लिउ २३
1
तितिङ्ला येसु जाेबु ममितिवादाङ दाक्पि लाेप्टुक तिवा तानि ताम क्यासुङ ।
2
येसुकि सिक्यासुङ, “शास्त्रि तिवादाङ फरिसितिवा माेसाकि (अासन) ला देक्यु ।"
3
दिकिकिसाला, तिविकि खिराङ्ला काङ कि सिनि का किउइ, ति काच्ये कि तेमे तिवाला (पालना) कि । तर तिविकि यग दगे माकि, चिला सिसिन तिवा ताम दि किउइ, तर तिङ्ला दाक्पिकिराङ ति मिकिउइ ।
4
हिन, तिविकि खुर मुथु च्येदि खुर्बु टानि तेर्क्यु, तेमे तिविकि ति खुर्बु मितिविकि पुङ्बाला ज्याङ्नि तेर्क्यु । तर तिविकि दाक्पु खुरु सिनि दाक्पि फेप्तक च्यिगाङ थमेकेलुइ ।
5
तिवा तेरिक यग मिकि थाेङ्सित सिनि किउइ । चिला सिसिन तिविकि दाक्पि टालालादाङ लाक्पाला ज्यगु (व्यवस्था-पत्रि) तिवा बाेबाे जेउइ, तिविकि दाक्पि माज्यिकि (छुम्का) तिवा रिङ्बु जेउइ ।
6
तिविकि शाप्च्यला (मुख्य) दासातिवादाङ जाेम्खाङ तिविकि (प्रमुख) (अासन) तिवा सेम किउइ,
7
तेमे (बजार) तिवाला (विशेस) गाशाेश्युबुदाङ मितिवानेसुर 'गेकेन' सिनि गाशाेश्युबु सेम किउइ ।
8
तर खिराङ्ला 'गेकेन 'सिनि गाश्वाेप किरुमेङुइ, चिलासिसिन खिरेदि मिराच्यिक क्याजिक गेकेन गिउइ, खिराङ तेरिक उज्युनुक तिवा हिन ।
9
तेमे जाम्लिङ्ला चिन्दिङ मिला पापा सिनि कामाताेङ, चिला सिसिन खिरेदि मिराच्यिक क्याजिक पापा वाइ, तिदि देवाच्येनला वाइ ।
10
ना 'गेकेन' सिनि सिकिङ खिराङ्ला काताेङ्सित, चिला सिसिन येसु खिरेदि मिराच्यिक क्याज्यिक गेकेन वाइ ।
11
तर सु खिरे पार्ला तेरिक सिना बाेबाे वाइ, ति खिरेकि यक्पु हुङुइ ।
12
सिकि दाक्पुला थेन्बु जेउइ, तिला बेप्क्युइ । तेमे सिकि दाक्पुला बेप्क्यु, तिला देगुइ ।
13
तर (धिकार) ख्याेङ शास्त्रितिवादाङ फरिसितिवा, एपाखण्डितिवा! खिराङ मितिविकि मिङाला देवाच्येनकि ग्यालखापला गाे च्येक्युइ । चिलासिसिन खिराङ दाक्पुराङ दिला मुश्युगुइ, तेमे ना श्युगु छालु तिवाला श्युग् जिक्यु ।
14
(धिकार) ख्याेङ शास्त्रतिवादाङ फरिसितिवा, ए पाखण्डितिवा! चिला सिसिन खिराङ (विधुवा) तिविकि खाङ्बा तक ना ताेङु, दजाेला रिङ्से-रिङ्से माेपार क्यानि छ्या देन्ग्यु । दिकिकिसाला, खिरेकि हारुङ अाला दुक्पा ङेक्युइ ।
15
(धिकार) ख्याेङ शास्त्रि तिवादाङ फरिसितिवा, ए पाखण्डि! चिलाति मिराचिकला दाक्पि सेमला दा हुङुला खिराङ चङ्बुदाङ शश्यिला युगुइ । तजाेला ति खिरे सेमला गिउइ, तिला दाक्पुसिना दुम्बा ङ्यालवालाकि पुज्युङ जेउ
16
(धिकार) खिराङ्ला, ए मिक माेथाेङु (अगुवा) तिवा, खिराङ सिकि सिउइ, 'लालिकि छ्याेखाङकि ना क्याेल्ग्यु सिसिन, काङ मेङुइ । तर सिकि छ्याेेखाङकि सेरकि ना क्येल्ग्यु, ति दाक्पि ना नेसुर टागुइ ।'
17
ए मिक माेथाेङु कुवातिवा! चिनदि बाेबाे हिन- सेर हिन्ना ति सेरला काेन्ज्यक चाला क्याेलु छ्याेखाङ?
18
मे, 'सिकिङ (वेदि) ला ना क्याल्ग्यु सिसिन, काङ मेङुइ । तर सिकि ति खाला ज्यागु बुलुवादा ना क्येल्ग्यु सिसिन, ति दाक्पि ना नेसुर टागुइ ।'
19
ए मिक माेथाेङु मितिवा, चिनदि बाेबाे हिन- बुलुवा ना ति बुलुवाला काेन्ज्यककि चाला क्याेलु (वेदि)?
20
तेमे सिकि (वेदि) ला ना क्याेल्ग्यु, तिकि ति (वेदि) दाङ तिकि खाला वदु तेरिककि खाला ना क्याेल्ग्यु ।
21
तेमे सिकि छ्याेखाङला ना क्याेल्ग्यु, तिकि ति छ्याेखाङ दाङ तिला श्यासा देदु तिला ना क्येल्ग्यु ।
22
तेमे सिकि देवाचेनकि ना क्याेल्ग्यु, तिकि काेन्ज्यककि ग्याल्खापताङ तिला श्यासा देदुतिलाङ ना क्याेल्ग्यु ।
23
(धिकार) ख्याेङ शास्त्रि तिवादाङ फरिसि तिवा, ए (पाखण्डि)! चिला सिसिन खिराङ पुदिना, सुप ताङ जिराकि (दशांश) तेर्क्यु, तर (व्यवस्था) कि तिङ्मु काच्येतिवा मिन्सिन ठिम, काट्रिन दाङ माेवाला सेम क्याबु मेत । तर दि काच्येतिवा खिरेकि कि गाेबु नक दि ज्येन काच्ये तिवाला (अवहेलना) कि माेगाेबु नक ।
24
ए मिक माेथाेङु (अगुवा) तिवा, खिराङ सु भुसुना ला चालेकिउइ, तर सेम्ज्येलादि मिता ताेङुइ!
25
(धिकार) खिराङ शास्त्रि तिवादाङ फरिसितिवा, ए पाखण्डतिवा! खिराङ करादाङ देर्माङ तिविकि फिला क्याज्यिक टुक्यु, तर नाङि छ्यला तिवा (अन्यायपुर्ण) लाेङुदाङ लाेभकि क्याङु वाइ ।
26
ए मिक माेथाेङु फरिसितिवा, तङ्ला करादाङ देर्माकि नाङि छ्यला सफा कि, तिकि फिकि छ्यालाङ सफा वसित ।
27
(धिकार) ख्याेङ शास्त्रितिवादाङ फरिसितिवा, ए पाखण्डितिवा! चिला सिसिन खिराङ चुनकि युलु तुर्सा दगे वाइ, चिन फिला लेमु थाेङुइ, तर नाङि छ्यलादि श्याप मितिविकि रुबाकतिवादाङ तेरिक मेचेेङिकि केङु वाइ ।
28
दुकराङ क्यानि, खिराङाङ फिकि छ्यला मितिविकि चाला दिक्पा मेदु दगे थाेङुइ, तर नाङि छ्यला कपटताङ दुक्टेकि क्याङु वाइ ।
29
(धिकार) ख्याेङ शास्त्रि तिवादाङ फरिसितिवा, ए पाखण्डि तिवा! चिला सिसिन खिराङ लुङ्तेम्बातिविकि तुर्सातिवा जेउइ दिक्पा मेदुप तिविकि तुर्सातिवा ल्यामु जेउइ ।
30
खिराङ सिउइ, 'अाेरुङ अरे (पुर्खा) तिविकि तुज्येला थारु हिनसिन, लुङ्तेम्बातिविकि ठाक श्याेलु यकला तिवातानि मेदेबु नक ।'
31
दिकिकिसाला, खिराङ दाक्पुराङ खिरेकि तिविकि गिपा हिन सिनि किदुक तेर्क्यु सिकि लुङ्तेम्बा तिवाला सेसुङ ।
32
खिरेकि दाक्पि (पुर्खा) तिविकि यगाङ तेरिक किउइ ।
33
ए रुल तिवा, रुलकि गिपातिवा, खिराङ ङ्याल्वालाकि (दण्ड) नेसुर च्युक क्यानि टाेक्यु?
34
तिकि किसाला, ल्हाेसा, ङा खिरेचाला लुङ्देम्बा तिवा, रिक्पा च्याङ्बु वदु मि तिवादाङ शास्त्रि तिवा ताेङुइ । तिवि नाङ्ला मिरा चाेला खिरेकि सेक्युइ तेमे ङ्याङ्सिङलाङ गेल्ग्युइ । तेमे तिविनाङ्ला लालाला खिरेकि दाक्पि जाेम्खाङ तिवाला (काेर्रा) ग्याम्निते ग्यासा न्यासुर श्येर्क्यु ।
35
दिकि (परिणाम) दिनक गिउइ, जाबुलिङ्ला दिक्पा मेतुप तिविकि श्यालुप तेरिक ठाक ति खिरे खाला हुङुइ- दिक्पा मेदुप हाबिल नेसुर लानि बेरेक्याकि पुज्युङ जकरियाकि ठाकसाक, सुला दि खिरेकि चेङि दासादाङ (वेदि) कि चाला सेसुङ ।
36
हुतुङराङ ङा खिराङ्ला सिउइ, दि तेरिक काच्ये दिराङ गिपाला हुङुइ ।
37
ए यरुसलेम, ए यरुसलेम, ख्याेङ सिकि लुङ्देम्बा तिवाला सेक्युइ, ख्यरे चाला ताङु तिवाला दाे थनि ग्यागुइ! खेप चाे ङेकि ख्यरे पेजा तिवाला रुगु सेम क्याबिन, च्युक क्यानि च्ये हामुककि दाक्पि च्याप्रुक तिवाला तिकि पुश्यक वाक्ला रुगुइ, तर ख्यरेकि सेम माक्या ।
38
ल्हाेसा, खिरे खाङ्बा खिरे चाला (उजाट) जाेबु वाइ ।
39
चिला सिसिन ङा खिराङ्ला सिउइ, 'काेन्ज्यककि मिनला हुङु दि थुच्येकिदि हिन' सिनि खिरेकि मिसिबु साक, ताफेन्ला खिरेकि ङाला माेथाेङुइ