¹ Mukwame kakwiwa Ananiyasi,ne muketu wakwe Safira, bokuwulisa ecibaka cabo, ² akulibikira amwi amali kwayo nawulisa(muketu wa kwe neye kazyi eyo ntaba neye), akuhinda mali neasiara no ku atwara hamatende ama Apositola. ³ Pitorosi akutaye, ''Ananiyasi, chinji ho Satani nabumbi mozyo wako nokutaye ombuzike ku Ruho Rucena mi wakubika cimwi ce teko ye cibaka? ⁴ Aho kacishini kuwuliswa,kali kacili cako? Aho cimana kuwuliswa,kali kacina mukamaiso yako? Mbuti ho no azyara zo zitu mu mozyo wako? Kono homi bantu,Kono ndi Nyambe.'' ⁵ Aho ashuwa ayo mazwyi, Ananiyasi akugwira hashi nokuhuzya rwa mamanikizo. Entiya nene yakuba kwabo nebashuwa ezo neza pangahara. ⁶ Banizana bokezya habuso noku muwuunga, Bakumuhinda nokamuzika. ⁷ Mumashara enako zotatwe,muketu wa kwe akezya mukati, kali kazyi co necatendahara. ⁸ Pitorosi akuwamba kwakwe, ''ondisumwine haiba nemwa wulisa endao yenu kokuhangama. ''Akuta ye, ''ee, kokuhangama.'' ⁹ Pitorosi akumuta ye,''Mbuti ho muwora ku zumizana nokutaye mulike Ruho rwa Nyambe? Tonde, matende abo bana kaziki mukwame wako ena hacizyi,mbobake baku hinde newe kukutwara hanje. ¹⁰ ''Akugwira hama wuuru akwe, akuhuzya rwamamanikizo, abanizana bokukabira bokumuwana afwite; bakumuhinda nokamuzika hambali yamukwame wakwe. ¹¹ Entiya ya ku gwira e kereke yoshe,nekwabo neba shuwa ezo neza tendahara. ¹² E zisupo zingi nezikomona kazina zitendahara kubantu ka maanja amapositora. Boshe kabashangene mumalisharo a Solomoni. ¹³ Kwazya abo kaba wora kushangana nabo; kabana ba tembwa hawa kubantu bangi. ¹⁴ Bazumina bangi kabena ba yekeza ku Nfumu, cinalyanga ca bakwama nebakentu, ¹⁵ Kaba hinda abo barwara nokubatwara muma njira nokuba ralika batumbeta hakaza,ye Pitorosi shaka akezye,omuzure wakwe mwendi uwora kugwira habo. ¹⁶ Kwakezya e cinalyanga mumizi minene eyo izimburuka Jerusalema, kureta abo kabarwara nabo kaba katazwa kumoya mumbi,boshe neba hozwa. ¹⁷ Bapurisita bakuru bokunanuka, nabo kabakere nabo(cikwata caba Sanduki);kabazywire omuna ¹⁸ bakubika maanja ha apositira,nokubabika mutorongo ye cicaba. ¹⁹ Munako ya masiku engiloi lyo Nfumu lyo kezya kuyarura cizyi ce torongo nokuba hitisa hanje,lya kuta, ²⁰ '' Muyende, mutempere mukawambe kubantu kuamana nobunu buharo. ²¹ ''Aho bashuwa bulyaho, bakuyenda mutempere nako ya masikusiku no ka ruta. Bapurisita bakuru bokezya, nabo kabena nabo, bokukuwa kuta, bakuru boshe babantu ba Isiraere, nokubatumina kukuta ye ama apositola baretwe. ²² Amapolisa abo nebatumwa kali nebaka bawana mutorongo, bakazoka nokukezya kuha ñusa, ²³ ''Twakawani e torongo iyalitwe ibabarerwe nenja mi neba libereli bazyimene ha cizyi, aho tuyarura cizyi,kwaazya ozyo twakawani mukati,'' ²⁴ Aho cware abayendesi betempere ne bakuru bama Purisita aho bashuwa ayo mazywi, neba ziyereha nokubiraera ye cinji catendahali. ²⁵ Zyumwi akezya nokuba sumwina ezo za tenda hali kwabo, ''Bantu abo nemwa bika mutorongo bazyimene mutempere bena baruta bantu.'' ²⁶ Abakuru bokuyenda ne ma polisa ,nokaba booza nokwaazya bukaabu,kakuli kabatiya ye batu mboba bapwacaure. ²⁷ Aho bakabahinda, bakezya kuba kalika habuso bwe kuta. Mukuru waba purisita akuba buzaura, bo kuwamba, ²⁸ ''Netwamikanisa ye mureke kuruta mwelyi zina, kaho,Hanu mwa zyuzi Jerusalema ne tuto zenu, nokushaka ye maroha aba bantu ye abe hawiru lyetu.'' ²⁹ Kono Pitorosi neba Apositola bo kuba taba, ''Tuswanera kukutika Nyambe kali bantu, ³⁰ Nyambe wabe shwetu nabusa Jesu,ozyo nemwayaya ko ku mu hanjika ha cikuni, ³¹ Nyambe akumu hanjika kuyanja lye cilyo nokumubika kuba Nabi no muhazi, kuha kubaka kwa Isiraere,noku kwatira zivi. ³² Tuli paki wezo zintu, no Moya u Cenete bulyaho,owo Nyambe naha kwabo bamu kutika.'' ³³ Amanduna ho bashuwa zo,bokunyeerwa nokushaka ku yaya ba apositola, ³⁴ Omufalisi we zina lya Gamliele, o muruti wo murao, ozyo kakutikiwa kubantu boshe, akuzyimana nokukuraera ba apositora kutwaliwa hanje kacenya. ³⁵ Akuwamba kwabo,'' Bakwame ba Isiraere, muteeze hawa ezo mushaka kuntenda aba bantu. ³⁶ Imwi nya nako.Teundasi nazyimana nokuta nokuba zyumwinya, eparo yaba kwame,ba makumi ama kumi o ne, bokushangana neye nokumucilira,Nayaiwa,Boshe bo kaba zumina kwa kwe nebahasanywa, ³⁷ Aho kuzwa ozo mukwame, Juda wa Galileya akukeza mumazyuba oku bara bantu akezya kukokera bantu bamwi kwa kwe.neye nafwa,abo kaba zumina kwakwe neba hasanywa. ³⁸ Hanu ndimita ye, muzwe kwa ba ba kwame mubasiye boke, ezi tukiso kapa haiba owu musebezi ngwa bantu. nouna shoiwa. ³⁹ Kono haiba za Nyambe, kali nemuwore kuba zyimika, Nemuna wana ye semurwisa Nyambe,akuba susuweza. ⁴⁰ Ba kukuwa ba Apositola bokezya kuba ndama nokuba kanisa kuwamba muzina lya Jesu, bokuba siya neba kaya. ⁴¹ Bokusiya e kuta neba mboterwe ye bana shwauliwa kebaka lye zina lya Nyambe. ⁴² kabulyaho zyuba ne zyuba, mutepere ne njuo ne njuo, bokuzwira ha buso ku ruta ye Jesu ndi Kiresite.