Sula 5

1 Yesu eze awone idibunga niyo ahalawa aita ko lugulu eze ekale hasi wanampina wakwe niyo wambasa. 2 Niyo agubula umlomo wakwe akonga kuwahinya agamba,

3 Nawajimbikwe wachiwa wa chimuye kwaviya useuta wa kwembingu ni wawo.
4 Nawajimbikwe wata mbzai kwaviya nawahembelezwe.
5 Wajimbikwe wahoile kwaviya nawalisi isi.
6 Wajimbikwe wata nchilu ya uwagila kwaviya naweguswe.
7 Wajimbikwe wedi kwaviya awo nawapate wedi.
8 Wajimbikwe wata myuye yedi ilenguke kwaviya nawamuwone Chohile.
9 Wajimbikwe wevanyi kwaviya awo nawetangwe wana wa Chohile.
10 Wajimbikwe wadya wakusulumizwa kwachausa cha uwagila kwaviya useuta wa Chohile ni wawo.
11 Mjimbikwe nyuwe wantu nawawhulute na kuwasulumiza hegu kulong mbuli zilozize zihiye kuhusu nyuwe za lulimi kwachausa changu.
12 Mwelelwe na kubweda kwaviya ntunyo yenyu ni nkulu kulanga ko ulanga kwaviya vino nivyo wantu wawasulumize waoni na weyaho kabla ya nyuwe.

13 Nyuwe ni muyu we isi mna hegu munyu waza umwilw wakwe naitende zeze kudamanyika munyu vituhu naho? Hata kujeza haikudahika kutenda ntana naho, kwachintu chituhu chochose naho imna wadula kuse na kujantwa ni viga ya wantu. 14 Nyuwe ni ulangazi we isi mzi uzengigwe mlanga mo lugulu haukufisika. 15 Naho wantu hawawashize taa niyo waika hasi mwe ntangulu mna waika mwe chiya cha kwikiya taa nayo yawamulika wose we mwe nyumba. 16 Leka ulangazi wenyu ulangaze mwa wantu kwaviya kugamba wawone izimbuli mkudamanya zedi wamtunye tatyenyu ekulanga.

17 Msekufanyanya siza kubalanga lagizo hegu waoni sizile kubalanga mna kutongeleza. 18 Chindedi nawagambila kugamba, kubula ulanga ne isi zijinke hahana chintu chikunga chuswe mwe dilagizo kubula chila chintu chikunga chitende chichinta. 19 Ivyo yoyose akuvuna ntintiso dimwenga na dimgati mwe izo nakuwahinya watuhu kudamanya ivyo netangwe mdodo mo useuta wo ulanga, mna yoyose akuzitoza na kuzihinisha netangwe mkulu mo useuta wa mo ulanga. 20 Kwaviya nawagambila kuwagila kwenyu hakunajinkile kuwagila kwa wadolonyi na Mafalisayo kwa vyovyose hamwingile mo useuta wa mo ulanga.

21 Mwiva kugamba nailongwa kale kugamba usekukoma naho yoyose akukoma amwehatali ya kukantilwa. 22 Mna miye nawagambilani yoyose akumwihiwa mlukolo ywakwe natende emwehatali ya kukantilwa naho yoyose akumgamba mlukolo ywakwe kugamba weye ni mntu hukuwagila natende emwehatali ye chitala na yoyose akugamba weye wi mhezi natende emwehatali ya moto wa bome hedine uhelo. 23 Ivyo uneva walavya jeleko dyako mwe inchanja yo kulaviza ntambiko, mna wakumbuka kugamba mlukolo anambuli yoyose ikumhusu. 24 Dyase idijeleko dyako mwe nchanja ye divikilo akaheza toza isila yako ukevane nkongo na mlukolo, akaheza wize ulavye idijeleko dyako 25 Ivana na uyo akukulaha ukatenda hamwenga naye mwe isila mkaita kwe ichitala vituhu vyakwe akukulaha adaha kukwasa mwe imikomo yo mkanta, mkanta akwasa mwe imikono ya mnkondo nawe naudulwe kwe dijeleza. 26 Chindedi nawgambila haulekelwe kubula kuliha maliho ya kukumeleza ya matunda ukudaiwa.

27 Mwiva kugamba igambigwa usekugonya. 28 Mna nawagambilani yoyose akumsinya mvyele niyo ammeila mate kamgonya kale uyo mo muye wakwe. 29 Uneva ziso dyako dya kulume, dyakutenda ukowadike din'ole udidule hale na weye, kwaviya ni aheli chitago chimwenga mo umwili wako chibanike kuliko umwili wako wose udulwe mwe dibome hedine uhelo dyo umoto. 30 Naho hegu mkono wako wa kulume kwakuhosa kwekobadika kante akajika uudule hale na weye. Kwaviya ni aheli chitago chimwenga cho mwili wako chibanike kukaleka mwili wako wose kudula mwe bome hedine uhelo.

31 Ilongwa naho yoyose akumwasa mkaziwe amwinke mawandiko ya kumwasa. 32 Mna mie nawagambilani yoyose akumwasa mkaziwe mna siyo kwachausa cha chilanga amtenda kutenda mchilanga na yoyose akunga amsole badala ya kwinkigwa italaka adamanya ugonyi.

33 Naho namwiva ilongwa mwa wadya wa kale msekwelisa vya lulimi mna mwigale ukwelisa kwenyu kwa Zumbe. 34 Mna nawagambilani msekwelisa hata hadodo hegu ko ulanga kwaviya naho ho wikalo wa Chohile.

35 Hegu kwe isi kwaviya ni hantu hkwikiya chiti chakwe cha kujatila nyayo zakwe hegu kwa Yelusalemu kwaviya ni mzi wa seuta mkulu.

36 Naho usekwelisa ko mtwi wako, kwaviya hakukudaha kutenda luvili lwako lumwenga kutenda lung'ala hegu ni lutitu. 37 Mna ulosi wenyu utende niivyo, bule kwaviya yakujinka ayo yalawa kwayudya umwavu.

38 Mwiva ilongwa kugamba ziso kwa ziso naho zino kwa zino. 39 Mna miye nawagambila msekuhigana na mwavu mna mntu akukuhuta mwe ifunda ya kulume mhitwile ituhu nayao. 40 Naho yoyose akubesa kwita na weye kwe chitala niyo akuhoka inkazu yako, mwasize ni dikoti nadyo. 41 Naho yoyose akukukinkisa kwita naye maili imwenga hita naye maili mbili. 42 Chila akukulombeza mwinke naho usekumkwepa yoyose akunga akukope.

43 Mwiva ilongwa umunge ehaguhi hako naho umwihiwe mnkondo ywako. 44 Mna nawagambila waungeni wankondo wenyu, walombezezeni wakuwajela maya, 45 chani mtende wana wa tati yenyu ekulanga kwaviya nawalangaziza wehiye na wedi naho awaletela fula wavu na wedi. 46 Uneva mwaunga wakuwaungani nyuwe, mwapata ntunyo yani? Kwani wakutoza maliho hawakutenda ivyo? 47 Naho mkawalamsa walukolo wenyu awodu mwapata mbwani kujinkila watuhu? Hegu we izisi hawakutenda ivyo ivyo? 48 Ivyo mwaungwa kutenda watogile, saviya Tati yenyu wa kwembingu ivyo atogile.