लिउ २२
1
तिवातानि दुक सिइदाङ येसु पेला ताम क्यासुङ,
2
“देवाच्येनकि ग्यालखाप दिनकच्यिक ग्याल्बुदगे हिन, सिकि दाक्पि पुज्युङ्कि लागि ज्येन्दिकि साप्च्ये जाेसुङ ।
3
तिकि ज्येन्दिला हुङु सिनि श्यग सिक्याबु तिवाला लिङु सिनि दाक्पि यक्पु तिवाला ताङ्सुङ, हिनसिनाङ तिवा हुङु माङेन ।
4
लाेङङ्या ग्याल्बिकि दुक सिइदाङ दाक्पि यक्पुतिवाला ताङ्सुङ, 'ति काताङुतिवाला दुक सिसा, 'ङेकि ङे सामा जाेबु वाइ । ङे लाङतिवादाङ रंबु बस्तु तिवा सेदु वाइ, तेरिक काच्ये रिबु वाइ । ज्येन्दिकि शाप्च्येला श्यक ।'
5
तिवि कि काङ याद्दाङ माक्या, मिराचिक दाक्पि श्यिङ्ला, राङ्सादि दाक्पि (व्यवसाय) नेवा गाल्सुङ ।
6
ज्येनतिविकि ग्याल्बुकि यक्पु तिवाला जिम्सुङ; तिवा तानि ङछा लाङ्दे (व्यवहार) क्यासुङ, तेमे तिवाला सेसुङ ।
7
ग्याल्बु ङ्यार्मा क्यासुङ । तिकि दाक्पि (सेना) तिवाला ताङ्सुङ; ति (हत्यारा) तिवाला सेसुङ, तेमे तिविकि ग्यासा रेबिन्सुङ ।
8
तितिङ्ला तिकि दाक्पि लाेप्टुक तिवाला सिक्यासुङ, 'ज्येन्दिला सिनि तेरिक रिबु वाइ, तर सुला काताङ्सुङ तिवा (याेग्य) कि मिदुक ।
9
तिकिकिसाला, खिराङ लामतिवाला ग्युक खिरेकि काताेङथुबु तिवा तेरिक मितिवाला ज्येन्दि शाप्च्यला का ताेङ ।'
10
ति यक्पुतिवा लामतिवाला गाल्सुङ तेमे तिविकि ङेदुजाेजिक लेमु मेलेवा ङिकार रुकि मितिवाला छ्याजिक्ला रुसुङ । तिकिकिसाला, ज्येन्दिकि खाङ्बा डेन्बुतिविकि केङ्सुङ ।
11
तजाेला ग्याल्बु डेन्बु तिवाला ल्हासिनि नाङ्ला लेसुङ, त्या मिराच्यिक मि ज्येन्दिकि माज्या माकाेन्बा ज्येन्दिकि शाप्च्यला लेबु तिकि थाेङ्सुङ ।
12
ग्याल्बुकि तिला सिक्यासुङ, 'दाल्जा, ज्येन्दिकि माज्या माकाेन्बा ख्याेङ द्या नाङ्ला च्युक क्यानि लेबु?' तेमे ति मिकि काङ ताम कि माथु ।
13
ति तिङ्ला ग्याल्बिकि दाक्पि यक्पु तिवाला सिक्यासुङ, 'दि मिकि लाक्पादाङ काङ्बा ट, दिला फिला नाक्तिङिला क्युर, केनिदि ङतिवादाङ (दाह्रा किटाइ) गिउइ ।'
14
चिला सिसिन काताङु तिवा अाला वाइ, तर (चुनिएका) तिवा अाला वाइ ।"
15
तितिङ्ला फरिसितिवा त्यासुर गाल्सुङ, येसुकि सिक्याबु ताम्ला तिलाराङ च्युक क्यानि थाला ग्यागु सिरु कलाला (याेजना) जाेसुङ ।
16
तितिङ्ला तिविकि दाक्पि लाेप्टुक तिवादाङ हेराेदि दलकि काङ मि तिवाला येसुकि चाला ताङ्सुङ । तिविकि येसुला सिक्यासुङ, “गेकेन, ङेराङ्ला छ्या वाइ, ख्याे हुतुङ वाइ, ख्याेकि काेन्ज्यककि लामला हिदुपति लाेप्क्युइ । ख्याे सिकि काङ नासाम ताेङु सिरु ताम्ला (वास्ता) मिकिउइ, मितिविकि पार्ला ख्याेकि छ्य मिकिउइ ।
17
तिकिकिसाला, ङेराङ्ला सि, ख्याे काङ सिउइ? कैसरला से ज्येलु ल्यामु हिन्ना मिन?”
18
सुकि तिविकि दुक्टे छ्या ङेनिते सिक्यासुङ, “खनाक्पा, “खिराङ ङाला चिला खक्पा ल्हेउइ?
19
से ज्येलुप टाङा ङाला छ्या तेन ।" तितिङ्ला तिविकि येसुकि चाला दिनारच्यिक खसुङ ।
20
येसुकि तिवाला सिक्यासुङ, “दि सि मिनदाङ (छाप) हिन?”
21
तिविकि येसुला सासुङ, “कैसरकि ।" तितिङ्ला येसुकि तिवाला सिक्यासु, “तिनक हिन्सिन, काङ कैसरकि हिन, ति कैसरला बिन, तेमे काङ काेन्ज्यककि हिन, ति काेन्ज्यकलन बिन ।"
22
तजाेला तिविकि दि काेसुङ, तिवाला याम्छेन लासुङ । तितिङ्ला तिवा येसु चानेसुर गाल्सुङ ।
23
तिराङ ङिमाला काङ सदुकि तिवा येसु चाला लेसुङ, सिकिदि (पुनरुत्थन) मेङु सिनि सिरु नक । तिविक येसुला टिसुङ,
24
“गेकेन, माेशाकि साबु नक, 'लाला ख्यकपेजा पेजा माकेबा सिनक क्यासिन, तिकि नुककि तिकि पेर्मिला ज्येन्दि क्यानिते दाक्पि च्याेच्यि (निम्ति) अाङा के गाेक्यु ।
25
तिवा मिरादिन उज्युनुक नक । तङिदिकि ज्येन्दि क्यासुङ । मिराचिगाङ पुज्युङ पुम माक्येबा तिकि दाक्पि पेर्मि नुकला ताङ्सुङ ।
26
तितिङ्ला राङ्सा नुकतिकि तिनकराङ क्यासुङ, तितिङ्ला राङ्साकि, मिरादिन्गार पुज्युङकि तिनकराङ क्यासुङ ।
27
तिवा उज्युनुक तेरिक श्यिसिमा ति पुम पेजादिङ श्यिसुङ ।
28
ता (पुनरुथन) ला ति पुम पेजा मिरादिन उज्युनुक पार्ला सिदि हुङुउइ? चिला सिसिन तिवा तेरिककि ति तानि ज्येन्दि क्यानि सिदु वाइ ।
29
येसुकि तिवाला कालेन क्यानिते सिक्यासुङ, “खिराङ (भुल) ला परेक्याबु वाइ, चिला सिसिन खिराङ काेन्ज्यककि ङारला छ्या मेशेउइ ।
30
चिला सिसिन (पुनरुत्थन) ला ना खिरेकि ज्येन्दि किउइ, ना तिवाला ज्येन्दि किरु सिनि तेर्क्यु । बरु, तिवा देवाच्येनला वदु थु दगेराङ हुङुइ ।
31
श्येव तिविकि (पुनरुत्थन) कि कला चाेवाे कान्ज्यक नेसुर दुकक्यानि खिराङ्ला सिक्याबुदि काङ खिरेकि रकु मेत,
32
'ङा अब्राहामकि चाेवाे, इसाककि चाेवाेदाङ याकुपकि चाेवाे हिन? चाेवाे श्येप तिविकि चाेवाे मिन, तर येसु सेन्बा तिविकि चाेवाे हिन ।"
33
दजाेला जाेबु मि तिविकि दि काेसुङ, तिवा येसुकि येन्देन्ला याम्छेन लासुङ ।
34
येसुकि सदुकि तिवाला खाराक्पा ज्यागुदि तजाेला फरिसि तिविकि काेसुङ, तिवा जाेम्सुङ ।
35
तिवि नाङ्ङि मिराच्यिक (व्यवस्थापक) लाेबेनकि येसुला खक्पा ल्हाइदाङ (प्रश्न) च्यिक टिसुङ,
36
“गेकेन, (व्यवस्था) ला तेरिकसिना बाेबाे कादि च्यिन्दि हिन?”
37
येसुकि तिला सिक्यासुङ, “ख्यरेकि चावाे काेन्ज्यक चाेवाेला दाक्पि तेरिक सेम नेसुर, दाक्पि तेरिक जुबुदाङ दाक्पि तेरिक सेमकि च्याम्बा किसा ।
38
तिदि तङदि दाङतेरिक सिना बाेबाे ।
39
तेमे (तेस्राे) का दिङ तिनकराङ वाइ 'ख्यरेकि दाक्पि (छिमेकि) ला दाक्पुला दगेराङ च्याम्बा किसा ।
40
तेरिक व्यवस्थादाङ लुङ्तेम्बा तिवा दि का ङिकि खाला (अाधारित) वाइ ।
41
फरिसितिवा तेरिक दासाच्यिक्ला जाेबु बेला येसुकि तिवाला (प्रश्न) च्यिक टिसुङ ।
42
येसुकि सिक्यासुङ, “खिराङ चाेवाेकि कला काङ सेबा किउइ?” तिविकि येसुला सिक्यासुङ, “दाउदकि पुज्युङ ।"
43
येसुकि तिवाला सिक्यासुङ, “तिनक हिन्सिन, दाउद थु चेङिकि केङ्सिनाङ दाउदकि चिला तिला दुकक्यानि चाेवाे सिनि सिक्यासुङ,
44
“चाेवाे काेन्ज्यककि ङे चाेवाेला सिक्यासुङ, “नामसाक्ला ङेकि ख्यरे (शत्रु) तिवाला ख्यरे काङ्बाल श्याबा कि मिज्यउइ, तजाेसाङ ख्याेङ ङु लाक्पा याबि क्ष्यला देत” ।'
45
दा उदकि येसुला 'चाेवा' सिउइ सिसिन, ति च्युक क्यानि दाउदककि पुज्युङ हुङुइते?”
46
तिवा सिकिसाङ कालेनला छिक ज्यिगाङ ताम कि माथु, ति ङिमा नेसुर तिङ्ला येसुला सिकिसाङ् ज्येन (प्रश्न) ट्ये सेम माक्या