¹ Kakwina mukwame zyumwi mumuzi wa Kaisarea, Koniliyusi ke zina, mulauli we mpi ikwiwa Itali. ² Kali mukwame we tapero, yeke zyo karapera Nyambe nebe njuo yakwe; kaha hawa mali kubantu be ci Juda mikarapera kwa Nyambe. ³ Kenako yo butatu kamwi, akubona kokucena mupono engiloi lya Nyambe neli kezya kwa kwe. Engiloi lyo kuwamba kwa kwe, '' Koniliyusi!'' ⁴ Koniliyusi aku tonderera engiloi nkentiya hawa akuta, '' Chinji, mukwame? ''Engiloi lyo kuwamba kwakwe, ''Etapero zako ne mpo zaka kwabo bashandite neza kahulra kwa Nyambe mi se za nahanwa. ⁵ Otumine ba kwame kumuzi wa Njopa bakarete mukwame akwiwa Simone ozyo akwiwa Petorosi. ⁶ Akara ne Simone wo musuki,ozyo njuo yakwe ina kwimbali ye wate.'' ⁷ Engiroi lyo kaliyamba neye aho li musiya,Koniliyusi akukuwa bo bire babeka be njuo yakwe, ne sore elyo kali rapera nga Nyambe mukati kama sore abo kaba mukutika nabo. ⁸ Koniliyusi akubasumwina ezo zatenda hali nokuba tuma kwa Joppa. ⁹ Zyuba licilila ke nako ye ya yanja ni koke, aho kabena murwendo rwabo sekabena ha fwihi nomuzi munene, Pitorosi akuya hawiru lye njuo kuku rapera. ¹⁰ Akufwa njara akushaka co kulya, aho ka ba tenda zo kulya, akuhewa e pono, ¹¹ akubona e wiru liyaruka akubona e chibya cisurumuka, cifwana bwendi sira nene likezya hashi lye fasi, lyo kezya kukara nema kona alyo o ne. ¹² Mwateni kamwina zipau zama tende o ne nezo ziyenda nema vumo hashi, nezizyuni ze wiru. ¹³ Ezywi lyo kuwamba kwakwe: '' zywimane, Zyimane, Pitorosi, yaye no ku olya." ¹⁴ Pitorosi akuta ye, ''Kali mbobulyaho, Nfumu; kali ndalya ezyo zaazya kucena ezo zizwire masira.'' ¹⁵ Ezywi lya kezya kwa kwe lya bili: ''Echo na cenesa Nyambe, waha zikuwi masira.'' ¹⁶ Ezi neza ntenda hara kotatwe; wangu wangu haho ecibya ca kubozwa mwiwiru. ¹⁷ Haho Pitorosi ka silyangene kuamana ne pono yakwe ye cinji itoroka, bakwame abo nebakatumwa kwa Koniliyusi bokezwa kuzyimana ha cizyi, ahobamana kukumbira enjira kuya kunjuo. ¹⁸ Bokukuwa nokubuza ye hahaiba Simon, ozyo a kwiwa Pitorosi, kakara ho. ¹⁹ Aho Pitorosi kashina aazyara kuamana netoro yakwe, Oruho rwa kuwamba kwakwe, ''tonde, bakwame bo tatwe bena ho ba kushaka. ²⁰ Zyimane yende hashi okayende nabo. Wahakani yende nabo, ndime nda batumi.'' ²¹ Kabulyaho Pitorosi akuyenda hashi kubakwame akubata, ''Ndime zyunu mushaka. Chinji ho mwa kezyi?'' ²² Bokuta ye, '' O muyendesi we zina lya Koniliyusi, omukwame acenete ozyo arapera Nyambe, ayawambwa kubantu boshe be mishobo ye chi Juda, nasumuniwa ku ñeroi lyi cenete lya Nyambe ye notuminwe noyende ku njuwo yakwe, ye a nkateeze kuzywi kwako,'' ²³ Kabulyaho Petorosi akubamema ye bakavire mukati neye bakakare neye. Amasikusiku acilira aku buka no kuyenda nabo, bamwinya bakwakwe kuzya mwa Jopa neba musindikize. ²⁴ Ezyuba licilira bokezya kwa kaisereya. Koniliyusi kabalindire; nakuwa bakwakwe nebalikani bakwe bena hafwihi. ²⁵ Yakuba ye Pitorosi akukavira, Koniliyusi akumu chingamina nokukawa ha mawuru akwe noku rapera. ²⁶ Pitorosi akumutusa kumuzyimika ,nataye, '' zyimane! Neme ndilyi muntu.'' ²⁷ Aho Pitorosi kawamba neye, akukabira nokawana bantu bangi neba shangene. ²⁸ Akuwamba kwabo, ''Enwe Mubeni muzyi ye kali murao ye omu Juda alisherekere nokupotera minzi imwi. Nyambe na ndisunda ye kandiswaneli kukuwa muntu zyumwi ye aazya kucenete. ²⁹ Paho ndakezyi nekwaazya nkani, aho nda tuminwa. Hanu ndimibuza ye cinji ho mwa nditumini.'' ³⁰ Koniliyusi akuwamba, ''Mazyuba o ne mweinu nako, Kandina ndirapera munako yo butatu munjuo yangu; nda kubona, mukwame azyimene habuso bwangu mu zizwato zibenya. ³¹ Akutiye, ' Koniliyusi, e tapero zako nezashuwahara kwa Nyambe,netuso zako kwabo ba seheka neza nahanisa Nyambe kuamana newe. ³² Kaho otume zyumwi kwa Jopa, okakuwe mukwamewezina lya Simone akwiwa Pitorosi. Akara munjuo yo musuhi we cikavi ozyo akwiwa Simone kumbali ye wate.' ^{33 34} Kaho Pitorosi akumamuna kanwa akuwamba, ''Keniti, ndimisukurwira ye Nyambe kasharuli ye asiye zwumwi' hambali. ³⁵ Kabulyho, mukati kemishobo yeshe a rapera nokuntenda ezo zichenete ba amuherwa kwa kwe. ³⁶ Muzyi eñusa elyo na tumina kubantu ba Isiraere, aho aha e ñusa erotu kuamana ka Jesu Kiresite, ozyo ali Nfumu wentu tweshe- ³⁷ enwe mubeni muzyi echo necha ntenda hara, ezo neza bona hara mwa Judeya moshe, kutatikira mwa Galireya, murushara rwe korobezo Johani aho amana kuha embuzi; ³⁸ ke mitendo kuamana ne Jesu wa Nazareta, omo Nyambe namu singira o Ruho Rucenete ne nxgamu. Kakabutenda zirotu nokuhoza barwara nokuhoza abo kabakakatizwe kwa satani, ka Nyambe kena neye. ³⁹ Tulipaki wezi zintu zoshe ezo neza tendwa koshe mukati ke naha ya ma Juda nimwa Jerusalema-ozyo Jesu naba yaya, bokumu hanjika ha cikuni. ⁴⁰ Ozyo mukwame Nyambe namubusa muzyuba lyo butatu nokumu kuzyibahara, ⁴¹ kali kubantu boshe, kono kupaki ezo nezaketwa kwa Nyambe kentazi- eswe beni, eswe netwa lya no kunywa neye aho abuka ku ba fu. ⁴² Natu raera ku kutaza kubantu nokupaka ndeye na ketiwa kwa Nyambe kuba Muatuli wabo bahara nabo bafwite. ⁴³ Kwakwe boshe maporofita baha bupaki, yeboshe bazumina kwakwe nebawane kukwatirwa kucibi muzina lyakwe.'' ⁴⁴ Aho Pitorosi kashina awamba ezo zintu, o Ruho Rucenete rwa kugwira kuboshe abo kabateezete elyo ñusa. ⁴⁵ A bantu kabagwira mucikwata cabo bena mupato-boshe bo neba kezya ne Pitorosi-neba komokwa, kakutiye e mpo yo Ruho Rucenete nerwa tikira noku bashi Mashi. ⁴⁶ bokushuwa bashi Mashi nebaamba mundimi zabo neba temba Nyambe. Pitorosi akutaba, ⁴⁷ ''Kwena zyo awora kukanisa menji ye basha korobezwa, aba bantu bana hewa Ruho Rucenete neswe?'' ⁴⁸ cware tubaraera kukorobezwa muzina lya Jesu Kiresite. Bokumukumbira kukara nkesiku zingi nabo.