¹ Cware shikaili enako yo Murena Haroda yo ku shandisa bamwinya munkereke. ² Nayaya Jakobo mukurwe wa Johani no mukware. ³ Aha shabona kutiye ni za tabisa Majuda, aku zwira habuso no ku shumina Pitorosi neye. Kaili nako yenkoko yazya omumeno. ⁴ Kuzwaho bamana kumukwata aku mubika mutorongo, noku muha zikwata zone za masole ye zimu mamere; kabotere kumuboza habuso bwa ba bantu aha imana Empaseka. ⁵ Pitorosi kabikitwe mutorongo, mirapero kaizwira habuso kwa Nyambe kwaba kaba munkereke. ⁶ Ezyuba elyo kashaka kumuzwisa Heroda, ao masiku Pitorosi karere ha kati ka masole bo bire, Kashuminitwe chaini zo bire; abalibeleli kabena habuso bwichizyi kabenaho ba mamera tolongo. ⁷ Mubone, engiloi lya Nyambe ni lya libonahaza kwakwe, Entubo lyo kubonahara mutorongo. Lyokukumuna Pitorosi hambari no kumubusa, lyo kutiye," Buke wangu." Encheyini yo kuwa kumaanja akwe. ⁸ Engiloi lyo ku musumwina yee," Ozwate no kubika shangu zako." Pitorosi aku tenda bulyaho. Engiloi lyo kumusumwina yee, "Ozwate chizyabaro undi chirire." ⁹ Pitorosi aku chilira engiloi noku zwira hanje. Kali kazyi kuteye eci kalitenda Engiloi ze niti. Kahupure kabwene pono. ¹⁰ Aho shebahita ha mulibereli we tazi niwa bili, bokezya kuhura ha chizyi ce nsipi eci ciya mu munzi, co kuba arukira ecocini. Nibayenda hanje no kuyenda munjira, engiloi lyo kuba reka haho bulyo. ¹¹ Peter aha a borerwa enzunu," Nji niti shinda shuwisisi kutaye o Nfumu natuma engiloi lyakwe kundi zwisa mwianja lya Heroda, nikwezo kaba azyara nbatu ba Majunda." ¹² Aha sha remuhezi, Akuya kunjuo ya Maria nyina wa Johani we zina ya Mareka, a barumeli bangi paho kaba shangene ni ba rapera. ¹³ Aha shaka ngongota hachiyazo ce chizyi , omwika a kuwiwa ke zina lya Roda ekezya kutaba. ¹⁴ Aha sha shuwa a ezywi lya Pitorosi, kebaka lye ntabo kali na arura chizyi akuboora bu butuka kunjuo, akuka sumwina batu yee Pitorosi mpwena hanje. ¹⁵ Bokumuta kute," O pukite."Kono akuzwira habuso kuba sumwina ye mbo bulyaho. Boku musumwina, ''nji ngiloi lyakwe.'' ¹⁶ Pitorosi akuzwira habuso na ngongota, aha sheba arura chizyi , bo kuwana ndeye mi boku komokwa. ¹⁷ Pitorosi akuba tontoza ne anja, mi akuba sumwina buti na muzwisa mutorongo Nyambe. Akubataye, "batorokere Jakobo na ba kwakwe ezi zintu." Akubareka no ya kucibaka cimwinya. ¹⁸ Aha shekuba kamwi, kakwina entabo mukati kabo, kuamana nezi niza pangahara kwa Pitorosi. ¹⁹ Kuzwaho Heroda namushaka -shaka mi kali namu wana, aku buza balibereli mi aku raere bayayiwe. Pitorosi aku zwa mwa Judeya no kuya kwa Sesarea no kakara ko. ²⁰ Heroda ka bengere bantu ba kwa Tire ne Sidoni. Niba kezya kwakwe boshe. Niba hindikira Blasto o mwika ye aba tuse. Kaba kumbira e nkozo, Kakuli e naha ya bo kayi wana zilyo kunaha yo nfumu. ²¹ Mwizyuba elyo litometwe Heroda nazwata zizyabaro zakwe zo nfumu no kukara mucipula cakwe no kuamba kwabo. ²² Bantu boku shupura, "Ndi zywi lya Nyambe kari lyo mutu!" ²³ Haho bulyo engiloi lyo Nfumu lyo kumu ndama, kakuli kali na lumbeka Nyambe, na liwa mashene no kufwa. ²⁴ Kono ezywi lya Nyambe lyo ku ekezeha no ku hasana. ²⁵ Kuzwaho Banabasi ne Paulusi shiba mana mutendo mwa Jerusalema, niba boora kuzwa ko; no kuhinda Johani, we zina lya Mareka.