¹ Pol aposol nig Yesu Kristo, totur namurien nig Atua go napal kit timoty. ² Pak nafet namer tap nig Atlakikit go napal kit nig Kolosae nen ru sralesok Yesu kristo. Nanromien sautog go intmat nig Atua, temakit ke tok skot mus. ³ Tu psawi ki Atua, temen, go Yesu Kristo. nlaken au tok negamus lot serinrak. ⁴ Komam au nrog nasralesokon kerkrai negamus pak Yesu Kristo go nanromien top nag u tok tu nafet namer tap nig atlakikit. ⁵ Akam upi atlak nanromien nen nlaken u seltae tenmatun nen ru negamus fro kin patu elagsau. Tenmatun ui nen akam uipe nrog natilmroian knen, nanrogon ui nig Yesu Kristo, ⁶ nen ki pe mai pak mus. Nanrogon ui nen ki piatlak nuan go ki tau ftom pausrek ki emeromen. Nanrogon ui wan ki pe pes mai tok farfar ki namolien negag pes naliati wan ku mai nrogo go mro tae natilmorian nig nanromien nig atlakikit. ⁷ Nanrogon wi nig Yesu Kristo nen akam u slati ki Epafras sralesok go nega kit nig Yesu Kristo weswes ki. ⁸ Epafras ki pe nrik sei mam ki teflan utok nrom naten tap. ⁹ Mam me kuipe tok negamus preg nalotwen sermal, nlaken kin unrog nanromien negamus toklos naten. u tok negamus lot nag ko fer ki intaewen nig natrokwen nig Atlakikit skot nametmatuan go namrotaian nig naten. ¹⁰ Teplan go ko fo fekfek ki namolien nen Atlakikit i semsem wes ser natokwen, totur nua nafet nawesien wi, go pa fur ki intaewen nig Atua. ¹¹ Nakerkraian nig Atua ipi tegamus taus namroan kerkrai nig Atlakikit, raki nen kofo piatlak namroan kerkrai, go namroan pram, go skot nasemsemwen. ¹² Psawi ki Atlakikit nlaken ga kin ipregi tuk fo piatlak nawian nig elagsau skot namer tap nig Yesu Kristo. ¹³ Nega ki pe slat lu kit ki naworan nig nmalko, go i mer slat kit mai pak naranre nig naworan nig tesa nanromien nega. ¹⁴ Totur wes kin tu mai piatlak nafakoton turnig nanratwen nig takpar negakit. ¹⁵ nega kin ipi naan Atua nen tu kano leka, taos taklep nig ser sernale nen Atua i kaimes kin. ¹⁶ Totur wes kin sersernale ru pakor, sernale nen rutok elangsau go emermen nen, sernale nen tu tae leker go sernale nen tu kano laker. ¹⁷ nega ki pe pei tok, go nega kin i puet kruk ki sernalelap. ¹⁸ Eklesia kin rupi nasumtap ko namol Yesu Kristo, nen nega kin ipi npaun. nega kin ipi nakpei nig telap, taklep nig ser tenen rukoi mat su. go nega kin i piatlak namle pei ki telap. ¹⁹ Atua i semsem selwan ser namolien nega ruk mai pi tenig Yesu Kristo . ²⁰ Reki nen ser sernale ruktae ler mai pi tenig Atua elag gkas peltakot. Atua ki slat ler ki telap nig elagsau go emermen nen rumai pi tenega. ²¹ Mal iskei ku tu emae ki go mpaun i kerkrai skot sup nig nmalko. ²² Me nega ki pe ler slatik totur nmaten nega. i weswes ki sup teflan reki nen oafo mai pi tesa tap, go tik ki tapar, me ku mai leg pe leg prkati. ²³ Ifuel kufla tau sralesok go fafat kerkrai go lao soksok skot namolien wi nig Yesu Kristo teflan ki kuipe nrogo. Tenen Yesu Kristo wi wan ki pe pi natilseiwen pak ser natamol nen ru kaimes kir tok etan emermen nen nanrogon wi nen kin kinew Pol a mai pi teweswes. ²⁴ a semsem nanrogfaswen nignew nlaken akam go a fkafur namolik ki nanrogfaswen nen Yesu Kristo i totur wes, nlaken namol Yesu nen negar kin rupi Eklesia ko nasumtap. ²⁵ Me nlaken namer tap nig Yesu Kristo nen kin kinew a mai pi tweswes taus te namtaluan nen Atua i tau kin kat akam reki nen tuk papnot nafsan tap nega. ²⁶ Tenen ipi tenmatun nen ipi te namutien tuei me tuei mal inom, me malfanen imai pi nafeifeien pak nafet natamol tap nig Atua. ²⁷ Ipi negar kin Atua i murin fekfek ki nafisoklepwen nig tenamutien nen itok skot nafet tsentael nen kin ipi Yesu Kristo. ²⁸ Tuk tilsei Yesu Kristo , ter go plaksok ser natamol skot nametmatuan, reki nen rutae mai motu wi emrom nig Yesu Kristo. ²⁹ Tenen kin atok weswes kerkrai ki nakerkraian nen atok weswes skoti.