¹ Gais, kinew taos elder nig nafsan tap , anromik itop . ² te nanromien ato gag preg nalotuen nen napu gag kewi ,go pa ur selawi napu gag ,nanrog teawian keskot natam . ³ A semsem selwan paluk rumai tilsei nafsan natilmorian ,tli nag ag me lao kerkerai tu nfafatwen gag. ⁴ Akano semsem top ,me selwan nanrogon imai nag tesa ruto preg nawesien wi asemsem top wes . ⁵ Te nanromien pa freg nrog nfafatwen gag sernaor nan kupan preg nawesien toklos palum go nasap. ⁶ rukoipe til nafsan wi nrik mus kin esum tap ,go selwan rukoitok nagruk ler ,kofreg pota ki napu negar ,go Atua atlak nawesien kefo psawi kimus. ⁷ Nlaken nagiwi go ru plake kai pan, nafsan potae itik nag ru tilsei nrik jentail kin. ⁸ Go tuk mtauwi ki tenen gar me rute preg nawesien ni mpakruk wen ni nafsan natilmorian nega. ⁹ Kaipe mtir nafsan tu te ponpon kin,me tenat,nen rutap mur ruk nrog mau,rumal to pelak sokit. ¹⁰ Go selwan ka net,kafo pios ptu kimal nafte nag ato pregi,go ruk lel napu nen rukfreg nafsan toklos kit.Nen tuktap semsem wes mau,go rutap semsem nag ruk sosok mau,go i tukor tenag ru mur ruk nrog nafsan wi kai preg rutmalu tuek ki sup tap. ¹¹ Ko tap taus nafte nag itakel mau,me ko traus sup nag iwi,tenat nag i siwer len kai folfol wi nega ipi teni Atua. ¹² Pa slat nafsan nag ruwi go ruleg ki teseralesok,go natilmorian.Kai tilsei nafsan wi nega go ag pa tae nag nafsan gakit ipi natilmorian. ¹³ Api atlak sernale lap nag ka mtiri nrikikin,atap murin nag ka mtir natus tumus kin mau. ¹⁴ Me atae nag ipi nen kefo merler lek mus,go tukfo psas naur keskei. ¹⁵ Tmat nigneu keskotik,aselam ru psawi kik,sawi ki aslel kit totur nagier.