1
Chipindi icho Yesu kaita siku ya sabato kujinkila mwezinkonde wanampinawakwe nandile wanasala niyo wakonga kuvuna masuke na kuyadya.
2
Mna mafalisayo weze waone ayo wamgamba Yesu kaula wanampina wako wabalanga lagizo wadamanya siku hayeluhusiwe siku ya sabato.
24 Mna Yesu chipindi mafalisayo eze wevye mpituko ino wagamba yuno mntu hakulavya majini kwa nguvu zakwe mwenye isipokuwa kwa belizebuli mkulu wa mapepo.
25 Mna Yesu kamanya izifanyanyi zao naho awagamba kila ukulu wepangila wenye wabanika naho kila mzi au nyumba ikwepanga yenye haikuchimala. 26 Uneva shetani na muse shetani egoma mwenye mo luhenyo wakwe mwenye. 27 Ni kwanamnani ukulu wakwe na uchimale? Naho hegu nalavya mpepo kwa nguvu za belizebuli watongela wenyu wawalavya kwa sila yani? Kwa ajili ya dino nawatende walamuzi wenyu. 28 Naho hegu mpepo kwa nguvu za muye wa chohile basi ukulu wa chohile wizakwenyu.
29 Vino mntu adaha zeze kwingila mndani mwe nyumba mwenye nyumba niyo abawa bila kumtaliza mwenye nguvu kwanza? Nivyo abawe mali yakwe kulawa mndani mwe nyumba.
30 Yoyose hena hamwenga na miye ekinyume changu naye hekukusanya hamwenga na miye uyo ni mtawanyi.
31 Kwaivyo nagamba kwenyu chila wihi ufyosi wantu nawalekeilwe mna ufyosi wa muye ukukile hawalekeilwe. 32 Yoyose akulonga chinyume na mwana ywa Adamu uyo halekeilwe mna yoyose akulonga chinyume na Muye Ukukile uyo halekeilwe, mwe isi ino naho udya ukwiza.
33 Utende mti utendile mtana na tunda dyakwe hegu ubalangwe mti wa tunda dyakwe kwaviya mti umanyika kwa tunda dyakwe. 34 Nyuwe welekwa wa nyoka nyuwe ni wahi mwadaha kulonga mbuli ntana? Kwaviya mwe milomo mwalawa mwe akiba ya eyumo mwe myuye. 35 Mntu ywedi mwe akiba yedi ya mo muye wakwe mwalawa yedi na mntu ehiye mwe akiba ya muye wakwe alavya chiya chihiye. 36 Nawagambilani vino mwe dizuwa dya kukantilwa wantu nawalavye uwazwa wa chila ulosi hewina mana walongile. 37 Kwaviya kwa ulosi wako nauwazizwe uwagila, ulosi siyo mtana ulongile naukantilwe.
38 Mna wantu wadolonyi na Mafalisayo wamhitula Yesu wamgamba mhinyi nachikaunga kuona chilagiso kulawa kwako.
39 Mna Yesu kawalandula na kugamba cheleko chihiye cha ubanasi chalonda chilagiso mna hakuna chilagiso chikungwa chilavigwe kwenyu ukaleka kutenda chiya chilagiso cha Yona muoni. 40 Saviya muoni Yona nandile mndani mwe samaki mkulu kwa mazuwa matatu msi na chilo ivyo nivyo mwana ywa Adamu akunga mndani mwe muye we isi kwa mazuwa matatu msi na chilo. 41 Wantu wa Ninawi wachimala kulongozi ko kukantilwa hamwenga na welekwa wa wantu wano nawakantilwe kwaviya nawaleka kwa ulosi wa Yona naho kaula mntu yumwenga b kuliko Yona ehano. 42 Malikiya wa kusini nenuke mwe ukantilwa hamwenga na wantu wo welekwa uno kuchikantila keza kulawa uhelo we isi kwiza kwiva hekima ya Sulemani naho kaula mntu yumwenga mkulu kuliko Sulemani ehano.
43 Mna mpeho nchafu akamlawa mntu ajinkila hantu hahena mazi alonda kuhumula mna hakuhaona. 44 Nivyo agamba nauya kwe nyumba yangu nilaile, akauya abwila i yumba ihagilwa naho yajika. 45 Nivyo aita kuwaguha watuhu myuye mfungate wehiye vitendese kujinka yeye weza kwikala wose hadya ne ihali yakwe ya uhelo yatenda iha kujinka ye nkongo, ivyo nivyo vikunga vitende mo lwelekwa luno lwihiye.
46 Chipindi Yesu nandile akalonga bunga kaula mami yakwe na walukolo wakwe wachimala kuse walonda kusimwila naye 47 Mntu yumwenga amgambila kaula nyokwe na walukolo wako wachimala kuse walonda kusimwila na weye.
48 Mna Yesu alandula kumgamba yudya amgambile mami yangu ni yuhi na walukolo wangu ni wakina yuhi. 49 Mna niyo achulusa umkono wakwe kwa wanampina wakwe na kugamba, kaula wano ni mami zangu na walukolo wangu. 50 Kwaviya yoyose akudamanya umbuya na tate ywangu ekudya kulanga mntu uyo nuyo mlukoloywangu lumbu dyangu naho mami yangu.