1
Kamudien, babarapa urang Farisi dan ahli-ahli Taurat dai Yerusalem tiba kapada Yesus dan bakata,
2
“Mangapa murid-murid-Mu malanggar tradisi nenek moyang? Sabab, mareka idak mambasuh tangan katika makon roti!”
12 Kamudien, murid-murid Yesus tiba dan batanya kapada-nyeh, “Tahukah Engkau bahwa urang-urang Farisi tersinggung katika mandonge parnyataan ini?”
13 Namun, Yesus manjawab dan bakata, “Satiap tanamen nan idak ditanam oleh Bopak-Ku nan di saruga nak dicabut sampei ka ake-akenyeh. 14 Biaklah mareka. Mareka adalah panuntun-panuntun buta dai urang-urang buta. Dan, bila urang buta manuntun urang buta, kaduanyeh nak jatuh ka dalam lubang.”
15 Petrus bakata kapada-Nyeh, “Jelaskanlah parumpamaen otou kapada kami.”
16 Yesus bakata, “Apakah kamu masih bolum tontu juga? 17 Apakah kamu idak mangaeti bahwa sasuatu nan masuk ka dalam mulut nak turun ka porut dan dicampaen ka dalam jamban? 18 Topi, apa nan kalue dai mulut timbul dai hati, dan otouulah nan manajisen urang. 19 Kaena dai hati timbul pikien-pikien jahat, pambunuhen, pajinaen, dosa-dosa seksual, pacarien, kasaksien palsu dan penyombong. 20 Hal-hal ikoklah nan manajisen urang, topi makon tanpa mambasuh tangan idak manajisen urang.”
21 Kamudien, Yesus pogi dai sotou dan manyingke ka tompat Tirus dan Sidon. 22 Dan, saurang batina Kanaan nan barasal dai tompat otou tiba dan baseu. “Sayangilah Aku, Tuhan, Budak Daud! Budak batinaku kamasuen roh jahat sangat parah.”
23 Topi, Yesus idak manjawab parempuan otou, satu kata pun, Dan, murid-murid-Nyeh tiba dan mandesak-Nyeh, cakap mareka. “Suruhlah dia pogi kaena dia terus-menerus bahimbau di balakang kita.”
24 Lalu, Dia manjawab dan bakata. “Aku henye diutus kapada domba-domba nan hilang dai umat Israel.”
25 Kamudien, batina otou tiba dan sujud di hadapen Yesus, cakapnyeh, “Tuhan, tolonglah aku!”
26 Namun, Yesus manjawab dan bakata, “Idak baik mangambik roti milik anak-anak dan mancampaennyeh kapada anjing-aning.”
27 Batina otou manjawab, “Bone, Tuhan, topi aning-anjing otou makan remah-remah nan jatuh dai meja tuannyeh.”
28 Kamudien, Yesus bakata kapadanyeh, “Hai batina, imanmu bose! Tajadilah kapadamu sapaeti kamauenmu.” Pada saat otou juga, anak batinanyeh disembuhen.
29 Yesus pogi dai sotou, manyusuri topi danou Galilea. Dan, satelah mandaki ka atas bukit, Dia duduk di sotou.
30 Kamudien, karumunen bose urang tiba kapada-Nyeh, mambawak urang-urang nan lumpuh, cacat, buta, bisu, dan urang banyak lainnyeh. Lalu, mareka mambaringen urang-urang otou di kaki Yesus dan Dia manyembuhen mareka, 31 Sahingga urang banyak otou taheran-heran katika mareka mandang nan bisu bacakap, nan cacat disembuhen, nan lumpuh bajalan, dan nan buta mandang. Dan, mareka mamuliaen Allah Israel.
32 Lalu, Yesus manghimbau murid-murid-Nyeh dan bakata, “Aku babelas sayang tahadap urang-urang otou kaena mareka sudah basama-Ku salama tiga hai dan idak mamunyai mokonen. Dan, Aku idak mau manyuruh mareka pulang kalapaeen sapaya mareka idak pingsan dalam pajalanen.”
33 Kamudien, para murid bakata kapada-Nyeh, “Dai mana kita nak mandapaten roti nan banyak di tempat sepi ikok mangoyangen urang nan sangat banyak ikok.”
34 Yesus batanya kapada mareka, “Barapa banyak roti nan kamu punya?” Mareka manjawab, “Tujuh, dan babarapa ikan kocik.” 35 lalu, Yesus mamaentah urang banyak otou dudu di tanah. 36 Kamudien, Dia mangambik katujuh roti saeta ikan-ikan otou. Dan sambil mangucap basukur, Dia mangoping-ngopingnyeh, dan mambagiennyeh kapada murid-murid-Nyeh, dan murid-murid-Nyeh mambagiennyeh kapada urang banyak otou. 37 Mareka samua makan dan dikonyangen. Lalu, mareka mangambik potongan-potongan nan sisa, ada tujuh karanang ponuh. 38 Mareka nan makan ada empat ribu urang jantan, idak tamasuk batina dan budak-budak. 39 Satelah manyuruh urang banyak otou balik, Yesus masuk ka sampan dan pogi ka tompat Magadan.