¹ Ora Jesús biete de lu daani que, xtale binni yenanda Laa. ² Malasi tobi hombre huará de lepra, bidxiña Laabe, ne bizuxibi xañee be, ne na: "Señor, pa Lii ni nou la?, Lii ñanda nusianda lu naa."

³ Jesús bisigá ná ne gudaana laabe, ne na: "Zanda naa. Bianda." Ne oraqueca biandabe de lepra que. ⁴ Jesús na rabi laabe: "Biiya que gabu gaxti guiruti de ndi. Guyee ra zeu, ne biluí sacerdote ma bianda lu, ne bi dii xquixe laabe casi bisaana Moisés gaca, ti ganna cabe de que ma bianda lu."

⁵ Ora Jesús guyuu ndani Capernaúm, ti xaique xti ti gayua dxu beda naba laabe, ⁶ ne na: "Señor, ni runi xiiña caziiládxi ra liidxi, que ganda iniibi ne napa yuuba roo."

⁷ Na Jesús rabi laabe: "Naa ziá ne zusianda laabe."

⁸ Xaique tigayua dxu que bicabi ne na: guiruti naca para guiu'lu ra lidxe; guní si diidxa ca ne ni runi xiiña zianda ca. ⁹ Na la? raca runi mandar cabe na ne napa dxu ni naa rune mandar. Pa gabe la': 'guyee,' ne la' la zié; ne xtobi, 'gudá,' ne la' zeda; ne ni runi xiiña: 'biini ndí,' ne la' ru'ni ni."

¹⁰ Ora Jesús binadiag ndi la?, La' bidxagaya' ne gudxibe cani nanda laabe que: "Dxandí zabe laatu, que huadxeela dia guiruti ni runi cre ndani Irael bia runi cre hombre di. ¹¹ Naa zabe laatu, xtale zeda de ladu rindani ubidxa' ne de ladu riazi ubidxa', ne zabí né ca Abraham, Isaac ne Jacob, ndani ra runi mandar Diuxi. ¹² Peru ca xiiñi pe guenda runi mandar gulá ca ra nacahui zitu ra nuu guenda ruuna ne dede zuxhidxi laaya ca." ¹³ Jesús na rabi xaique tigayua dxu que: "¡Guyé! Biá ma bini cre lu ca? zacá zaca ni para li." ne ni runi xiiña be que bianda oraqueca.

¹⁴ Ora Jesús yendà ra liidxi Pedro la? Laabe biiya be suegra Pedro nexhe naze xindxá la'. ¹⁵ Jesús gudaana ná be, ne xindxá biree de laabe. Ne ora que gunaa que biasa ne guzulú bisisaca Laabe.

¹⁶ Ora gunda huadxi la? guiraa binni que yené cabe ra nuu Jesús xtale ni caguite binidxaba ique. Ne Laabe gulé ca binidxaba que ne ti diidxa si, ne biasianda guiraa cani huará que. ¹⁷ Ne sicarí biluxhe de guca ni guní Isaías, ni riní xi chi gaca, ne na: "LACA LAABE GUCUABE CA GUENDAHUARÁ XTINU Y GUNDANIBE CA YUUBA XTINU."

¹⁸ Yanna, ora Jesús biiya guiraa binni ni nu gú lee Laabe que la? Laabe guní be chee cabe xti ladu de Nisadoo xti Galilea. ¹⁹ Ra que ti escriba guyee ra nuu Jesús ne na: "Maestru, zinanda lii raticasi chee lu."

²⁰ Jesús na rabi laabe: ca mixtu gui'xhi napa ca ra guiana ca', ne ca mani ni ripapa laca napa ca lidxi ca', peru Xiiñi Hombre que gapa ra cuaqui ique."

²¹ Xtobi de ca discípulu xtibe na rabi Laabe: "Señor, bidii lugar naa niru chi gucache bixhoze."

²² Peru Jesús na rabi laabe: "Gudananda naa, ne bisaana ca guetu gucachi ca sa guetu ca'."

²³ Ora Jesús gudxiba ndani ti barcu, Ca discípulu xtibe ne laaca guyuuca. ²⁴ Ne ra qué biasa ti bii xuubi lu nisadó que, dede que rihuini barcu que ti izaa narooba ca ola que. Laga Jesús nisiasi. ²⁵ Ne beda ca discípulu xtibe que ne bicuani laabe, ne na ca: "Bilá laadu, Xpixuana du; ¡ma yaca gati nu!"

²⁶ Na Jesús rabi laacabe: "¿Xi ñee cadxibi tu, laatu ni huaxié fe ca?" De ra qué Laabe biasa be ne gudinde nebe bii que ne nisadó que. Ne ra que ru gutadxi guiraa ni.

²⁷ Ca xpini be que bidxagayá ca ne na ca: "¿Tu hombre di pue, neca ne bii ne nisadó ruzuba xtiidxa be?"

²⁸ Ora Jesús yendá cherica nisa que ne nuu be xquidxi ndani ca Gadarunu la?, chupa hombre ni riguite binidxaba ique la? bidxagalú ca laabe. Laaca la? biree ca de lade ca bá que izá naduxhu, nga runi guirutidi randa tiidi ca neza que. ²⁹ Ne ra qué, laacabe biguacabe riidxi ne na cabe: "¿Xi napa né dulii, Xiiñi Diuxi? ¿Ñe bedaguniná lu laadu ne caru izá dxi la?" ³⁰ Yanna, cadi zitu de laacabe nuu xtale bihui cana yó ca'.

³¹ Ne cadi cayana dxi ca binadxaba que guianadxi ca de guinaba ca Laabe ne na ca: "Pa lii cueu laadu la? bisenda laadu lugiaa ca bihui ca."

³² Jesús na rabi laacabe: "! Lachee!" ca binidxaba que biree de laabe ne guyú ca luguiá ca bihui que. Ne guidubi naca guiraa ca bihui que, biaba ca de ra bidubi daani que ne de ndani nisadó. ³³ Ne ca hombre cayapa ca bihui que la? bixoñe ca'. Ne ra biu' cabe guidxi la? bidii cabe diidxa de guiraa ni guca que, nipe gucané ca hombre ni gudxite binidxaba ique ca que. ³⁴ Ne ra qué la? guidubi naca guidxi que biree ca yechagalú ca Jesús. Ra biiya cabe laabe la?, gunaba cabe laabe guiree be de ra qué.