¹ Jesús guni ne laacabe xti tiru ne ejemplu, ne na: ² "Guenda runi mandar xti Diuxi seda gaca ni casi ni runi mandar ni riuu la'pa ique ni biini ti zaa de guendaxheela para xhiiñi. ³ Biseendabe ca ni runi xhiiña be fuera para cuidxi ca ca ni ma bini invitar be gueeda ca zaa xti guendaxheela que, peru laacabe que nina cabe ñeeda cabe. ⁴ Xti tiru rey que biseenda be xcadxi ni runi xhiiña be, ne gudxi be laaca: "lagabi ca ni bine invitar que': "Ma bizuchae ti guendaro' xhii. Ma biite yuze ne yuze riini ni naro', ne guira ni ma zucha'hui. Lata' zaa de guendaxheela di." ⁵ Peru ca binni que' que nicaa ca casi ni risaca invitacion xtibe que'. Cadxi bigueta ca zee ca ra ñaa xtica, xcadxi bigueta ca ra napaca negocio. ⁶ Ca xcadxi que gucua ca ca ni runi xhiiña rey que ne bizitui ca lu cabe, ne biiti ca laacabe. ⁷ Peru rey que cadxiichi. Laabe bizeendabe ca huachu xtibe ne biiti ca ca ni biiti ni runi xhiña be que, ne bizaqui cabe xquidxi ca. ⁸ Oraque laabe gudxi be ca ni runi xhiiña be: "guendaxheela di ma nu' chaui ni, peru ca ni guca invitar que cadi naca binni ni naquiñe chu' ca rari. ⁹ Nga runi lache' ca squina calle ne laguni invitar para zaa de guenda xheela di bia' binni guidxela tu. ¹⁰ Ca ni runi xhiiña be que guye ca ca lu neza ne bichiña ca guira binni ni bidxela ca, casi ca, ni nachaui ne ni cadi nachaui. Ngue runi yo' roo de guenda xheela que dxa de ni guca invitar. ¹¹ Peru ora ni runi mandar ni dxiiba la'pa ique que beda guuya ca ni guca invitar ca que', biiya be raque ti hombre ni cadi nacu lari para guendaxheela. ¹² Rey que gudxi laabe: "Xhamigua ¿xhi modo guyu lu rari sin lari para guendaxheela pue?" Ne hombre que biaana be sin ganda guini' be. ¹³ Oraque rey que gudxi ca ni runi xhiiña: "Lagundibi ná ne ñee hombre di, ne la cu bi laabe lu guelacahui fuera ca, ra ziu guenda ruuna ne guenda ridxhidxi laya." ¹⁴ Ti purti xtale nga binni nga ma bibiidxi'ca, peru haxhie si nga ni ma bibii'

¹⁵ Oraque ca fariseu guye ca ne gulaquichaui ca xhi modo laaca zanda guinaaze ca Jesus laaca lu ca didxa ni rui'. ¹⁶ Oraque laacabe bizeenda cabe ra nuu be ca dicipulu xti cabe ne ca Herodianu. Laacabe gudxi cabe laabe: "Maistru nanadu de que dxandi lii, ne de que ruziidi lu neza xti Diuxhi ne ni Dxandi. Ne que rizaladxi lu ni guini guiruti. ne que rului lu guni lu pur cadxi lade binni. ¹⁷ Nga runi gudxi laadu, ¿xhi raabi lu? ¿jneza nga quixhe du impuestu César la? o co'."

¹⁸ Peru Jesus biene guenda nadxaba xti cabe ne gudxi laacabe: "xhi jñe cuquiinde tu naa pue, binni ni rini' ti cosa ne runi xtobi ca? ¹⁹ Lagului naa ti bidxichi ni riaxha ne impuestu." Oraque bedane cabe ti denariu ra nu'be. ²⁰ Jesus gudxi laacabe: "Tu lu ndi' ne tu lá?

²¹ Laacabe bicabi cabe "Xti cesar." Oraque Jesus gudxi laacabe: "yana la? la gudi Cesar ca ni naca xti Cesar ne Diuxhi ca ni xti Diuxhi." ²² ora binadiaga cabe ndi, bidxagaya cabe. Oraque laacabe bizaana cabe laabe ne zee cabe zitu.

²³ Dxi que cadxi de ca Saduceu beeda ca ra nu'be, ca ni rini' ca de que gaxti di guenda ribani laade guetu. laacabe gunabadidxa cabe laabe ²⁴ ne naa cabe: "Maistru, Moises guni' de que pa ti hombre gati sin gapa xhiiñi, biichi be naquiiñe guichagana xheela be para gapa ti xhiiñi para biichi." ²⁵ Raque guyu gadxe biichi. niru que bichagana ne guti, sin guzaana xhiiñi. Laabe bizaana be xheela be ne biichi be. ²⁶ Oraque guiropa biichi que ngueca biini, oraque guiona que, ne saca dede lu gadxe biichi que. ²⁷ Gudiidi si guira ndi gunaa que guti. ²⁸ Yana dxi guibani ca guetu, ¿tu laa de ca gadxe biichi que gaca xheela gunaa que ya? purti guira cabe gupa cabe laabe."

²⁹ Peru jesus bicaabi laacabe: Laatu cadi jneza di nuutu, purti que runibia' di tu ca ni ca lu xqui'chi Diuxhi, ninca guenda nandxo' xti Diuxhi. ³⁰ Ti purti dxi guibani ca guetu que sachagana cabe ne que sacacabe guendaxheela. laga nga, laacabe naca cabe casi angel guiba' ³¹ Ru de ni naca de ra guibani ca guetu, ¿caru gúnda tu de que maca gudxi Diuxhi laatu, ra naa: ³² "NAA NACA DIUXHI XTI ABRAHAM, DIUXHI XTI ISAAC NE DIUXHI XTI JACOB?" Diuxhi cadi naca di Diuxhi xti ca guetu, laga xti ca ni nabani."

³³ Ora xtale binni que binadiaga ca ndi, laaca cadxagaya ca de ni cuziidibe.

³⁴ Peru ora ca Fariseu binadiaga ca de que Jesus bisigani ca Saduceu, guyu lisaa cabe. ³⁵ Tobi de laacabe, ni riene ley, gunabadxidxa laabe para guquiinde laabe: ³⁶ "Maistru ¿guná nga guenda runi mandar jma naro'ba ni nu lu ley?"

³⁷ Jesus gudxi laabe: "Zanaxhii lu Diuxhi Señor xti lu ne interu naca ladxido' lu ne interu naca guenda xtilu ne interu naca xquendabia'ni lu." ³⁸ Ndi nga niru ne ni jma naroba guenda runi mandar. ³⁹ Ne guiropa guenda runi mandar nacani casi niru' que: "NAQUIIÑE GANAXHIILU NI DXAGA LU CASI CA LII. ⁴⁰ De guiropa ca ndi nga rinaze guira ley xti ca profeta."

⁴¹ Yana laga ca Fariseu nu lisa ru ca, jesus gunabadidxa laacabe. ⁴² Laabe guni' be: "¿Xhi raabi tu de Cristu? ¿tu xhiiñi laabe?" laacabe gudxi cabe laabe: "Xhiiñi David."

⁴³ Jesus gudxi laacabe: "Yana xhi modo ga nga David lu espiritu rabi laabe Señor ra guni': ⁴⁴ SEÑOR GUDXI SEÑOR XTINE: "GURI LADU DERECHU XTINE, DEDE NAA CUAQUE CA NI CUCAA LU LII XHA ÑEE LU?" ⁴⁵ David yana raabi Cristu "Señor" ¿xhi modo nga naaca be laabe xhiiñi David? ⁴⁶ Guiruti ñanda nucabi laabe nin ti didxa. ne guiruti ru que niná ninabadxidxa ru laabe xhiixha dede dxi que'.