लिउ २५
1
तजाेला देवाचेनकि ग्यालखाप ति मिरा च्यु ज्येन्दि माक्याबु पुम पेजा दगेराङ हुङुइ सिकि दाक- दाक्पि काेपि तिवा लानि (दुलहा) ला ठे गाल्सुङ ।
2
तिवि नाङ्ला मिरा ङा रिक्पा मेदु नक मिरा ङा दि रिक्पालच्यङ्बु वदु नक ।
3
चिला सिसिन ति रिक्पा मेदुप ज्येन्दि माक्याबु पुम पेजा तिविकि दाक्पि काेपि तिवा दरलासुङ, तिविकि दाक्पु तानि चाेजिगाङ मार्बु खुन मागाल ।
4
तर रिक्पा च्याङ्से वदु ज्येन्दि माक्याबु पुम पेजा तिविकि तेरिककि काेपितिवातानि दाक- दाक्पि मार्बुकि ङेक्यक तिवाङ खुन गाल्सुङ ।
5
(दुलहा) हुङु अाबेला गालुकि किसाला तिवा ङिचक ग्याम्निते ङि लक्सुङ ।
6
तर नुप्कि पार्ला वाेरु च्यिक लेसुङ, 'ल्हाेसा (दुलहा)! फिला ग्युक तेमे तिला ठेत ।'
7
तितिङ्ला ति तेरिक ज्येन्दि माक्याबु पुम पेजा तिवा लानिते दाक-दाक्पि काेपि तिवा रिसुङ ।
8
रिक्पा मेदुप पुम पेजा तिविकि रिक्पा वदु पुम पेजा तिवाला सासुङ, 'ङेराङ्ला खिवा तिविकि काङ मार्बु ङेराङ्लाङ नाङ चिला सिसिन ङेरे काेपि तिवा श्येप छालु वाइ ।'
9
तर रिक्पा वादु पुम पेजातिविकि कालेन क्यानिते सासुङ, 'खिराङ्दाङ ङेराङ मेरा ङिकारला ख्याेलु क्यानि मार्बु मेदुकि किसाला, मार्बु चाेङु तिविकि चाला गाल्नि दाक्पि लागि मार्बु ङ्याे ।'
10
तजाेला तिवा मार्बु ङ्य सिनि फिला गाल्सु, (दुलहा) लेम ख्याेलसुङ तेमे मिरा चाेजिक ड सिनि छ्याबु नक तिवा क्याजिक ज्येन्दिकि शाप्च्यला येसुतानि नाङ्ला गाल्सुङ, तेमे गाे चेसुङ ।
11
काङ तुज्ये तिङ्ला ज्येन ज्येन्दि माक्याबु पुम पेजा तिवा लेम्नि सासुङ, 'चाेवाे, 'चाेवाे, ङेराङ्लाङ गाे पेन नाङ ।'
12
तर येसुकि कालेन क्यानिते सिक्यासुङ, 'हुतुङराङ ङा खिराङ्ला सिउइ, ङा खिराङ्ला ङाे मेसेउइ ।'
13
तिकि किसाला, माङ्याल्बा देत, चिला सिसिन ति ङिमा या ति तुज्ये खिराङ्ला छ्या मेत ।
14
चिला सिसिन दि मि लुङ्बाला ड छालु मि दगे हिन । तिकि दाक्पि यक्पुतिवाला काताङ्निते तिवाला दाक्पि गिज्या बिन्सुङ ।
15
तिकि तिवि मिरा चिक्ला डुमा ङा टाङा बिन्सुङ; राङ्साला डुमा ङि टाङा बिन्सुङ; लाेङ्या राङ्साला दक्पुच्यिक टाङा बिन्सुङ । तेरिकक्कि दाक्दाक्पि (क्षमता) दगेराङ् टाङा लासुङ, तेमे ति मि श्यारि दाक्पि यग्ला गाल्सुङ ।
16
डुमा ङा टाङा ङेदुदि श्यारि गाल्नि तिकि ति टाङाला यक्ला ग्याप्सुङ, तिनेसुर राङ्सा डुमा ङा टाङा जाेसुङ ।
17
तुकराङ क्यानि, सिकि डुमा ङि टाङा ङेदुनक, तिकिसाङ तिनेसुर राङ्सा डुमा ङि जाेसुङ ।
18
तर दक्पुच्यिक क्याजिक टाङा ङेदु यक्पु दि गाल्नि मिक्तुङचिक काेसुङ, दाक्पि ज्यिन्दाककि बिदु टाङादि त्या बासुङ ।
19
ता अाला तुज्ये तिङ्ला ति यक्पु तिविकि ज्यिन्दाक ग्युर्नि लेसुङ तेमे तिवा तानि (हिसाब) लासुङ ।
20
डुमा ङा टाङा ङेदु मि लेम्निते तिकि राङ्सा डुमा ङा टाङा खसुङ । तिकि सिक्यासुङ 'ज्यिन्दाक, ख्याेकि ङाला डुमा ङा टाङा बिदुदि ल्हाे, ङेकि राङ्सा डुमा ङा टाङा जाेबु वाइ ।'
21
तिकि ज्यिन्दाककि तिला सिक्यासुङ, '(स्याबास), लेमुदाङ माेवा वदु यक्पु! ख्याेङ च्येजिक काच्येला माेवा वदु वबु वाइ । ङा ख्येङ्ला अाला काच्ये खाला का तेर्क्यु । ख्याेङाङ दाक्पि ज्यिन्दाककि गावाला गा किटाे कि ।'
22
मा ङि टाङा ङेदु यक्पु लेम्नि सिक्यासुङ, 'ज्यिन्दाक ङाला ख्याेकि डुमा ङि टाङा बिदु नक । ल्हाेसा, ङेकि राङ्सा डुमा ङि टाङा जाेबु वाइ ।'
23
तिकि ज्यिन्दाककि तिला सिक्यासुङ, '(स्याबास), लेमुदाङ माेवा वदु यक्पु! ख्याेङ चेजिक काच्येला माेवा वदु वबु वाइ । ङा ख्याेरुङ्ला अाला काच्ये खाला का तेर्क्यु । ख्याेङाङ दाक्पि ज्यिन्दाक कि गावाला गा किटाे कि ।'
24
ति तिङ्ला दक्पुच्यिक टाङा ङेदु मि लेम्निते सिक्यासुङ, 'ङाला छ्या वाइ ख्याेङ रंम्बु (स्वाभाव) कि मि वाइ सिनि । ख्यरेकि दाक्पिकि माचुुुबु दासा नेसुर ङागुइ, माथाेरु दाशा नेसुर चाबा देन्ग्यु ।
25
ङाला जिवा वाइ । तिकि किसाला, ङा गाल्सिमा ख्यरेकि टाङाला शश्यि वाक्ला वा ज्यागु । 'ल्हाेसा, काङ ख्यर्ति हिन तिला लाङ ।'
26
तर तिकि ज्यिन्दाककि कालेन क्यानि सिक्यासुङ, 'ए दुक्टेदाङ छेर्सिक्पा यक्पु, ङेकि माचुबु दासानेसुर ङागुइ, माथाेरु दासा नेसुर चाबा थेन्ग्यु सिनि ख्याेङ्ला छ्या वाइ ।
27
तिकिकिसाला, ख्यरेकि दाक्पि टाङा साहु चाला क्याेल गाेबु हिन, तेमे ङा हुङ्सिन ङेकि दाक्पि टाङा (ब्यज) तानि ङेदु हिन ।
28
तिकिकिसाला, ति तानि वदु टाङाचिक लानि टाङा च्यु वदु यक्पुला बिन ।
29
चिला सिसिन सुतानि वाइ तिला हारुङाङ अाला तेर्क्यु । तर सु तानि मेत, तितानि वदुदिङ तिनेसुर ठगुइ ।
30
ति यग मेतेरु यक्पुला फिला नाक्तिङिला क्युर, केनिदि ङपतिवादाङ सा टेदुतिवा हुङइ ।'
31
तजाेला मि पुज्युङ दाक्पि सवाला लेप्सिमा तिकि दाल्जा तेरिक थुतिवा गिउइ, ति दाक्पि सवाकि ग्याल्खापला देक्यु ।
32
तिकि चाला तेरिक मिरिक जाेम् जिक्यु, च्युक क्यानि गाेठालाकि दाक्पि लुक तिवाला रातिवा नेसुर डेल्ग्यु, तुक क्यानिराङ तिकि दक्पुचिक मिला राङ्सा मिनेसुर डेल्ग्युइ ।
33
तिकि लुकतिवाला दाक्पि याबा लाक्पि छ्यलादाङ रातिवाला दाक्पि येन्बा लाक्पि छ्यला ज्यगुइ ।
34
तितिङ्ला ग्याल्बुकि दाक्पि याबि छ्यला वदु तिवाला सिउइ, 'श्यक, खिराङ सु ङे पापा नेसुर मलाम थाेपुप वाइ, जाम्लिङ्कि तङ्नेसुर राङ खिराङ्ला सिनि जाेबु ग्याल्खापला का कि ।
35
चिला सिसिन ङा ल्हब लाबु वाइ, तेमे खिरेकि ङाला शापच्य बिन्सुङ; ङाला कमा लाबु बेला खिरेकि ङाला थुङु बिन्सुङ; ङा (परदेशि) वदुबेला खिरेकि ङाला नाङ्ला श्युक चिसुङ;
36
ङा पेर्तुङ्बा वदुबेला खिरेकि ङाला माज्या काेन बिन्सुङ; ङा नानि वदुबेला खिरेकि ङाला वास्ता क्यासुङ; ङा चाेन्खाङला वदुबेला खिराङ ङेचाला लेसुङ ।'
37
तितिङ्ला दिक्पा मेदुप तिवि कालेन क्यानि सिउइ, 'चाेवाे ङेरेकि नाम ख्याेला ल्हब लानि वदु थाेङ्नि शापच्य बिदिन? ख्याेला कमा लाबु थाेङ्नि थुङु बिदिन?
38
ङेरेकि नाम ख्याेला (परदेशि) वदु थाेङ्नि ख्याेला नाङ्ला खबिन?
39
ङेरेकि ख्याेला नाबुदाङ चाेनखाङ्ला नाम थाेङ्नि ङेराङ् ख्याेकि चाला लेबिन?'
40
ग्याल्बिकि कालेन क्यानि तिवाला सिइ, 'हुतुङराङ ङा खिराङ्ला सिउइ, खिरेकि द्ये ङे नुक तिवि नाङ्ला टिक्पि सिना टिक्पेला चाे- काङ क्यासुङ, ति ङे लागिराङ क्यासुङ ।'
41
तितिङ्ला तिकि दाक्पि येन्बि लाक्पि छ्यला वदु तिवाला सिउइ, ए मलाम माेथाेपुप तिवा, ङानेसुर थारे गाल्नि नाम्लाङ मिसिबु मे नाङ्ला ग्युक, च्यिन्दि दुक्टेदाङ तिकि थुतिविकि लागि जाेबु हिन,
42
चिला सिसिन ङाला ल्हब लाबु वाइ, तर खिरेकि ङाला शाप्च्य माबिन; ङाला कमा लाबु बेला ङाला थुङु माबिन;
43
ङा (परदेशि) वदुबेला खिरेकि ङाला नाङ्ला टि मागाल; पेर्तुङ्बा वदु वेला खिरेकि ङाला माज्या काेन माबिन; बिरामिदाङ चाेन्खाङ्ला वदु बेला ङाला वास्ता माक्या ।'
44
तितिङ्ला तिविकि साङ कालेन क्यानि सिउइ, 'चाेवाे, ङेरेकि ख्याेला ल्हब लाबु, कमा लाबु, (परदेशि), पेर्तुङ्बा, नाबु, चाेन्खाङ्ला नाम थाेङ्नि ङेरेकि ख्याेला (सेवा) माक्या?'
45
तेमे तिकि तिवालाकालेन क्यानिते सिउइ, 'हुतुङराङ ङा खिराङ्ला सिउइ, दिवि नाङ्ला टिक्पे सिना टिक्पिला खिरेकि काङ माक्या, ति खिरेकि ङे लागि माक्या, ।'
46
दिवा नाम्लाङ मिसिदु दुक्पाला डिउइ तर दिक्पा मेदुप तिवा नाम्लाङ मिसिबु मिजिरिङ्ला श्युगुइ