¹ Zyuba lye Pentakota aho lihura,lyabawa nebashangene boshe hacibaka conke, ² Kwakwezya Ruho runene kuzwa ku wiru rushuwa hara kutiiza, rwakukezya kuzyura njuo mo kabakere, ³ Kwakubonahara mbwe mulilo owo ukezya kukara hazyumwi no zyumwi, ⁴ Boshe bokuzyura Ruho Rucenete bokutatika kuwamba e ndimi zabamwi,ezo nebahewa kuwamba ko Ruho. ⁵ Kakwina ama Junda abo kabahara mwa Jerusalema,bantu ba Nyambe,okuzya mucishi mwishi ye wiru, ⁶ Aho kushuwa hara owo muhuwo,ecina lyanga cokukezya hatuhoke bokezya kulyangana aho bakezya kubashuwa zyumwi no zyumwi ha wamba endimwi yakwe. ⁷ Kabatabite no kunyakalala;bo kutaye''Zacaha,kali mbabo aba kabawamba eci Galileya? ⁸ Mbuti ho she tubashuwa, mundime zetu omo netwa reterwa? ⁹ Mapata ne ma Mede nema Elemente nena, nabo bahara mwa Mesopoteniya, mwa Judeya nemwa KApodosiya,ne mwa Pota ne ¹⁰ Asiya, nimwa Firigiya ne Pafiliya, nimwa Egepita nema neku amwi a Libiya kuamana ne Sirene, nebebera kuzwa kwa Roma, ¹¹ ma Juda ne Maporolite, Kiretasi ne Arabbu, tubashuwa neba wamba mundimi zetu kemitendo mirotu ya Nyambe.'' ¹² Boshe neba komokwa nokuli buza; bokulisumwina zyumwi ku zyumwi.' zinji zitoroka, Bamwinya bokuba shwaura no kubataye,'' ¹³ Bananywi e waine nja.'' ¹⁴ Pitorosi akuzyimana nebe kumi kayeke,akuhuwa, akuwamba kwa bo,'' Bakwame ba Judea nenwe mweshe mukara mwa Jerusalema,Musiye zinu zizyibwe kwenu, Muteyeze kuzywi lyangu, ¹⁵ Aba bantu baazya kunda kwite bulyaho muazyara, hanu isili masikusiku nako yo butatu. ¹⁶ Zinu zezo kaziwambwa ko Muporofita Juere, ¹⁷ Nezina bako munako zamamanikizo,'' Nyambe ndeye ayamba. Nendinatira oruho rwangu kubantu boshe,Banenu be ci kwame ne ba kazana nebara porofita,bakwameana nebana bona e pono, Aba karamba nebana rota e toro. ¹⁸ Kubakana bangu neba kana bangu baba Kentu mwayo mazyuba nendina tira Omuzya wa ngu ucena, nebana porofita, ¹⁹ Nendina sunda ezo zikomona muwiru nezisupu mufasi, Amaroha, Omulilo, kabundu ko busi, ²⁰ Ezyuba nelina zoka kasikwe, omwezi kuzoka maroha, Ntazi ezo zikomona nezinaba ko ezyuba lyo Nfumu nelishini kuhura. ²¹ Boshe bo bakuwa ezina lyo Nfumu nebana hazwa.' ²² Bakwame ba Isiraele, Mushuwe anu amazwyi, Jesu wa Nazareta ozyo nemwa sundwa kwa Nyambe ke ntendo ze nxgamu, kezo zikomona ezo Nyambe natenda kakwe mukati kenu, sina ho muzyi nenwe- ²³ ketukiso ezo nezatendwa nengazyaro yo Nfumu,Natambikwa, Nenwe,mumayanja abantu bambi,kumumpampamina nokumu yaiwa; ²⁴ Nyambe namubusa kubafu, Akuzwisa kukubaza, nefu kabulyaho kwaazya buti kaworwa kushiminwa, ²⁵ Davida awamba zakwe,' Ndibonanga Nfumu nako yoshe habuso bwangu, kuyanja lyangu lya malyo ye ne ndisiye kuzwiswa, ²⁶ Kabulyaho omozyo wangu kawutabite orulimi rwangu karu boterwa. Kabulyaho omubili wangu nouna hara musepo. ²⁷ Kali no siyilire omuzya wangu mucibaka cabafu, Kali nosiye bako Bacenete kubona ku bora. ²⁸ nondisunda enjira zo buharo; Nonondizyuza e mboterwa izwa mubuso bwako,' ²⁹ Bakwarwangu mbondimisumwine kokurukuruha zo mupatirika Davida: neye nafwa na zikiwa, e vita lyakwe lina neswe neshunu, ³⁰ Ka kuli kali muporofita hape kazyi ye Nyambe na musepisa kokukoka kwakwe, ye nana tenda musero wo mubili wakwe hacipura cobu nfumu. ³¹ Nabonazo akuwamba kuamana no kubuka kwa Keresite, Mane nakaniwa kuya ku ba Fu,omubili wakwe kali noubone kubora.' ³² Ozyu Jesu-Nyambe namubusa, Kobulyaho twese tuli paki. ³³ Kabulyaho nabikwa kuyanja lya Nyambe lya malyo, Nahinda Ruho Rucenete kwa Nyambe oro karu sepisitwe. Akuu rutira owomubona nokushuwa. ³⁴ Davida kali na ya kwiwiru, ndeye nataye, Nfumu nata kwa Nfumwangu; ''Kare kulyo bulyo lyangu, ³⁵ Nendina tenda ezira zako amalyatiro amatende ako.''' ³⁶ Kabulyaho; Boshe be Njuo ya Isiraere bazyibe ye Nyambe nabikwa ye ndu Nfumu hape ndi Keresite. Ozyo Jesu nemwa mpampamina.'' ³⁷ Aho bashuwa zo, neba kubaziwa mumyozo yabo, bakuwamba kwa Pitorosi nokuma porofita boshe,'' Bakwangu mbuti shaka tutende?'' ³⁸ Pitorosi akuwamba kwa bo,'' Mubake nokukorobezwa, eyeshe wenu. Muzina lya Jesu Keresite kukwatirwa kwe zivi zenu. Nemuna wana e Mpo yo Ruho rucenete. ³⁹ Kwenu ndi sepiso kwenu nokuba nenu nokubena kure, nokuna ba ne Bantu bangi abo Nfumu Nyabe nakuwe.'' ⁴⁰ Kamazwyi amwi napaka nokuba goresa, akuti,'' Mulihaze korunu rusika rufosahere,'' ⁴¹ Bo ku amuhera e zwyi bo kukorobezwa. neba ekerezwa bantu bamakumi ama kumi otatwe emyiuzwa, ⁴² Bokuzwira ha mututo zo bo Apositola mukuruta nomukushangana, nomuku ñwata ekoko nomu Tapero. ⁴³ Etiya yoku gwira myiuzya, emakazo zingi nezo zikomona nebazitenda ba Apositora, ⁴⁴ Abo naba zumina kaba kere hatuhoke nokuba nengazyaro yoke ⁴⁵ Nebawulisa ezo kakwesi noku tahira abo baazya mukati kabo,kokuya omo kashakire. ⁴⁶ Ensiku nensiku kabazwira habuso kutenda cintu conke Mutempere, kaba camuna ekoko zyumwi kuzyumwi neba boterwe mumyiozyo yabo, ⁴⁷ Kaba teemba o Nfumu mi kaba tabisa bantu, Nyambe kabaekereza zyuba ne zyuba abo kaba hazwa.