¹ Bizaaca de que ora Jesus biluxhe guni' ca didxa di, birebe de Galilea ne bedabe ra riluxhe guidxi Judea, jma cherica de guiigu Jordan. ² Izaa xtale binni sinanda laabe, ne raque laabe cusiandabe laaca.

³ Ca fariseu beeda ca ra nuube para guquiindeca laabe, ne rabi ca laabe: "¿ñe zanda ti hombre guilaa ne xheela pur intisi cosa?"

⁴ Jesus bicabi ne guni': "¿Laatu caaru gunda tu ra niru bizulú ira xixé, DIUXHI BIZAA HOMBRE NE GUNA? ⁵ ¿Ne laabe laca guni' be: 'PUR NDI TI HOMBRE SUZAANA BIXHOZE NE JÑA NE ZADAAGU XHEELA, NE GUIROPACABE SACACABE TOBI SI.'? ⁶ Oraca ma cadi naca cabe chupa, laga ma tobi si. Nga runi ni Diuxhi ma bitagu, cadi gudi tu guiruti guxale."

⁷ Laacabe gudxi cabe laabe: "pue, ¿xhi jñe moises BINI MANDAR LAADU DE QUE GUDI'DU TI GUI'CHI NI GUINI' DE QUE MA GULA TI GUENDAXHELA NE ORACA GUZENDA DU LAABE ZITU?"

⁸ Laabe rabi be laaca: "Pur guenda naguidxi ladxido' tu Moises bidii lugar laatu guila'ne tu xheela tu, peru ra bizulu la? cadi sacaca di ni. ⁹ Naa cayabe laatu deque tutiica ni guila'ne xheela, pa cadi guca ni pur guyu ne be ni cadi xheelabe, ne guichagana ne xtobi, cayu ne ni cadi xheela. Ne hombre ni guichagana ti guna ni ma gula ne xheela, cayu ne ni cadi xheela."

¹⁰ Ca discipulu gudxi ca Jesus: "Pa saca nga rizaaca ti hombre ne xheela, cadi galan nga guenda richagana."

¹¹ Peru jesus gudxi laacabe: "Cadi de guira di randa guica ca ni cuziide di, laga ca ni Diuxhi si ma bidi guicaca ni. ¹² Ti purti nuu eunucu ni gúle ca saca dede ndani jña ca. Ne nuu xcadxi eunucu ni guca ca eunucu pur ca hombre. Ne nuu xcadxi ni biini ca laaca laaca eunucu guni guenda runi mandar xti ca guiba'. Ni ganda guicaa ni cuziide di, la gudi lugar guicaa be ni.

¹³ Oraque bedane cabe cadxi xcuidi para cuaqui na be luguia ca ne guini ne be Diuxi pur laaca; peru ca discipulu cabee ca laacabe. ¹⁴ Peru Jesús gudxi laacabe: "Lagudi lugar ca xcuidi gueeda ca ra nua, ne cadi gucueza tu laacabe, ti purti xti cabe nga guenda runi mandar xti ca guiba'." ¹⁵ Ne Laabe gulaqui nabe luguia ca ne oraque bire be de raque.

¹⁶ Oraque beeda ti hombre ra nu Jesús ne rabi laabe: "Maistru ¿xhi ni nachaui naquiñe gune para gapa guenda nabani ni que riluxhe?

¹⁷ Jesus gudxi laabe: "¿xhi jñe canabadxidxa lu naa xhinga nachaui? Tobi si nga nachaui, peru pa lii ruluiladxi lu chu'lu lu guenda nabani, gupa guira ca guenda runi mandar xti Diuxhi."

¹⁸ Hombre que gudxi laabe: "¿guná ca guenda runi mandar?" Jesus gudxi laabe: "QUE ZUUTI LU; QUE ZIU NEU NI CADI XHEELU; QUE ZABA'NA LU; QUE ZANI LU BIIYA LU TI COSA NI CADI DXANDI; ¹⁹ ZÚNA LU BIXHOZE LU NE JÑA LU; ZANAXHII LU BICHI LU CASI CA LII."

²⁰ Badu ngiu que gudxi laabe: "Ma bizuuba xtiidxa ca ndi'; ¿xhi ru caquiiñe?"

²¹ Jesus gudxi laabe: "Pa lii racaladxi lu gaca lu tobi ni que gapa nin ti ra ruche la?, guye, bitoo ni napa lu ne bidii ni ca pobre, ne sapalu' ni risáca iba'. Oraca guda', ne dananda naa." ²² Peru ora badu nguiu que binadiga ni Jesús gudxi laabe que', sébe nagundu, ti purti laabe napabe xtale ni risaca xtii be."

²³ Jesús gudxi ca discipulu xti: "Dxandipe sabe laatu, nagana nga ti hombre ni nápa bidxichi chu ndani guenda runi mandar xti Diuxi. ²⁴ Xti tiru cayabe laatu, jma naguenda ti camellu chu' ndani huecu xti ti aguxha, que ti ricu chu' ndani guenda runi mandar xti Diuxi."

²⁵ Ora ca discipulu binadiaga ca ndi, bidxagaya ca ne guni' ca: "¿Tu laa nga zanda guila ya?

²⁶ Jesus biyadxi laacabe ne guni': "Para binni guidxilayu la que zanda gaca ndi, peru para Diuxhi la? guira sanda gaca."

²⁷ Oraque Pedru bicabi ne rabi laabe: "Biiya, laadu bizaana du guira para guedananda du lii, yana, ¿xi sapa du laadu ya?

²⁸ Jesús gudxi laacabe: "Dxandipe cayabe laatu, laatu ca ni ma bedananda tu naa, lu ra gale cabe xti tiru, ora xiiñi bini guidxilayu cui lu bangu ra chi guni mandar de guenda nandxo xti, laatu laaca sabi tu lu chii ne chupa bangu de guenda runi mandar, ne zuni Juzgar tu ca chii ne chupa nda' de ca binni zaa de Israel. ²⁹ Guira ca ni bizaana ca lidxi ca, ca biichi ca, ca bizaana ca, bixhoze ca, jña ca, xhiiñi ca, o xquidxi ca gúni la'ya', sacaa ca ti gayua tiru Jmá, ne záde ca guenda nabani ni que saluxe.

³⁰ Peru xtale de ca ni naca ca niiru sácaca ni gueeda de últimu, ne xtale de ca ni seeda últimu sácaca niiru.