¹ Kinew api telekor nig nasumtap. Amur kafatlas mus nmatu go tesa. Anrom mus ki natilmorian me itapi kinew mas mau, me tenen ru tae natilmorian. ² Nlaken kin natilmorian iskot kit natilmorian nen kefo skot kit tu mau tu. ³ Nanromien ngo nt'mat kefo skot kit totur Atua nen ipi apap go Yesu Kristo nen Atua, me ipi natilmorian go nanromien. ⁴ Kinew a semsem top nlaken alek tesa gamus rutok siwer skot natilmorian, teflan kin Atua i nrik kit kina tuk fregi. ⁵ Korek amer murin tli teflan, ata na ka mtir nafsan faum mao, me ana ka mer ler nafsan nen kai pe pei nrogo malpei nen iwi nag tuk tmokit nrom kit. ⁶ Ipi nanromien wan, tuk folfol kin teflan kin nafsan tap nega inrik kit kin. Imer tik ki napu potae. Nafet kin nafsan tap nega itli ipi napu wan gmas tu ures kia. ⁷ Nlaken kin telap ru mer pak sernaor nig emeromen, go ruta ta tilsei nag Yesu Kristo tetwei imai taos natamol mau, me ru til nafsirwen. ⁸ Pa tmom lekor, nag pata krak puel ki tenmatun wi nen ku weswes rakin mau. ⁹ Tenen kin it'mous nawesien nen itap taus Yesu Kristo mau, ru tap pi teni Atua mao, me tenen i taus ntafnawen nen ileg, ipi teni Atua go nanin Yesu Kristo. ¹⁰ Ifuel tete nat ke mai lemsik me ke tap taus nafsan nen ileg mau, pa tap nrogo mau go pa tap tao ke sil pak emrom nasum negag mao. ¹¹ Me ifuel kin ku tao isil mai pak emrom nasum negag, itaosi kin ku tao naten sa isil. ¹² Kinew api atlak nafsan lap nen ka makri net pak mus. Me atap mur nag ka makri ke fak natus ko namtirwen mau, me amur kat'mok net pak esum negag nen ka fes me tato t'mok lek kit nen kin nasemsemwen negakit kefo tae mai pak nametpagon. ¹³ Tesa nig korem nen kai pe mtaluer me ru po murin patlasik.