¹ V 1 Yamesenogkum ra neteme eni Novu dumtiyau umagku utndowi aremai kimi sogku dumorrogkum ogidomelsep. ² Yamogku ogi noramel im nomolsep neten im togisovli, unwi pogkum igi nelitogi. ³ Watksak mufinte kimi ra taru ves saitven ogi nenparata ra navyat. ⁴ Noklesiran sateivego im naviat haiten sogku dumurrogkum ra tevetwi saeteven ogi novrogkum. ⁵ Novsurmon saiteven tavniri haiteven paptisma haiteven. ⁶ Novu haiteven, itmenda ovoteme omwisu, mori horog iranda samesu omwisu. ⁷ Ko yemovogkos omwisu itmaspau sogku nelintogi eni Yesu Kristu. ⁸ Popowo iyi yemoku posogku iyi imah umelwo, yemtor ovoteme mori dumutoror, mumovonor ovoteme iemaspau. ⁹ Im sogku, yemsah unpouk popowo yumyep ra mompon nmap Novu pe wokon. ¹⁰ Iyi mori iyep iyi haiteven im iyi umesak unpokup umelwo ra pokup su uwar ogi same su ogi iyi. ¹¹ Iyi yetipe nongon ovoteme aposol, nongon provet worsuliveh nam im nongon tavsoig. ¹² Worompi armai indowi ovoteme armai wortrogat ra nam, ogi netiteveh nolesiran Kristu. ¹³ Mafeli nempigon kokimlante ogi tavniri, imnelkon ogi netni eni Novu, mumnalam. Hogku netetalam ogi horog, mumovwar gi horog ra Kristu. ¹⁴ Koletute momu hogku ovonyan, umentoror ovon nemetagi onwi su ogi nompi isenda ogi nempiri im ovon namlai armai koklanwi nam itnesog ra nelintogi. ¹⁵ Armai koklanwi nam itnesog im nelintogi, im mlenelam ra same su pogi, mori Kristu nompun. ¹⁶ Ogi iyi ovon se ra nimo umnepalogi umnompalogi saiteven ogi nehitu sai msai sogku ogi nompi isenda haitevenigo omwisu, umnompi worenwi nolesirant im orog msak ogi nelintogi unowant nisikont. ¹⁷ Popowo, yamagku yanwi momesuleves pugkum ra novsurmon utavan momu sogku lo pelak, ra nelevat unowanda. ¹⁸ Itiror nelevuat ogi nompi eniror umante ovon domo morogi same eni Novu popowo ogi ovon nomuai umat iranda popowo ogi nogkoko unowanda. ¹⁹ Popowo iror umnogkoko im ur wokon ogi nelahiven sat worompi nelilwo tamah ogi nayogi indowi. ²⁰ Ko dutavsogi ogi Kristu sogku imo. ²¹ Nogku kimurgi iyi im dumutavsogkum ogi iyi, sogku nam itnesog iran Yesu. ²² Ma kwauwi kimi nompi enogkimi utuvai mori netvaru unowam nogkogko, mori umnonpi ur wokon nelahiven nempri. ²³ Moimtorilki ra naviat umnompurak unowami. ²⁴ Momovogkum ogi neteme itvau unowami im setvivs im tompor. ²⁵ Imosu, utmo marogi namlai im kimisu wam tanpo dal rapume pelak, im kohhaiteven dal ravetme. ²⁶ Konakan ko utumol ra sat etutenempe nomukam ogi nakan enogkik. ²⁷ Otutenipe hai dan, enogkik movoginatamah. ²⁸ Iyi mori omnoprok, otwonomprok nempigon sai momu indowi, ko momu armai iyi ontrogat menompurakogi noven same armai, ante momu sei isen worovonor ovonoromkor. ²⁹ Amne marogi nogun sai namsat, ko imo nam mori onompi armai neteme, mompi nomolsep im armai nowanda umadgi. ³⁰ Im utwompi nesoru ra naviat tompor eni Novu ra iyi mori ontompolkum mafeli amkeyowar. ³¹ Uwi indowi kimi nakan omwisu im narakar omwisu im ievivat nalekoli omwisu im sevetnam omwisu im tavuntan omwisu im ovon narar omwisu. ³² Im utendowi ogi nelintogi pogkum im melukluk unowami utwompi nampon ra sat irami ko ufilintogkum sogu novu yefiyelitogkum ra Kristu.