja lyalyo, lyo kulyata e tende lyalyo lya malyo ha wate ni lye cimonsho ha fasi. ³ Mi nilya shumpura bu wongozambo ndavu a vopa. Aha sheli shumpura, a mazywi e milinga yo nvura yoli anja-ni-tobire ni a amba. ⁴ Mi aha sheyi amba e milinga yo nvura yoli anja-ni-tobire, shika ndi shaka o kuñora, kono ndoku shuwa ezywi lizwa kuwiru nelita ye: Are ke ziramateraezi za ambwa ku milingayo nvura ye anja-ni-yobire no kuñora washa zi ñoli. ⁵ Engiroyi ninda bona neli zyimene ha wate ni ha fasi paho nilya zyimika e anja lyalo lya malyo kusundika kuwiru. ⁶ Mi nilya konka kwakwe ozyu a hara okuya oku kakumani noku kakumani, ozyu nara bumbwa a mawiru ne zi zina mwawo zonshe, ne fasi ne zi zina mwalyo zonshe ne wate ne zi zina mo zonshe, no kuta ye: Kali shake ku be no kuzinazina. ⁷ Kono mu mazyuba engiroyi lyo bu anja-ni-tobire shake ne li shibe e ntorombita yalyo, e nkunutu za Nyambe ne zira bumbilizwa, bulyaho na sumwina a bakana bakwe a baporofita. ⁸ Ezywi eli ninda shuwa neli zwa kuwiru mpaho nilya amba kwangu lyokuta ye: Yende ka hinde e buka yi vukukite yina muanja lye ngiroyi eli li zyimene ha wate na ha fasi. ⁹ Paho ninda ya ku ngiroyi no kali kumbira ye li ndihe e bukaana. Lyo ku ndita ye: Oyi hinde, mi oyi lye, mboyi ku nyone muvumo, mu kanwa kako omo mboyi lyohe shina mbuci. ¹⁰ Ninda hinda e bukaana muanja lye ngiroyi no ku yilya. Niya shuwahara o kulyoha shina mbuci mu kanwa kangu, kono aha shendi man'o ku yi lya, muvumo lyangu mo kunyona. ¹¹ Paho sheli ndi sumwina ye: O botere o kuporofita hape ke baka lya bantu a bangi, macaba, e ndimi na bamfumu.